اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
---------------------------------------
مديحه وهي نايمه يم اختها سوسن بغرفة امهم، قالت/سوسن راح اگولن الج شي بس لا تضحكين عليه
سوسن بأهتمام/گولي خيه گولي
مديحه/انه چنت افكر من زمان ان بنات ابراهيم وحده لرافد و وحده ل قيس...ضحكت...نوب طلعو ولد
سوسن ضحكت وقالت/بيني وبينچ انه هم هيج چنت افكر
ضحكن ثنينهن ع افكارهن الي هسه صارت مستحيله
سوسن بعد ما كملت ضحك/اگلج اليوم ابراهيم ابد معجبني، هو صدگ قعد وضحك ويانه بس حسيته هواي مهموم انكسر قلبي عليه
مديحه/اي والله حتى اني انقهرت عليه، كله من وره سوزان هسه لو قابله ترجعله
سوسن تنهدت/هي هم حقها الي سوا ابوي بيها مو شويه
مديحه/بس ابوي مات بعد چا غير ترجع لرجلها
سوسن/يا رجل هذا هو طلقها قبل ٢٣سنه، اصلا زين منها ما تزوجت وراه
مديحه/اگول خل نروحلها باچر ونليّن قلبها ع ابراهيم
سوسن/اي خطيه ابراهيم خلينه نساعده شويه وانه راح اگول ل قيس يجيب النه العنوان حتى نروح
مديحه/اي خوش فكره، يلا تصبحين ع خير
سوسن/وانتي من اهله...
. . . . . . . .
يوم جديد... السويد/ جامعة ستوكهولهم... الساعه ال ١١:٠٠
آسر كان قاعد ويسمع توبيخ من صديقه نيك الي استمر يحچي مدة كثيره بدون توقف وهو يأنب آسر
نيك/حقا لا اصدقك، تبقى في غرفتك ايام العطله وكأنك ارتكبت أثماً مع انك حصلت على ماتريد ايها الاحمق وايضاً هو يجب ان يختبئ ويبقى في غرفتك وليس انت ايها الغبي ال..
قاطعه آسر وهو يحط ايده ع فم نيك بنية اسكاته/يكفيييي حقا يكفي، انت تثرثر منذ ان وصلت الى الجامعه حتى لم تعطيني فرصه ان اشرح موقفي
