قمر وأفعال القدر (باللهجة العراقية)

Part_5

هل سمعتم يوما بالحزن الراقي؟.....
هو ذالك الحزن
الذي يحرق العيون دون دموع
ويسكن في أسير الصدر...
لا أحد يلعم به، لأن صاحبه لا يشكيه ويبكيه بل يتعايش معه... وفيه

---------------------------------

مرت سنين وصار عمري 17سنة جان أكو شخص ابن جيرانة كلش كيوت وحبابة يصير اخو صديقاتي كل يوم ياخذ خبز بصراحة حبيته لان كامل ومكمل لحد ما اجت أمة حتا تخطبني كلش كيفت لان راح اخلص من زوجة ابوي بناتها....

ام محمد :اسمعي خيتي ام أميرة آني اجيتكم من الباب اريد بنتكم المصيونة لبني محمد بنتكم ماكو مثلها خلق وأخلاق وابني يحبها واني اجيت اخذ موافقتكم حتا تجي مشية ألزلم باجر ها شكلتي؟

زوجة ابوية :اي اهلاا و سهلا بيج ام محمد النا الشرف اناسبكم زين مكلتيلي من تريدين أميرة لو يسر

ام محمد :لا مو أميرة ولا يسر انريد قمر

زوجة ابو قمر :(اتغيرت ملامح الفرح للعبس) 😤🤨 لا خية قمر بعدهي صغيرة ومتريد تتزوج ووو هية عينت ابوها وتساعدة فاحنة نرفض

راحت ام محمد وكلش انقهرت وصرت حاقدة على زوجة ابوي كلش كل يوم ادعي عليها من كد ما اكرها

-----------------------------

اجتي ايام وراحت ايام وصار عمري 19سنة ما تغير شي بحياتي غير المشاكل وألهم ومصطفى بعدا مثل ما هو متكبر وشايف نفسه من دلال ابوي أله ما بقة شي وتنتهي امتحاناتي وآني ويسر لان صرنا مثل الصف أميرة صارت كلية  .................. من خلصت الامتحانات وآني قلبي متطمن لان متأكدة من كل اجوبتي بعدها ابوي فاجئ مصطفى بسيارة ومصطفى ضل يتكبر علينا المهم بيوم من الايام مصطفى جان طالع وودعم رجال بسيارتة جان عمر الرجال يجي بعمر 40سنة والرجال اخذوه المستشفى ودخلوه طوارئ جنت حيل خايفة على مصطفى لان جان قطعة من روحي صح معاملتة وياي قاسية بس يبقا اخوي واخذوه للسجن كل الوقت الي جان بي بسجن ما كدرت انام ليلي لان جنت حاسة بي يتألم ضلينا فترة على هل حال وبدت القضاية العشائرية وابوي متخبل على مصطفى لان كلش يحبة   وصار على هل قضية  شهرين
لحد ما اجة ابوي

ابو قمر :اسمعن انتن الثلاثة وحدة منجن تحضر روحها لان  راح تروح فصلية افتهمتن مصطفى ما يبقا بالسجن انتن طبجن مرض.

بعدها ابوي اتفق وياة الشيوخ ينطي فصلية واخوي طلع جانن اخواتي يتعاركن وياي

أميرة :مو خابصتنة اخوج وتؤامج انتي تروحين افتهمتي.... عشتو اعيش فصلية لخاطر مصطفى. شعلية بي 😒

يسر :والله اني معلية طبة مرض شدخلني بي قمر انتي روحي كشرة انشاء الله حتا نخلص منج... 😡

قمر بعيون دامعة :اكيد هاذا تؤامي وقطعة من روحي وما عندي مشكلة اموت الخاطرة بس عمري مشفت بنات بحقارجن بعتنة بالرخيص بعكس ما جان متدللجن ويحبج .........

أميرة :ديلا سكتي لا تنطينة محاضرات بالأخلاق ومدري شنو

يسر :ما أكو حقير مثلج.... دفعت قمر بالكاع...

اجة مصطفى وكوم قمر وعيونة كلها دموع حضن قمر وكام يبجي

مصطفى :قمر سامحيني الله يخليج غلطت بحقج من صغرنا اسففففف 😭😭😭😭😭

قمر :اني ما زعلانة منك حتا اسامحك انت روحي لاتبجي آني قابلة بمصيري الخاطر عيونك يا غالي 😭( انصدمت من تصرف مصطفى اول مرة احس بسعادة وطمأنينة من داخلي  جانت دموعي دموع فرح وحزن مثل الوقت..

مصطفى :كل الأحترام والتقدير والحب جان ما غزر وياجن وحدة تكول طبة مرض والثانية شعلية بي ليششش لجن مو اخوجن فد يوم قصرت وياجن لجن حتا ما تتستاهلن اباوع بوجهجن يا حقيرات...

#قمر وأفعال القدر (باللهجة العراقية)

mreaim12husseinبقلمي