إهمال امرأة،

الحلقة الأولى

الحلقه الاولي
#اهمال امراه
~~~~~~~~~~؟
احمد يتحدث:-
روحت من الشغل تعباان كتوفي متشنجان من قعده الكرسي وخاطري في نومه عميقه روحت وخشيت للجناح سكرت الباب ولفيت القيتها هيا حبيبتي لابسه روب لفوق الركبه بشويه لونه ابيض وشعرها الطويل الاسود اللي اطول من الروب وبابتسامتها اللي حتى وهيا في وسط حزنها مستحيل تمحيها من وجها وعيونها السود المكحلات
رانيا :ياهلا بحبيبي
(وقربت خضيت مني الجاكه وشنطه الاب توب)
احمد :اهلين ياروحي نحس في روحي تعبان وجيعان واخخخخ
رانيا :سلامتك من الاه ياعمري
احمد ابتسم لي
رانيا :تعال وتيتلك حمام ساخن دوبني طفيت الميه لما شفت سيارتك حمام بالاعشاب الطبيعيه خش تنقع شويه علي ماسخنت الغدا
احمد :نجك ليا نا وخلاص (وباسني علي خدي وعدا للدولاب يبي يطلع دبش)
رانيا :حبيبي خش قبل ما تسقع الميه توا انا نطلعلك
احمد :اوك تمام يلا وخش يدير حمام
~~~~~~~~~~~~~~؟
المايك لرانيا:-
طلعتله دبش وعديت سخنت الغداء وكنت دايره مكرونه بشاميل ولحم مصاص وبطاطه مبطنه ونوعين سلطه وسخنت وعديت للدار قعدت ع النت شويه وطلع احمد لابس ديشمبر الحمام نا جيته وخشيت لصدره ولف يديه عليا بالقوه قريب كسرلي جسمي
احمد :كنك
انا :شن تحس روحك توا
احمد :جيعان بس
انا :هههه هيا البس وتعال
احمد :اوگ قتلك الميه حاطه فيها حاجه ؟؟
انا :اها عليش
احمد :اصلا قبل اميه صافيه توا فيها حاجه بنتها سمحه انا ؛اها امس جت دلاله(اللي يبيعو في الحواشين)عند عيت عمي والقيت عندها انواع اعشاب طبيعيه بنتهن سمحه ويقعدن ع الجسم شريتلك انت نوعين وانا شريت ورد طبيعي (الورد اللي يحطو فيه في الميه)    بنته خيال تقعد ع الجسم حتى هيا شريتهن
احمد :اها اصلا استغربت ماطلعتيش للسوق عشان نقول شرتهن من السوق
انا :اها باهي هيا نمشي انحط
مشيت حطيت الغدا وكلمته وجا وتغدينا وكملنا؛
احمد :امممم يسلم ايديك وباس يدي
انا :ههه تسلم حبي
احمد :مش حنقيل لين تجي راه
انا :اوك نغسل العوايز بس
احمد :اوك وتما يحطلي في الحوض ومسح الطاوله وحط الشاهي الخضره ع النار وانا نغسل في مواعين
احمد :ناني
رانيا :عيونها
احمد :بكرا الخميس عادي نعزم اصحابي عندي ع العشاء والله عندك حاجه
انا :لالا بيبي اعزمهم عادي
احمد :اوك لان ليا زمان ما جوني ديما نا نمشيلهم
انا :اوك هما كم واحد
احمد: 5
انا :تمام بس شيلني للمول اليوم ناقصيني حاجات للمطبخ وااجد
احمد :بعد المغرب نشيلك لمول الجديد
انا :تم
ومشينا شربنا الشاهي
احمد :توا تعالييي (ورفعني)
انا :نزلنيي احميده
احمد :عيونه مش منزلك مبدري وانا ماسك روحي بالغصب
انا :ههههه صحه لك
احمد ؛راك تضربي ع الوتر الحساس
وحطني ع السرير وووووو (فرينوو عيييييبب)
~~~~~~~~~~~''''''~~~~~~~~~
بعد العصر ناضت رانيا:
