قمر وأفعال القدر (باللهجة العراقية)

Part _2

قمر خالو ما اريد اروح عنكم ما اريد ابوي حتا ما عرفة وخالة كلتلي هوة ميريدج

حسن خال قمر :قمر هناك ابوج واخوج مصطفى التؤام مالتج مثل هذول التؤام بالمسلسل هناك وعندج اخوات تلعبين وياهن وهمة راح يحبونج

قمر :صدك خالو

حسن خال قمر :اي والله يلا هسة تروحين

قمر :زين ومحمد وأحمد يعني بعد ما اشوفهم

حسن خال قمر :لا اشلون آني اجيبج عدنا كل فترة ها

قمر : تمام موافقة.......... لميت اغراضي حتا اروح لبيت ابوي جنت كلش فرحانة لان راح اشوف اخوي واخواتي لان عمري مجربت شعور يكون عندي اخوان حضرت نفسي ورحنا آني وخالي وصلنا وخالي دك الباب. وطلعت مرة وكلت نعم منو طالبين كال الها هاي قمر صار حجي بيناتهم بس هواي وهية تباوعلي بحقد 😑 وكلت
زوجة ابوي :تعالي طبي جوة 😒

قمر :اي خالة

زوجة ابو قمر :شنو خالة كايلي ام اميرو

قمر (ببرائة) تمام ام أميرة

زوجة ابو قمر :تعالي كعدي هنا لا تتحركين ما اريد اسمع صوتج ضليت كاعدة بمكاني والبيت هدوء وهية كامت تحجي بالتليفون ضليت كاعدة وسمعت صوت جهال ماما انريد ريوك جوعانين وهيا كالت هسة تتدلون وباستهم كلش انقهرت وبجيت على ماما بعدها اجة رجال ايدة مصبوبة كعد وكلها التمت عليه وآني كاعدة على القنفة  وآني كلشي ممفتهة وكالت زوجة ابوي

زوجة ابو قمر :هاي البومة بعدهي مجاية َوفكرتنا هاي لو تبقى عدنا طول العمر اشلون اوفففف

ابو قمر :هاي منو؟؟؟

زوجة ابو قمر :هاي قمر بنتك بنت الفكور  خالها جابها يكول امها ماتت من ثلاث شهور

ابو قمر :زين شكو جابها انطيني التليفون بسرعه بلكي رقمة بعدة عندي آني عايز هموم فوك راسي استغفر الله....... البلاوي تجيني طايرة
📲📲📞
ابو قمر: الو
حسن خال قمر: الو نعم
ابو قمر: انت من تجيب هاي الطفلة غير تكلي وتحجي ويايا
حسن: اني جيت للبيت وانت ماكو
ابو قمر؛:  وعلى اي اساس جايبها منو كلك اني اريدها اصلا تجي تاخذها وتخلصني ترى اني حياتي كوة مدبرها وجايبلي نفرة زايد
حسن: اسمع انت ابوها وامها ماتت يعني وين اوديها
مرتي متريدها ماكدر اخرب بيتي علمودها انت ابوها تتحمل مسؤوليتها وذا هيج انت فكر اني كلشهر انطيها مصرف
ابو قمر: يعني هاي السنين كلها وبعدين تجيبها يعني حتى ماكدر اعتبرها بنتي
حسن: والله اعتقد انت الي ماردتها ولا ردت امها وذبيتهن علية احمد ربك عيشتها كل هلعمر عندي واني صرفت عليها وداكلك اني انطيك مصرفها كلشهر بس ماكدر اكعدها يمي لان مرتي متقبل وهية شراح تضرك حبابة وتسمع الكلام كل الي مطلوب منك تدير بالك عليها وتتحمل مسؤوليتها كأب شنو ذنبها عاشت بدون اب  خلي عندك رحمة ياخي
ابو قمر: خلصت...  لتنسى تجيب مصرفها باجر خوش
حسن: تمام بعد سلامة  ...

قمر :كلش انقهرت من كلامة وكامت دموعي تنزل بصمت.

ابو قمر :اشبيج تبجين مثل الططوطةعابت الله يا الله

زوجة ابو قمر  (بهمس) اكلك خاف هاي لمصطفى دكول مو امك وانتة اخوي والله اموتها

ابو قمر :شدراني

قمر :اجاني مصطفى وكال

مصطفى :انتي منو؟

قمر :اني قمر اختك التؤام خالي كلي

مصطفى :ماما هاي اشدا تحجي اتكلي آني تؤامها.

قمر :والله صدك

زوجة ابو قمر :عوفهة حبيبى هاي جذابة جاية هنا حتا تخرب بيتنا عوفها ختولي  شدكلك اتجذب عليك هاي الحية

مصطفى :اي ماما هاي مبينة جذابة عابت الج

أميرة :انتي شعندج جايتنا.

قمر :جيت حتا اعيش وياكم

أميرة :وشعندج عايشة ويانة لويش يعني

قمر :اني اختج ترة..... زين انتو شسمكم اني اسمي قمر

مصطفى :ما اتشرف احجي ويا جذابات..... تركها وراح

أميرة :اسمي أميرة يعني اني هنا الأميرة

يسر :وآني يسر

قمر : حلو اسماكم 😘

أميرة :بس انتي اسمج مو حلو يعني اسمج قمر بس انتي مو حلوة ييععع

قمر، 😞:لا اني حلوة كل البشر حلوين

ام قمر :هي انتي كومي حطي اغراضج وسكتي واذا سمعتج تكولين المصطفى انتة مو ابن ام أميرة لو تكوليلة انتي ويا تؤام راسج اكسرة فهمتي لو اعيد

قمر :فهمت...... بهل يوم انفتحت بوجهي ابواب جهنم .......

#قمر وأفعال القدر (باللهجة العراقية)

mreaim12husseinبقلمي