عِشًگ وَلَدْ اَلْعَمْ

part1

هلاووو...

⭐#الشيخ و الشيخه⭐
.

.

*للكاتبه شهلا♥

-أم جبل/ عيني أبو جبل تذكر شهاب ابن الشيخ فقار ابن اختي عطيه

أبو جبل/ ي اذكره خير شبيه

أم جبل/ لا كل الخير ماكو شي بس هو رجع من السفر و تخرج

ابو جبل/ مشاءالله والله كبر شهاب و صار رجال

-هلاووو

ابو و ام جبل/ هلا هلا بالحلوه شلونج حبيبه

غزل/ هلا والله بريحة هلي الحمدالله أني تمام .. ها داشوف عدكم سالفه خطيره ههه منو الي راجع من السفر

ام جبل/ هذا ابن خالتج عطيه شهاب

غزل/ (تشركت بالمي) كح كح..كولي والله صديقي الصدوق رجع عااااااء

أم جبل/ اسم الله عليج بنيتي شوي شوي هدي

أبو جبل/ خبال اي والله هههههه

أم جبل/ ابو جبل عيني لا تنسى ترة بكرة معزومين ببيت العيله برجعت شهاب

ابو جبل/ يصير خير ..الحمدالله شبعت يلا حبيبات جهزن رواحياتكن وانت ريان يلا كوم بريح شوي و بنطلع عالساعه 3:30

هسة خلوني اعرفكم عن نفسي..احممم اني غزل عمري ١٧ سنه ني شيخه و الكل تحسبلي الف حساب   شخصيتي حلوه كلش اني اجتماعيه و احب اتشاقه و اسولف هواي اني ام لسان احب أخذ حقي و حق غيري م اسكت عن الحق ابدا مميزاتي اني طولي 160 و وزني 50 شعري طويل كلش بحيث يوصل لركبتي امي و ابوي ميخلوني اكصه يكولون زينه المره هو الشعر بس كلش يأذيني لونه بني فاتح عيني عسلية عندي خدود كلش حلوه و غمازه بوسط خدي خشمي صغيره بيبيتي تكولي تشبهه خشم البزونه هههه و شفايفي صغار و منفوخات و دايما ورديات ههه ... بخصوص المشيخه اني لسه م استلمت المشيخه بس الكل يعرف اني الشيخه اول م ولدتني امي جدي جان حيل متعلق بية و يحبني كلش و قرر انو ينطيني المشيخه حك النسوان حتى لو معرف احل الطلايب.. بس ابوي كالي انو اني من لمن كنت زغيرة كنت كلش ذكيه و اتصرف بعقلانيه حتى لو كنت مخبله ههه و فعلا لما صار عمري ١٠ سنوات كان جدي دايم يخليني بالديوان معه و اعرف كل شي عنهم و جدي جان عنده صديق كلش حباب طبعا هو جدي الثاني لان رباني من لما كنت زغيره فهو كان يكولي لما تكبري رح تصيري شيخه و تحلي الطلايب تمام التمام بدون مشاكل ... انا عايشه حياتي تمام صح بيه مشاكل اصلا مافي بيت ميكون بيه مشاكل من ناحيته العمات او الخلات او العيله بشكل خاص شي اكيد..اني عايشه ببغداد ويه بابا و ماما و اخوي الريان و عندي ثنين اخوان بعد حنا اصلنا من بصره بس انتقلنا بسببي من لما توفى جدي لان جاتني حاله نفسيه كلش هدمتني.. صعبه تخسر انسان كان لك شي عظيم سند و قوه و فجأة يرحل و صعبه كلش تعيش بدونه

بابا ٤٨ و ماما ٤٤ يكونوا أولاد عم تزوجوا عن حب حسب ما عرفته عدهم اخوي الجبير الي هو الشيخ من بعد جدي الله يرحمه اسمه جبل ٣٠سنه متزوج طبعا كلش عصبي و معرف ليش يكرهني بمجرد ميشوفني بس يريد يكتلني ويصير اعصاب احيانا اسأل نفسي اكيد هذا اخوي من امي و ابوي . زوجته تكون بنت خالتي عذراء ٢٤ سنه وهم بعد تزوجوا عن حب و عندهم ولد عمره ٦ سنوات حبيب عمته اسمه يزن

اخوي الثاني اسمه منتضر عمره ٢١ سنه يدرس فالخارج كلش حباب كلبه طيب عكس جبل يحبني كلش و مدللني عالخ

اخوي اخر العنقود اسمه الريان عمره ١٠ سنوات كنت اتمنى يكون بنت بس جاء ولد الحمدالله بس دايما مخبلتنه و هو هادئ كلش ميحب الفوضئ و دايما يسايرني ههه احسه جاي من غير عيله دائما اشوفه يقرأ كتب و هيج و ماله حس بس احبه كلش و مرضى عليه بالرغم اني دايما اتهاوش وياه ههه

حياتي حلوه كلش مع الناس الي داتعيش معي بس حياتي دايما بقلق بسبب صحه امي و ابوي

صحتني ماما من صفنتي/ ولج يمه حبيبه كومي حبابه جهزي روحج .. وانت ريان حباب يلا كوم

ريان و غزل/ حاضر يمه

كمت غسلت المواعين و رتبت المطبخ و صعدت فوك فتحت جنطه يد حطيت بيها سماعتي و كريم لوجهي و كحله و شاحني حطيت بيها كراستي لاني اعشق الرسم عشان اقضي الوقت سكرت الجنطه و رحت سبحت لبست بنطرون اسود و تيشيرت ابيض و جاكيت طويل كلش اسود و لفيت حجابي بطريقه حلوه و تعطرت سكرت الضوء اخذت الجنطه و موبايلي و قفلت الغرفه و طلعت كعدت بالصاله انتظرهم يخلصوا و نطلع...

للقصه بقية...