#لماذا هكذا
الكاتبه:رؤى كريم
ياحزن ياريت اعرفك وين تسكن
جنت اكلك لاتجيني انه وحدي جان اجيتك
جنت اسويلك حديقة ياسمين
وممشى من كاشي الفرح كدام بيتك
ياحزن وحياة حزنك ماعرفتك
جنك مغير مشيتك
حاط ريحه رخيصه كلش
يارخيص شكد بجيتك
________________________________
ثاني يوم من صبح جا فارس تفاجأت..
طببه بابا كعدت بصاله حته اسمع صوتهم كنت اصنط عليهم
فارس : عمي اني جيت ارجع رند
احمد : رند متقبل ترجع
فارس : شنو مترجع لا ترجع واني حجيت بعد ماعيده وعتذرت منه
احمد : اني ماغصب بنتي ع شي ع راحته هيه تريد ترجع من هسه كولك اخذه بس اذا متريد تبقه هنا بيت ابوها
فارس : عده بيت اهناك وعده رجال واني ارجعه ورايد رند مستحيل ابقيه اهناا
احمد : انت من سويت هيج مافكرت عملتك مينغفر عليهه ماسويت شي علمود رند
فارس : عمي شتردون اني حاضر وبعد ايدي متنمد عليهه
احمد : واليسوع اذا بنتي سمعت بيوم مضروبه او مشخوطه متلامون لشوفوني ساكت ومخليكم ع راحتكم
فارس : شنو عمي تهدد
احمد : هيج شي وهسه اني رايح اشوف رند شدكول وارجع
رند
طلع بابا من الستقبال
احمد : ها بنتي اضن سمعتي كولشي
رند : ي سمعت
احمد : شنو قرارج
رند : مارجعله
احمد : بنتي اني بكل قرار تاخذي وياج بس لازم انصحج باعي حبيبي رجال والمرا كولشي يصير بينهم مرات واحد من يغلط نطي فرصه بس نكرصه..
يعني يتوب منخلي يعيده اني احطج فوك راسي ماتعجز منج ابد ولا انتي شمسويه اصلا مرات مسمع الج صوت زواج صير بي مشاكل صير بي خلفات صير بي هواي اشياء ولازم يصير بي تضحيات انتي فكري بكلامي واخذي قرارج
رند : تنهدت اريد احجي وياا
احمد : طبي احجي وياا
رند : احجي ويا وحدي ممكن بابا
احمد : ماشي
رند : طبيت كانت مدنك اول مطبيت رفع راسه
فارس : رند شلونج مشتاقلج
رند : راد يتقرب عليهه اشرتله يكعد...
اني اريد احجي وياك ونتفاهم كولشي
فارس: واني حاضر الكولشي نتفاهم ليش لا
رند : ليش خنتني شنو سويت اني هملتك محبيتك قصرت وياك كنت وسخه
فارس : لا
