قمر وأفعال القدر (باللهجة العراقية)

Part _6

تمنيت البكاء يوما
لاكن هم الزمان
ابكاني تمنيت أن أعيش
كما تريد نفسي
لاكن عاشت نفسي
كما يريد زماني...

في عيوني دموعاٌ غارقتنا
.........
فمن يمسحها لي ويطيب لي خاطري

------------------------------

ابو قمر :لج يلا خلصينة الناس تنتظرنا.

قمر 😞:اي بابة جاية

مصطفى هو حاضن قمر :قمر للتخافين صدكيني راح انقذج قمر بعد روحي اتصلي بية وطمنيني عليج 😢😔

قمر :ان شاء الله وبعدها حضنت سارة ورحت وشفت بعين زوجة ابوي واخواتي نظرات الشماتة...... رحنا آني وابوي نمشي بطريقنا وآني افكر بهل طريق شنو منتظرين حزن لو فرح الم لو سعادة الطريق مجهول وافكار مبعثرة وصلنا وجان أكو ثلاث شيوخ وسيد وولد يجي ستة كاعدين كعدت بصمت لحد ما حجو ابوي والشيوخ وكال ابوي يلا خلي نعقد الهم بهل وقت أشكد كرهت ابوي جنت حاسة فرحان حيل وبدأ السيد بالعقد 

السيد :  قمر احمد محسن تقبلين الزواج من لواء للدين يعقوب علي ..

قمر :اقبل 😔
.

( :خلص العقد وابوي راح حتا بدون يودعني اجو الشيوخ وحجوو وياي)

الشيخ :بنتي انتي هسة صرتي بنتنا واي شي تطلبي احنا بالخدمة وهاي دموعج غالية علينة وأم علي خير الناس يلا بنتي دخلي جوا ..

قمر :كلام الشيخ طمنيني واجت مرة معاقة على كرسي إعاقة

ام علي :فوتي يما
قمر:( بخوف وارتباك): سلام عليكم
ا

م علي: ععليكم السلام شسمج انتي

قمر :اسمي قمر.

ام علي :هلا بيج يما اسمعيني انا ام علي ابني الجبير مات علاوي يروح امة والجرح بداخلي جبير وليل مانمة علفراك ابني اني مرة نؤمنة بالله واخاف الله وانا ادري انتِ مالج ذنب وانت ضحية بس ييما البشر حقود حتلو جان اطهر الناس وانا يايما حقد بداخلي وكره جبير خسرت ابني وقرت عيني فا ابني الي عقد عليج ماريد اخسرة وانتي هنا ما تعتبرين مرتة ولا اريد الي تصير مرتة ادين اخوها ملطخة بدم اخو فهمتي انتي غرفتج حنطيج ياها بصف غرفة ام جواد الخدامة مالتنا
قمر :( انقهرت حيل ومكدرت الزم نفسي ودموعي ارجف وناعرف شرد عليها لان كلشي حجتة حقها بس اني مالي ذنب بشي)

ام علي:تعاي وراي للمطبخ  .... هذن بناتي ليلى واسراء وصفاء
ق

مر:( دخلت للمطبخ وسلمت علبنات.... كلش حلو وبيتهم كلة حلو ومرتب وبعدين كلتلي تعاي وراي وشفت الغرفة الي انطتها الي جانت صغيره وبيها جرباية وكنتور وتعلاكة  ةرا البابا ومفروشة  يعني حيل بسيطة رحت جبت جنتي وحطيتها  )
ام علي: باعي هاي غرفتج وحدج للمطبخ وهاي الغرفة وبس من اني اصيحج تجين ماريدج تفترين بلبيت وتلبسين صايتج وحجابج علطول وتستري عدنا ولد بالبيت خاف بالغلط واحد يشوفج حتى لواء الدين حتلو عقد عليج مو يعني رجلج افتهمتي وديري بالج تسوين حركات مالت ذني النسوان لان كلهن اعرفهن خليج حذرة ولتخليني اغضب عليج لان غضبي نار وتشتعل وتحرك الكل افتهمتي

لواء الدين : ها مام ماكو غدة ترة جعت حيل...