لقت روحها في حضن احمد تمت تمشي في صبعها على لحيته وصبت خشت للحمام دوشت ولبست سروال اسود وبلوزه لعند الركبه ازرق ملكي ووشاح اسود وكندره ازرق ملكي وشنطه زرقه ومشيت درت قهوه وكيكه جافه درتها في الصبح ومشت نوعي في احمد قعمزت جنبه ونلعب بلحيته
انا قربت من وذنه ونحكي بصوت واطي:حبيبي نوض
احمد فتح عيونه بشويه:اااه بنت قهوه
انا :اها هيا قبل ماتبرد
احمد بحت فيا وباسني وقعمز :امم كيكه
انا :ههههه عارفتك تحبها
احمد :نعليا نا منك نجيلي اللي فاهمتني نا
انا :ههههه هيا نطلعلك دبش علي ما شربت قهوتك
احمد :اوگ
انا طلعتله سروال اسود وسوريه بيج ووتيتله مزيله وعطره وساعته ونظاراته وكريمه الشعر وهوا جا من وراي
احمد :ااااه بنت عطرك مذوبتني
انا :هههههه خش دوش خش
احمد :باهي باه بس ماشبعتش راه
انا :اصلا ماينشبعش مني نا
احمد :ياثقه
انا :مش هضا كلامك ههههههههه
احمد:اخخخخ كلامي كلامي
خش دوش وطلع لبس ونزلنا لوطا
انا :اهلا
عمتي :مرحبتين بكنتي
سلمت عليها وعلي البنات وعلي عمي
انا :هذي لعمي راه بس (وكانت كيكه بالقرفه هوا يحبها)
عمتي :طبعا تفكري في عمك بس
عمي :سلم بنيتي ايوه اصلا هما مش مهم المهم نا
انا :ههههههه راهم ياكلو منها
عمتي :شن طالعه
انا :اها بنمشي للمول بنشري حاجات للحوش
عمتي :باهي بس في الليل لما تجي تجيني هنا اليوم ماشفناك بكل
انا :حاضر هيا سلام احمد يراجي برا
كلهم :سلام
وطلعت لاحمد ومشنا للمول وشرينا حاجات ونحن مروحين
انا ؛احمد عادي توقفلي علي اي محل مكياج بنشري شويه كريمات
احمد :اوك حبي اهو انزلي هيا
ونزلنا وخشينا للمحل وناخض في انواع كريماتي وهوا مصبي جنب صاحب المحل ويهدرزو شويه وجاني وانا كنت ناخض في روج خضيت واحد وردي باهت وحطيته في السله
احمد :نانو
انا :نعم
احمد :راك متزوجه
انا :كذا احلف
احمد :والله الله
انا :مكسد شكلك
احمد :نانو هضا مكياج تاخضه مراه متزوجه
انا :كنه مكياج عادي
وكنت واخضه(مسكرا ،وروج وردي باهت ،وروج ترابي ،وكحل وكريم اساس وبودره)
احمد :حتى اللبنات اللي مش متزوجات مايشرن هكي انا :احمد احكي كويس والله خطاني
احمد :مافيش ولا حاجه لا ايلاينر ولا ظلال ولا اضاءه ولا ولا ولا حاجات واجد مافيش وماعمريش شفتك شريتيهن حتى في الحوش ماعندك
انا ؛لاني مانديرش فيه ولما ندير مكياج ثقيل يطلع اعع وبعدين انا مش عاجبتك والله شنو
احمد :لا بلعكس بس هيا خوضي اللي تبيه
وخضيت اللي نبيه وطلعنا روحنا قعدت عند عيت عمي وفي الليل ركبت ورقدنا ثاني يوم اللي هوا يوم العزومه مشا اليوم عادي وفي العشاء درت (رز بالخلطه ولحم وعصبان و3 انواع سلطه وبطاطه مبطنه )وجو اصحابه اول حاجه قدمتلهم عصير راوخ مسقع وشوكولاطه بعد شويه اميه وغازي والعشا
~~~~~~~~~~~~؟
عند احمد في المربوعه:
هما اصحابه 5 بس حنعرفكم عليهم لانهم حتواردو واجد:----
1_وائل----مراته-----»سالمه
2_محمد---مراته-----»غدير
3_خالد----مراته-----»ايمان
4_ايهاب---مراته----»احلام
5_انس----مراته----» بشرى
~~~~~~~~~~~~~~~؟
#soso