صباح الورد 🌼💛
بسم الله الرحمن الرحيم
تحياتي كنعانيه 🔥🖤
............................................................
الخميس !
....راجعه من دوامي العصري واحس حذائي راح ينگطع واندعي انو مايصير شي اله إن اوصل للبيت الي محسووب علينا بيت لكن بالاصل هو خرابه ........
اتذكر طفولتي الي جانت كلش مثاليه ويه بابا وماما واختي الوحيده ......
چان بابا صاحب ورث چبير واملاك بعد موت بابا بحادث سياره عمامي كلهم باكو الورث من ماما وانه واختي چان اعمارنه ٧...٩ سنوات
ماما بعد موت بابا باعت بيتنه القديم والجببير واشترت ببيت صغير على كد حالنه بس هذا البيت بايام المطر اكتشفنه انو يزخ ماي وبغضون خمس سنوات صار خرااابه !
!!
نرجع ـ
وصلت للبيت الحمدالله حذائي بخير ....!
دخلت وشفت بالطارمه بنت خالتي الصغيره الوحيده الي تحبني بيهم (ماما وخالتي يتيمات ماعدهم اهل وعاشو حياتهم عند عمامهم )
دخلت للصاله الي هيه افضل شي ببيتنه !
شفت خالتي وابنها ميلاد وبنتها سها ستغربت وجود ميلاد چان بس يجي يجيب خالتي ويروح وسها همين والله شغلتهم مو خاليه !
سلمت على خالتي وسلمت سلام چامع لميلاد وسها لأن سها دائما تستنكف تسلم عليه وتباوعلي بالعين الصغيره !
خالتي كلش تحبني دخلت الغرفه بعد ماسلمت عليهم بدلت وخليت جنطتي على الكومدي الي بالغرفه الي كلنا ننام بيها أنا وامي واختي الوحيده......!
توجهها للمطبخ اكل صبيت الاكل من دون لا احمي وكعدت اكل ...!
اجتني اختي الي بعدها ماقبطت ال11 سنه تصيحني ...
نجمه كومي ماما تريدج
شعدها وياي؟
ماادري
حجيت بنره امر ....امشي روحي شاوريها خل تجي مو كل مره تصيحني وتعاي دخلي واحرراج وفلم !
اووف تمام
تاأفئفت وراحت .....
امي مااجت شوي واجت معصبه ...
تكومين تبدلين وتجين تكعدين يمنه صار سنه من دزيت اختج عليج !
اووف وميلاد؟
شعليج بيه
راحت كمت غيرت ملابس البيت ودخلت من دون حجاب سافره إنه .....
كعدت يمهم وهاذا ميلاد كصني كص وماادري ليش فرحت ببنضراته ؟
معقوله ؟!!
🔥
(انا نجمه فتاه في عمر الزهور لم تبلغ من العمر 20 عاما سارى مصاعب الحياه في صغري هل سأرى النعيم يوما ما ؟
عشت حياه مليئه بالاشواك واحاول حمايه ورداتي الثلاث ....!
هل يمكنني ؟
كان الزواج من المستحيلات بالنسبه لي بسبب مشاكل التي رايتها بين والدي يوما !
قد عشت يتيمه قبل بلوغ العاشره هل سأبقى كذالك ام سأتبنى ؟! )
.
.
.
.
انشالله تكون بدايه القصه حلوه بالنسبه الكم طبعا القصه حقيقيه ١٠٠/١٠٠ راح اسرد احداث حياه بطلتنا نجمه من صغرها ......
والقصه كلش حلوه وهادفه لحب النفس !
اتمنى تتابعوها 🙂
احبكم جميعا 🖤🐼
دمتم بخير 🖤🐼
