فاقت حور من نومها وصحت يوسف وقالت بخضة:احنا نايمين هنا من امبارح
يوسف بحزن:اه
حور:طب ممكن نمشي بقي
يوسف:هروحك وبعدين ارجع تاني
حور:لا هنروح سوا وتستريح ونيجي سوا بكرا
يوسف:ماشي
ثم انطلقوا الي البيت
_____________________
وفات علي جميع ابطالنا خمس شهور وقد عاد كل واحد الي بيته وحياته وعمله ومروان طلب ايد تمارا واتخطبوا الا يوسف فهو لم يخرج من غرفته وكان يصلي ويدعي لصديقة
____________________
في غرفة يوسف
دخل عليه زين
يوسف بحزن:اتفضل يا بابا
زين:ممكن اتكلم معاك
يوسف: طبعاً
زين: بص يا يوسف يا حبيبي احنا كلنا فخورين بيك بس بالرغم من دا الا اننا زعلانين منك مينفعش اللي بتعمله دا هو خلاص راح عند اللي خلقه انا عارف انه صاحبك من ساعت ما اتولدت وانت بتحبه اووي وهو اكتر من اخوك وفداك بحياته بس دا ميمنعش انك تشوف نفسك بقي مش هينفع الحزن وقعدتك في اوضتك ليل نهار مش هترجعه تاني طب قولي ذنبها ايه المسكينه اللي انت كتبت كتابك عليها بقالك ست شهور وهي مستحمله بس عارف ليه عشان بتحبك بس هي زيها زي اي بنت بتحلم تلبس فستان ويتعمل ليها فرح لازم تخرج بقي وتفك وترجع حياتك وتتجوز يا يوسف
يوسف بتنهيده:اللي في الخير يقدمه ربنا يا بابا
زين:انا هسيبك تدور الكلام في دماغك وهستناك تنزل عشان تروح لوالد حور وتحدد معاد الفرح
ثم خرج من الغرفه ونزل لتحت
وظل يوسف يفكر الا ان قام صلي ودعي لحازم ولبس وحلق لحيته ونزل لتحت
_____________________
عند عدي
يجلس ومعه مروان وكرم
مروان:عمي انا عايز اعمل الفرح بعد يومين
عدي:ليه الاستعجال دا
مروان:ولا استعجال ولا حاجه الڤيلا موجوده وكل حاجه
عدي:بس ناخد رأيي تمارا الاول
نادي عدي علي تمارا ثم جاءت
تمارا:نعم يا بابا
عدي:مروان عايز الفرح بعد يومين
تمارا بخجل:اللي تشوفوا يا بابا
مروان:اتفقنا يبقي الفرح بعد يومين إن شااء الله
كرم بتوتر:عمي انا طالب ايد تالين
عدي ومروان وتمارا بصدمه:ايه
كرم بضحك:ايه يا جدعان هي محدش يطيقها للدرجادي
عدي:كرم انت بتحب تالين
كرم بهيام:يووووه من زمااااااااااان
عدي:وانا موافق روحي يا تمارا اندهي تالين ناخد رأيها
جاءت تالين
تالين:نعم يا بابا
عدي:كرم طالب ايدك موافقه
تالين بخجل:ايه اه لا
عدي:موافقه ولا لا
تالين هزت رأسها بالموافقه
كرم:علي خيرة الله نقرأ الفاتحة
مروان : من غير امك وابوك
كرم بضحك:قرأتها معاهم قبل ما اجي
انتهي من قراءة الفاتحة
كرم:إن شااء الله الفرح بعد يومين مع مروان
يارا:مبارك يا حبايبي
___________________
عند محمد والد حور
حور: بابا انا هلبس وهروح ليوسف شوية
ادهم:حبيبتي خليكي انهارده روحي
بكرا انتي كنتي لسه عنده امبارح
كادت ان تتكلم ولكن اوقفها صوت الباب
ادهم:استني افتح
حور:خليك انت هفتح انا
قامت لتفتح ولكن اتصدمت من الشخص الذي يقف امامها
حور بصدمة:............
أنت تقرأ
رواية تضحية اكثر من اللازم (الجزء الثاني من إنتقام ثم عودة) بقلم:شروق خالد
Romance•رجوع الانتقام مره اخري ولكن هل هذا الانتقام سيدمر حياة احد •حب من اول نظرة ثم جواز ثم حدث اليم ومميت •هل مثل ما يقول الاخرون ان الفرح يأتي معاً والحزن معاً •انتقام ولكن لا احد له ذنب بيه هل سيحطم الجميع ويكسر قلوب اشخاص ولماذا
