مساء الخير للجميع.....🐼🖤
تحياتي كنعانيه 🖤
..........................................................
طلعو وانه رحت لفيت راسي ونمت حسيت بأمي تكعدني عل عشا بقسوتهه المعتاده .....كمت اتعشيت هل قاسمه الله..!
وكضيت كتبي وكعدت من ال8 لل12 كلمره ادرس الخميس والجمعة والسبت اكضيها نووم !
وعفت الكتب مليت كمت رحت كعدت بالسطح مكاني المفضل باللبيت !
ابتعد بيه عن صياح وعياط امي ...
فكرت اجيب تلفون امي الوحيده الي عدها جهاز نزلت دورت لكيته ناسيته بالصاله اخذته وصعدت فكرت ليش مااراسله اشوف ليش يباوعلي مساع !
دورت دورت بالارقام لكيته ....
ميلاد ابن اختي ..
هلو
چان متصل كبل رد !
خاله ؟
انتبهت الوقت الي مراسلته بيه ......
لا نجمه
اها نجمه شلونج ؟شخبارج
الحمدالله ...... (ياربي ورطت روحي شكله ليش مراسلته ؟ )
شبيج خالتي بيها شي ؟
ها لا امي مابيها شي بس ردت اعرف مساع من جنت عدنا چان اكو بيه شي ليش چنت تباوعلي ؟
ها الصراحه نجمه ماراح الف وادور من الاخير إنه معجب بيج ..!
وبعدين تعاي امج ماكلتلج احنه ليش تجيناكم اليوم ؟
خرررب شنو جاي يحجي هاذا يمههههههه.عزززا هسه ليش راسلته إنه !
نهيت الاتصال ب.....
تصبح على خير
مسحت المراسلات .....ونمت وانه افكر شعدهم جايين اليوم بيت خالتي !
مرت يومين والسبت بالليل !!
يمههه مااريد اخذه مااريد ...كلتها بنتره طلعت شفت اختي واكفه بالباب خرزتها طلعت للسطح واسمع امي تصيح ورااي ....
شليتوني ..راح تجلطوني انتي واختج ...شلون مصايب .. صدك لو كالو هم البنات الممات ..... الخ
صعدت كعدت بالسطح افكر باجر عندي دوام وجاي افكر بكلشي اله الموضوع الحاجتني بيه امي
رجعت شفت نفسي افكر بنفس الموضوع....
اوووف زواج بهل عمر .... كافي هو الشفته من عرايك اهلي ومشاكلهم هم اشتهي زواج ؟
(لم تكن تدرك ما يجب فعله فهل الزواج في عمرها مثمر ؟!)
ضليت افكر ما حسيت اله دموعي على خدي نزلت دموع حاره .....بديت اتذكر طفولتي ويه بابا ماما من صغرنا إنه واختي قاسيه ويانا بس بابا چان يخليها حد كل مره .. وچان بابا كلش يحبنه وچانت سبب معامله امي السيئه النه لأن بنات عمامي چانو دائما يحجون على امي وتجيب بس بنات وغيرها من هواي كلام يضوج ماما !
اجتني اختي امنه تصيحني على اكل ماقبلت اكل ....
اوووف نجمه لا انتي ولا ماما تأكلون لعد اكل لوحدي..
ماما مااكلت ؟سئلت بفضول
لا يلا نزلي
تمام
ابتسمت باستهزاء لو شكد ماتقسي علينا تحزن على حزنهه وتفرح لفرحنا هه!
الام !
نزلت ورا امنه شفت مسويه شاي وخاله اجبان وخبز !
اكلنا وماما نايمه وكفينا البيت لان ماما من الصبح تطلع لشغلها !
نمنا بمكانه إنه واختي وحضنتني وخرت عنها متضايقه بس هيه لزكت بيه المهم اتنهدت ونمت !
كعدنا الصبح .......!
بدلت إنه وامنه وامي ماحاجتني تريكنه وكفينه المطبخ راحت لشغلها سكرتيره بمستشفى....
طلعنا للمدرسه إنه واختي وصلتها لمدرستها طبعا اختي كله صباحي وانه لا اليوم صباحي والباقي ضهري إنه بصف ثاني متوسط وهيه خامس ابتدائي......
مشيت لمدرستي وشفت بالباب مال مدرسه ميلاد ابن خالتي اوووف شعنده هاذا ؟
ردت ادخل اجالي ....
هلو نجمه شلونج؟
هلا ميلاد رائد شي ؟
شبيج هيجي تحاجيني يابه ؟
شلون احاجيك عيني ؟
هممهم مثل الماعاجبه وكال
إنه اجيت اريد اعرف ردج لموضوعنا ؟
ثولتها...ياموضوع ؟
حجه. متضايق ومبين مستعجل ....
موضوع زواجي منج ؟
باوعتله وحجيت بضجر....شوف ميلاد إنه بعدني صغيره ومافكره اتزوج الله يهنيك شوفلك غيري ....
اشووو هذا عصب وعلى صوته .....
لا باله ليش شلون صغيره ...وكمل بخبث
بعدين ليشوف جسمج ما يكول صغيره!
حسيت بأهانه من حجيه دفعته ومشيت المدرسه حسيت نفسي اريد ابجي ركضت للحمامات دخلت لواحد من الحمامات فارغ وخلصت دموعي وطلعت چان داك الجرس ركضت على صفي چنت كله شارده بحجي هاذا الي مايتسمى !
وحتى المدرسات انتبهو عليه لأن بحسابي طالبه متفوقه المدرسات يحبوني ....
وصلت للبيت واحس نفسي حاقده على امي بسبب موافقتها من زواجي من ميلاد .!
كلعاده امي ماكو تجي بالثنتين وهسه بال12
رجعت بدلنا إنه وامنه وشفته نفسنه موجوعانين لفينا راسنه ونمنا. .....
كعدتنا امي بالاربعه!!
......
صار سنه اكعد بيكم يلا كومو
حجيت متضايقه من وجودها فوك راسنه ....
اي اي كمنه
طلعت وكمت كعدت امنه وكمنا شفته مسويه اكل اكلنا وغسلت المواعين وامي لبست مناضرها وكعدت تشتغل تخيط .....!
كضينه كتبنا إنه وامنه من الخمسه للثمانيه
....
كمت سويت عشه وضميته يحمو وياكلو بس لان العشه عليه سويته ......
اخذت دفتري الي متعوده اكتب بي اشعار وصعدت للسطح بديت اكتب كلام محفز
......
(كن قويا فلديك محبين
كن شجاعا فهناك حياه لم تعشها )
.........................................................
كاعده ومصدومه واسمع كلام امي وهيه تحاجي خالتي بالتلفون ......
خيه هيه الكم بنيتكم.....
وكملت كلامها ويه خالتي وباوعتلي وحجت ...
الاسبوع الجاي عقدج
وعافتني وكامت.....
احس انشليت عن الحركه شنو چاي يصير بالضبط ..شنو لازم اسوي ...
ابجي .!؟
اصرخ ؟!
اسكت وابلع هضمتي ؟!
افرح ؟!
(كوني شجاعه فالمصائب ستاتي عزيزتي الحياه ستاخذ اعز ما تملكين يوم ما وتميتك وتحيك مرات عديده !)
...........................................................
السلام عليكم ورحمه الله وبركاته!
،🐼🖤
احبكم ♥️
دمتم بخير 🖤🐼
