معلش مضطره اكتب بالعامية علشان اطلع اللي في قلبي 😂 يعني ممكن نعتبره بنتكلم مع بعض كأنه شات مثلا و شكراً ليكوا انكوا بتستحملوني 🌻
قاعدة اساسية
(طبعاً الابطال لازم يتجوزوا قرايب و صحاب بعض)
الابطال الاساسين :
عز بيحب هيام
احمد اخو عز بيحب سيهام اخت هيام
مصطفى صاحب عز بيحب سهيله صاحبت هيام
مراد اخو هيام بيحب انغام اخت عز
انغام بقى بتحب رامي صاحب مراد
رامي بقي بيحب بنت عمته ريهام و هي كمان بتحبه
فؤاد حارس عز بيحب جميله بنت خالت ريهام
كريم (تاجر علي اول شارع اللي ساكن فيه عز) بيحب رحاب (ملهاش قرابه بحد) (هما الاتنين ملهمش لازمه فالروايه ولا حتى بطل من ابطال الروايه بيتعامل معاهم اصلا ) بس بنزود شخصيات وخلاص حاجه كده ملي سطور يعني
الابطال الفرعية :
الجد اسد و الجده اسده
جلال والد عز و احمد
زوجة جلال فريدة
ياسر والد هيام و سيهام و مراد
زوجة ياسر حسنية
عم حسن
ست فضيله
مريم بنت عم عز و حقوده جداً و خبيثة و مستعدة تعمل اي حاجه علشان تتجوز عز عشان فلوسه و هي بتسكر في البارات و مبتلبسش هدوم و عندها مرض نفسي و عندها قرون و ديل
سلوى اخت مريم و بتحب احمد و برضه عندها قرون و ديل
فتحيه والده مريم و سلوى و هي لوسيفير نفسه
علاء زوج فتحيه راجل الست بمعنى اخر
و ابطال اخرون سنتعرف عليهم مع احداث الرواية
علشان مش حابه الغبطكم دلوقتي (بقلم كاتبه ما)
🌕🌕🌕🌕🌕🌕🌕🌕🌕
ليييييه كم الابطال دي كلها!! هل ورا الموضوع فكره رابطه كل دول ببعض مثلا !!!! ده علي كده الموضوع كبير بقى
التصفيق الحار لمتابعين روايات النوع ده عندكم كم من الصبر رهييييب
الواحد مكسوف يقول ان الروايات اللي بيبقى فيها بطلين بقرأ واحد و بعدي التاني مش بقراه اصلا اللي هو جزء مش مهم عديه عديه "بصراحه اما بعمل كده بيصعب عليا الكاتبه اللي تعبت نفسها و كتبت و بقول ياريت حد غيري يكون بيقرا علشان مجهودها ميروحش هدر كده بس اسفه مش هجبر نفسي و اتابع برضه 😅"
و احياناً بيبقى في حركة غدر كده مش بيبقى باين ان الرواية تعدد في الشخصيات و تدخل تلاقي اول بارت فعلاً بيتكلم عن البطل الاساسي بس و هووبااا تاني بارت يقلب علي كميت اسماء رهيبه متعرفش جم منين او ايه لازمتهم و البطل اللي كان موجود فالاول اختفى هو شغلنته يظهر في اول بارت و النهاية اما اللي في النص ميخصهوش و اسمه بطل برضه "طب ما ممكن نخلي الناس اللي فالنص دي هم الابطال!!"
بجد حرفياً مره قابلتني روايه فيها 7 ابطال و 7 بطلات غير الشخصيات الثانوية
طب لييييييه!!!!!!!
أنت تقرأ
نقد روايات Note
Short Storyرأي كقارأه للرويات ولا املك اي موهبه للكتابة ارجوا عدم التجاهل اتمني ان اخذ من وقتك فقط 5 دقائق لا أكثر أخبرني برأيك لنتبادل وجهات النظر
