HARTA DAN RUPA BUKAN SEGALANYA

Marlina anak haji Hanafi Bunga Desa primadona dikampung. Awak kaya aura kasih Muha mancarunung putih barasih banyak sudah kumbang datang kd nang kwa manyunting marlina , karena abah nya tamasuk tokoh dibanua kd sambarang orang kawa parak lawan marlina.
  anak saikungan nya liwar disayang marlina neh dimanja abahnya karena mama nya maninggal pas baranak marlina makin nya haji Hanafi liwar malindungi nya sakulah  haja diantar diambili cuma ngaran marlina ne orang nya bilang kada ham jua...

samakin dewasa marlina makin batambah pesona dan inya mulai manganal Cinta dan hatinya jatuh lawan Sabran anak Haji Samlani sabran ne lalaki nang Gagah muha bungas kaya ariel Noah kandaraan harat CBR 250 sasuai haja pasangan nya lwn Marlina banyak nang baundur burit lakian amun tahu saingan nya sabran...  mun sakadar Fuswan atau Beat ha basadar diri haja jar marlina maaf aku kd matre pang cuma sasuai kanyataan haja kdd binian hndak sakit dan aku indah hidup malarat kaina imbah balaki ...skincare larang , krim HB ku kd kwa nang murah gatalan , Make Over paling kada banar aku make up gasan turun mandadai tapasan haja tu mun Tas Gosh kd main lawan aku.... aku LV atau Hermes tupang gasan manyambang iwak dihalaman gasan mambuat duit ...

     singkat carita Sabran badatang malamar Marlina namun apa handak dikata Haji Hanafi manulak kd satuju supan banar kaluarga orang mahantak bduit jujuran tatap Haji Hanafi kd manarima jar sidin aku kd bajual anak lalu ae haji samlan  nang juragan Tanah ne mangaluarkan Cek nah jar Haji samlan ikam tulis haja handak barapa biji Nol nya kubawakan duit nya damini jua. tatap kada jar Haji Hanafi Marlina sudah ada ku pacang jadi lakinya... umaii jar kluarga sabran nang kayapa apalah lakian nya sawat kami ni ditolak.. Manangis Marlina dlaam kamar abahnya manulak lamaran lakian nang dicintai nya Sabran amuk tulak naikan lawan kawanan buhan nang artis bakaset haja  mambuka room lantai 5 pink love, Chivass reagel , newport , Mix Max  hantup nya tarus mambawa hati luka neh...

   Marlina 3 hari sudah kd kaluar kamar makan kada , kasakitan hati marga haji hanafi karas gasan kabaikan Marlina. dipandiri abah nya marlina aku jar abahnya kira2 kd lawas lagi hidup neh... tuhuk aku mangganali ikam napa jar ikam kutuluskan sabab aku sayang kada kah ikam sakali ni haja ma asi lawan aku ? tadiam marlina jauh dihatinya inya sayang banar sabujurnya lawan abah nya. tolong nah aku nang mamohon jar abahnya sambil manangis sakali ni ikam turuti kahandak ku sabalum aku mati ikam kawin lawan pilihan ku... Harta kd manjamin bahagia nak ae... bagus rupa kd jaminan jua hatinya baik... tapi lakian nang tahu agama kawa mambawa kita kasurga ... kira2 umur ku ne kada panjang lagi jua jar haji hanafi.. bapuat marlina diragap nya abahnya sambil manggarung tangis ... jangan bapander kytu bahh jar marlina ulun kdd ba isi2 siapa2 pada pian ha lagi bakuitan... mun kytu jar abahnya ikam turuti lah kahandak ku ni nahh ... sambil manyapui banyu mata ba untuk kapala marlina neh... ikam balaki lawan Hamid jar abahnya siup marlina mandangar...
 
   Maulana Hamid Maghribi ngaran nya lahir wayah bang maghrib  anak oleh sabari  umanya maninggal pas baranak inya orang darat nang Miskin kd baharta muha kd bungas Bibir kandal awak hirang rambut kariting kd karuan kurusss awak tapi timbangan 60 kilo 20 kilo nya tu Daki haja ....
gawean mambanam bata di bariyang situ atau masi manyadap kamarian malajari kakanakan mangaji. Cuma akhlak luar biasa Hamid ne Quran 30 Juz hapal parukunan tamat sifat 20 pacah tafsir nahwu sorof manguasai,  ilmu Fiqih cukup haja ka kapuh kd katinggalan saumur hidup mulai dilahirkan kada biasa hamid bapacaran ... siapang handak malihat gen kuler Hamid ne sadar diri haja barapa kali bapadah hndak lawan binian mulai Bidan sampai nang bajual karipik patigan kdd nang hakun nya... pdhl umur sadang sudah Hamid ne babini  tapi pangalaman Cinta inya kdd. kawan nya utuh Caban rajin haja mamadahi bhwa harus gaul harus keren utuh caban ne Lakian nang ahli urusan binian paling sadikit 5 gandengan binian ne disalingkuhakan nya... pokoknya mid ae jar Caban Rumus nya  KTT napa itu KTT jar hamid ?
"Kenalan , Tunggang , Tinggalakan"  jar Caban sambil baroko diplomat... bagimir awak hamid mambayangkan .... hamid ne hape haja Mito kising nya pacul ha pulang mun kd bagalang gatah , baterai nya baganjal timah roko  kartunya  Axis nang bila mati lampu gangguan ...orang te Telkomsel jar caban mun Axis tu pakaian kaum Dhuafa nang wajib dapat zakat jar caban bacakah muha pdhal hape caban te jua Advan pacah layar ... Cinta tu soal seni mid ae jar Caban sambil mahirup kopi  Cinta tu Racun nang Rasa nya Manis jangan sampai ikam terpedaya ... kita ne ibarat kumbang ma isap madu imbah habis tinggalkan ae lagi jangan jadi karawai nang batunggu di satu sarang haja...Hamid takjub malihat kawan nya nang bapander selihai anggota dewan wayah pamilihan.
Caban sadang sudah manyaung hamid mulai karasikan sampai parandakan papas warung jablay habis harga Gula habang kd heran. baroko kd bisa hamid ne apalagi vaping ... ada rokolah ka jar gadis warung kadada ding ae jar hamid roko nang sabilah tu barang jar gadis warung ayuha harga papadaan haja asal sama sanang kita mancari rasa  ... caban taliiurr dihiga ada hamid ne jihi2 kada paham ... ancap caban batahur mmbawai bulikan.