#لماذا هكذا
الكاتبه : رؤى كريم
شنو هل لغز البيك حبيتك
وماجنت اريدك
___________________________
رند : ضحكنه كلنه ومشينه بابا يحب ماما اله درجه ويغار عليهه حته مرات يغار من عدنه عليهه هيه صاحبه جسم حلوو وتعتني بنفسه ومن تطلع تحل شعر صح مسلمه بس ممتحجبه ميقبل بابا تتحجب من تطلع صير صاكه اهنا تشتعل نار الغيره عنده
( رجعنه ومرينه بيت صديقت ساره اخذنه جهال ساره وتماره عفناهم يم بيت صديقته ورجعنه للبيت تعبانين كلش طبيت سبحت نشفت شعري ونمت لان باجر المهر ولازم نكعد من وقت)
ثاني يوم جهزت نفسي ورحنه لصالون طبعا خواتي وياي خلينه ماما بلبيت لان يجون من صبح جبنه البدله والفساتين ورحنه كان اكو عرايس وياي وحده حنته وحده عرسه وحده مهره وكلنه كاعدين ونضحك ونسولف حته لو منعرفه كمنه نحجي وياها غيرنه جووو بدت بيه تعبت من الكعده لحد مكملنه ساعه ٣ الضهر ساره خابرت بابا جا اخذنه طبيت للبيت زلم كومه ونسوان ماليه البيت طبيت وبدت الهلاهل تشتغل شغلو اغاني كامن يركصن البنات اجتي مرا سمينه حجت اسكتو اسكتو ديقرون الفاتحه طبعا زواج مو ع مسيح ع اسلام لان رجال مسلم اعرف عادات العرب من خلال خواتي لان ازواجهم مسلمين ومن خلال امي قرو الفاتحه واتفقو ع كولشي
ام مهيمن : يله عيني كومي اوكفي ورا البابا دتكطعون مهر
رند : كمت جابلي كرسي كعدت وحطن رجلي مي ماعرف ليش وبده شيخ يحجي مافهم عليهه بس اردد وراا
افتهمت منه بس من كال يارند بنت احمد هل تقبلين الزواج بفارس ابن علي ثلاث مرات عاده واذا قبلتي قولي نعم
رند: سكتت محجيت
الشيخ : يارند هاي المرا رابعه هل تقلبين بفارس ابن علي اذا قبلتي قولي نعم
سلطانه : ماما كولي نعم
رند : نعم
كلهن كامن يهلهلن ويطشن جكليت راسي نشرك
رجعت كعدت مكاني ورا شويه جا فارس
فارس : ها حبيبي شلونج
رند : تمام
فارس : واخيرا راح صيرين خطيبتي والله اله ادللج
رند :ابتسمت ماحجيت شي
بده يلبسني ذهب لبسني الحلقه ولبسته الحلقه لبسني ذهب كله وقطعنه الكيك الكل صور وكلهن ملتمات علينه زمرد طلعت اغنيه كرديه حجت وحده
عيع شنو هاي الاغنيه طلعينه اغنيه عربيه هاي شنفتهم منه طلعي ساجده عبيد
زمرد : تدللين عيني هسه اطلعلج ساجده
بدن يركصن كومن فارس ركص وياهن شويه وراح لحد صارت المغرب الكل راحت بقو بس اهل فارس
ام مهيمن : تعالي يمه فارس اكعد يم عروستك تعرفو ع بعض
