انا درت خطة مكنتش حاسبا العواقب..الله غالب طيش مراهقة زيد عليه المجتمع اللي كبرت فيه مختالف على المغربي..او التهور ديالي وصلني لشيء الذي لا يحمل عقباه..
انا:ماما قنت فدار
ماما:اوشبغيتي ندير ليك نجيب ليك سرك عومار لدار؟!!
انا:لا مشي تال ديك الدرجة انا نمشي غير لدار جدي منها نشوفهوم او منها نفوج شويا معا لبنات
ماما:وااا لعجب هادا الالة من امتا طاح لحنان توليتي تموتي على دارنا
انا:رضيت بقدر الله..او كلها 3jrs او رجع
ماما:خلي لويكاند او مشيو بجوج.
انا:وا صفييي انا نمشي دبا او نتي لحقي عليا لويكاند
ماما:واخاا نوضي نوصلك
انا:وصفي دار جدي فدورة تديني نمشي راسي
ماما:تقدم ملحووووظ ...سيري او ردي لبال لراسك او مدوي مع حد او طيل متجبديييهش
انا:وا حفضت الدرس..او نتي بلاما تبقاي تعيطي انا نعيك ليك
جمعت شنطتي او درت فيها مستلزمات المغامرة..خرجت او كي بعدت على الدار عيطت لروشدي جا هزني :اهلان حبي صافا
انا:حمد لله..يالاه نمشيو او دوزني لفارماسي
رشدي:بلاما تگولي دم اولا شحاجا
انا:ولاااا غير انا منين كنشرب كيدرني راسي انجيب غير دوليبران..
وصلني لفارما او خديت دوليبران او شي تقاطر ديال نعاس
رجعت:مگلتيش ليا فين اتديني..راني عندي غير ليوم غدا هاد لوقت نكون فدار جدي
رشدي :ليوما اتسهري سهرا ولا في لاحلام ..او انا انعجبك اكبيدا
انا(ههه انا لموجدا ليك مفاجئة احنيني)
وصلنا لسعيديا بعد 4h ديال طريق حجزنا سويت ففندق بي لايف او خرجنا ندورو شويا او توجهنا لپلاج او انا لبسا كسوا مغطيا كتر من لي معريا كنتمشا او لعنين كلها عليا ..عمنا عوما وحدا او خرجنا حيت انا مبغاش نتبرونزا على ود ماما
طلعنا لسويت دوشت من لماء ديال لبحر او رشدي عيا معايا او انا بوووسة هيا لخرا مداهاش مني..نهار كااامل ناسيا اسامة او هوا ايهبل بتعياط او انا ممسوقاش لطيل
عيت لماما تلفتها بهضرة..او بديت نتقاد لبست غوب نواغ او تمكيجت دخل رشدي بغا يتقرب مني هزيت ساكي او سلت ليه گوتليه صبر غير تتل ليل بعدا..مشينا لبواط دونوي ناس گااع سهرانا او زهيا ..توحشت هاد الجو
منكذبش عليكوم منين كنت فتولوز كنت نكدب علا الدار او نمشي نسهر او نكدب على لي فلباب نگوليهوم عندي20 عام باش ندخل
او ماما او بابا كنت نگوليهوم انا غادا مع بنات اولا سينيما اولا اي مكان عمومي..او عمرهوم عاقو..او حتى خويا لي يحكمني كان مدمن مخدرات او عرف شوحدا يهوديا داتو من تم معرفناه فين..انا سدقت احقر وحدا ..ولاكن كفاش وحدا كبرا هاكا باب سكايري او عطيها لساهرات خويا مدمن كفاش منكونش هكا..صدق من قال من شب على شيءشاب عليه..تفكرت اسامة هوا تربيتو مشي بحال ديالي...واحد لحاجا لي لسقا فدماغي او ديما ماما تگولها الشرف الى توسخ ميغسلوش الصابون..
نرجعو لسهرة🎵🎶 كنت كنشطح اونتمايل نسيت الواقع اونسيت كلشي..شربت ولاكن مسكرتش..حتى روشدي لي كنت معاه نسيتو حيت كان مجرد گنطرة وصلت بيه فين بغيت..اي واحد يگوليا نشطحو نشطح معاه.. واغريت اكبر عدد من الرجال لي كانو حاضيني او ريوگهوم سايلة كي الدياب...هدي فخاطرك ابابا لي عمرك درتي فبالك دور دورة او تخرج فبنتك...كفاش منكونش هكا او انا باش كنت كندخل لشي بواط لقا بابا مع بنات صغر مني🥺🥺 ..
معرفتش علاش كنت كنبكي انشطح..كنبكي علا خيانتي لاسامة لي حطني فعينو او لقيتو وقت الشدة..اولا كنبكي علا بابا لي جرا عليا انا او ماما بلا ريال بلا جوج..اولا على قرايتي للي مكملتهاش اولا على لخماج لي انا فيه اولا على التقة دماما🥺🥺🥺
...:الو واش اصاااط
اسامة:واش اصحبي فينك شنو هاد لغوات لي حداك?!!
..انا سهران...خلييينا من هدشي او گوليا..ديك لكتكوتا لي كتعمر معاها بزايد هاد يامات باقي معاها؟!!
اسامة(غير سمعت هكاك تقزت من بلاصتي):علااش؟!!
..:واجاوب واش باقيين
اسامة:دوي الق** بلا خرا..ااه باقي معاها او زيدون هديك بنت عمي..لاش؟!
...:شغنگلك اخويا...هيا راا...
اسامة:دوي اتبييي راها ااش
..:هي دبا فسعيديا معا رشدي الروج او زيد عليها سكرانا
اسامة: اش داها لسعيديا تأكد اصاحبي
...:عرفتي شنو قطع انا نصيفط ليك vdio فلواتساپتأكد راسك
منين قطع دري او انا كندعي ياااااربي متكونش هيا ...اصلان هيا متفوتش كازا بلا بيا..اش داها لسعيديا..
اوا وصلني لفيديو ..منين شفت ديكور جاتني دبابة على عيني....كنشوف لفيديو او نبكيي...ماريا كتمايل وسط رجاال...لي درتها مرتي حلالي تخونيي..سهرانا عريانة لي يسوا اوليميسواش حضيها..مسحت دموعي منين حسيت قلبي برد..عيطت لصاحبي وصيتو يتبعهوم فيما مشاو..'او يصيفط لوكاليزاصيون...