 ......
(اني لواء الدين اني طالب مرحلة اخيرة صيدلة عمري 27طبعا اتاخرت بالدراسة لان رسبت 3سنين سنة بالسادس وسنتين بالكلية اني انسان هادء ومالي خلك ايشي يعني وكتي اكضيه ادرس وبوقت فراغي ارسم طبعا اني مجنت هيج حزين وكئيب بس بعد ما انكسر كلبي تغيرت كل حياتي جنت احب ووحدة وهي الي بسببها رسبت سنتين بالكلية 

حبيتها كلش وارتبطنا بالمرحلة الاولى عطلنا وجنت مكدر اشوفها يعني نتواصل عتليفون القديم النوكيا جان ب2010هلحجي  بعدين عافتني بدون سبب ولا مشكلة ورا ايام سمعنة بخبر خطوبتها ورجعت تداوم مرحلة ثانية وتباوع بعيني ومتخجل ولا تكول اني خاينة واذيت انسان يحبني مكدرت اتخطى تعذبت هوايا جانت الغيرة تاكلني من اشوفها هية وخطيبها ايد بيد متت بدمي  رسبت بلمرحلة الثانية ومداومت السنة البعدها ورجعت دوامت بعد ما شبه تخطيت اني حتركت لحد ماطفيت فا اليحترك النار بعد متضرة اجت ايام وراحت ايام وهاي اخر سنة بس الصار اخويا الجبير مات اندعم ومات رغم الضربة مجانت كلش قوية بس هوا اخويا اصلا جان مريض اخويا مريض قلب وجانت حالتة خطرة وميأوس منها حتلو مندعم جان مات بس موتة اذاني كلش اني الي جنت ادير بالي عليها واساعدة بكلشي يعني بموتة انكسر ضهري مر شهرين ونص من موتت اخويا يلا انحلت السالفة عشائريا وطلب عمي من الناس فصلية اني كتلها صدك تحجون شنو فصلية شذنب البنية جان ردهم حتى توكف المشاكل ومحد يموت ومن هل حجي ولحد مكلولي ترى انت الي تعقد علفصلية  رفضت وكتلهم لو موت انطوها الاياد وذا اصغر مني ب5سنوات والكل رفضو لان اني الجبير وخلص مجان بيدي غير ااوفقهم  واجة اليوم الجابو بيه البنية وجانت مبوشة حتى وجها كلشي ممبين منه بس صوتها حلو سألها السيد وهيا صوتها يرجف وصوت بجي اني انقهرت عليها وجان اسمها قمر حلو  ..) 

(صار وكت الغدة وصبينا وتغدة للشيوخ وعمامي
وبعدها دنودي الصواني للمطبخ اني واخوتي اياد وعبدالله. وولد عمي وبعد صحت امي تصب الجاي هية وليلى ولمحت لبنية بس مشفت وجها  وطلعت ضل بنفسي اشوفها)
ام علي: قمر صبي جاي ويا البنات يلا
قمر: ان شاء الله خالة
ام علي: كليلي ام علي وبس
قمر: حاضر ام علي
(صبت الجاي ليلى اول صنية اخذها ولد وراح واني الصنية الثانية شلتها اجة ولد ثاني انطيتها اله وجنت كلش متوترة وايدي ترجف هوا دياخذ الصنية مني وخلة عيوني بعيوني للعلم جنت لابسة بوشي. تطلع بس لعيون واني جنت حاطة كحلة عربية بعيني واني عيوني بنية فاتحة ضل يباوع واني خفت جان يوكع الجاي عليه واني صحت.... عزااا
.
.
.

#قمر وأفعال القدر (باللهجة العراقية)

mreaim12husseinبقلمي