رواية #هعتبرك_مت 🖤
( 2 ) الجزء التاني و الاخير 🥀
ضمن مسابقة 👑 #ملكة_الاحساس 👑
للكاتبة #منار_السليني
.
#قراءة_ممتعة 🔥
عمر يتنفس بصعوبة وقال: شفت اسمه من ضمن واحد من قوارب الهجرة غير شرعية، "زمط ريقة" هاجر.
دنيا شافتله زيييين واغمى عليها.
_______________________________
نسمع فيهم شن يقولو نسمع في عياط زينب نسمع في خالتي تكلم نسمع في الناس تقول يا ساتر! نسمع في كلللل شئ.
نشوف في ضباب مش قادرة نشوف من يلي مسندني على كرعيه (رجليه) مش قادرة نشوف من يلي يخبط في خدودي مش قادرة نشوف اي شئ!
_________________________________
11:40 م
الممرضة: عطيتها مهدئ ورقدت.
الممرضة الثانية يلي تحط في التغذية: ان شاء الله لا بأس عليها.
ريما قعمزت على الكرسي وحاطه يدها على رأسها وتبكي.
سمية قربت من ريما: ألهي في بنتك وماتفكرش في الناس تو نمشي انا ومريم ونحلو الأمور ونتصلو بيهم كلهم.
ريما هزت رأسها بدون ماتدوي ولا حرف.
زينب كانت واجعتها دنيا بكللل بس في شئ مفرحها! من كثرة ماتحبها فرحتلها.
هذك الليلة كانت اصعب ليلة عند الكل!
_________________________________
عمر وقف بالسيارة وحط رأسة على الدومان وهوا يتنفس بصعوبة.
منذر قرب من سيارته وفتحله الباب: قلتلها!
عمر ساكت ماقدرش يدير اي شئ غير ياخذ نفس.
منذر طبطب على كتفه: اهدأ.
عمر ناض وخدا دخانه ونزل.
منذر: صهيب جاي في الطريق تعال نقعمزو ونشربو شاهي ونحكو على رواق.
عمر هز رأسه بالنفي: قاعدة في المستشفى هيا مانقدرش نخليها بروحها.
منذر تنهد: باهي اقعد شوية بين ماتهدأ.
عمر هز رأسة وقعمز.
________________________________
زينب مقعمزة جنب دنيا وتمسحلها في مكياجها وهيا راقدة: دنيا حبيبتي كله حينحل يا روحي ما اديريش في روحك هكي ونبيك تنوضي قوية.
ريما سكرت القرآن وحطاته على جنب: كانت دايره معاه علاقة صاح؟
زينب فتحت عيونها وهزت رأسها بالنفي: لالا.
ريما: اصلاً لو مش دايره علاقة ماكانش صار فيها هكي بنتي وحافظتها بتقنعيني من اسبوع بس حباته! واضحة كم لها معاه؟
زينب ألتفتت: بس اللي فات مات صاح؟
ريما هزت رأسها: بس كم سنة؟
أنت تقرأ
هعتبرك مت ( روايات ليبية )
Romanceللكاتبة #منار_سليني .تدور أحدات الرواية علي علاقة حب تنتهي و لكن الحب يبقي ، فهل الحبيب سيتخطى مرحلة الفراق ، او سيظل متأتر بها ، قصة حب درامية رومانسية بين طرفين تتحول الي رماد 💔 غيّرهُ الكّونُ والفّسـاد.. ولاح في وجهه السّواد..كأنـه دمنـة امّحت...
