إهمال امرأة،

الحلقة السادسة

الحلقه 6
#اهمال امراه
تصميم {Nosa K Bahron}
~~~~~~~~~؟
صباح جديد وحلو علي ابطالنا(احمد ،رانيا)
المره هذي ناض احمد قبل لقا رانيا راقده علي بطنها وحاضنه خصره احمد ابتسم وحول شعرها وقلبها وشاف الساعه لقاها11
احمد:خموجتي كسولتي(ويقرص في خدودي بشويه)
انا :همممم
احمد :نوضي
انا :باه (قعدت راقده)
احمد :يامخمجه نووضي
انا :احمد انت لا تخليني نرقد لا ليل لا نهار
احمد :رينو عاد الساعه 11
انا :بنرقد
احمد :بنخش ندوش النوض نلقاك واعيه
انا :باه خش خش عدي
خش احمد يدوش وانا صبيت وخشيت للحمام لاخر دوشت وغيرت ودرت فطور وجهزتلك دبشه بتاع الشركه وشويه وجا احمد يفطر فطر قهوه ومقروضه بس
انا :حبي كوول
احمد :لالا متأخر 
انا :اصبر توا شنو انديرلك كبايه نسكافيه وبريوش كسد عليهن في الطريق عدي البس بس
مشا لبس وهوا طالع مديتهن له وهوا في الطريق اتصل بيه ايهاب قاله تعال خوذني معاك سيارته عاطله مشا احمد لايهاب
ايهاب :هلا
احمد :اهلين
ايهاب :وين وين حركات وجو نسكافيه وبريوش
احمد :نضت متأخر ورانيا تينيش نطلع بلا فطور عطتهملي
ايهاب :تي نقاني حاسدك عليها هالمراه هذي المراه صح مش اللي عندي
احمد :جيب عليها وحده ناشطه
ايهاب :تبي تجني عليا انت خطاني
احمد :ملح باهي
~~~~~~~~~~~~~؟
عند عيت خالد :-
ناض من النوم كالعاده ايمان قاعده ع الفيس
خالد :صبي ديريلي فطور
ايمان :الكوجينه قدامك عدي خوض اللي تبيه
خالد كر منها النقال
خالد :معش تحلمي بيه لعند تقعدي مراه تستحقي هه وعدا وسيبها خش يغير دبشه
ايمان بصوت عالي :هي هي انت منو عشان تاخض مني النقال
خالد :راجلك
ايمان :لانك بوي لانك امي هات هنا
خالد مسكها من شعرها :صوتك معش يعلا عليا فاهمه وتوا خضيت النقال وبنطلع نمشي نفطر فطور ملوك في مطعم ونهيج وانتي انحبسي ودفها وطلع وقفل عليها الباب
ايمان :حقير والله نوريك باهي اففف تافه
عدا خالد فطر ومشا للبحر عام شويه ومشا للحوش خش لقاها تتفرج ع التلفزيون حتى خير ما قاللها فك الرسيفر وطلع حطه في السياره ورد لقاها جنب الباب
ايمان :شن اللي درته
خالد :بديري غداء بنعطيك الرسيفر خاطي هكي لا
ايمان :شن نا تبيني نخش للمطبخ ليش شن تحق فيا
خالد :بطلي التطبر هضا ما نبيش انهينك وانذكرك انتي من
ايمان :هاها يعني من نا الف بنت تتمنى تقعد زيي والف واحد يتمناني
خالد :هههههههه ليش بنت من انتي
ايمان :تتمسخر حضرتك اقعد فيها
خالد مسكها من يدها :انتي بنت بواااب سمعتي
ايمان انصدمت ممكن كانت ماتبيش اترد الماضي او ماتبيش حد يذكرها لانها من اول ما اجوزت خالد شافت روحها واجد اكثر من اللزوم
خشت للدار خش وراها خالد ومسكها من شعرها
خالد :اقعدي هنا زي الكلبه بنخش اندوش وطالع
وسيبها ومشا
~~~~~~~~~~~؟
عند عيت محمد:-
كانت تغريد في حضن محمد
محمد :تغريد نسألك سؤال
تغريد :شنو حبيبي
محمد :ليش تكرهو رانيا مع انها طيبه وخلوقه وهكي انحسها اجتماعيه
تغريد :تتغزل فيها قدامي ها (وخبطاته علي صدره بشويه)
محمد :مش هكي بس جد ليش تكرهوها
تغريد :مش عارف بس البنات قالن انها مش تمام وخاشه علي طمع
محمد :انتي اختلطتي بيها
تغريد :لا بس احلام قالت……وقبل ما تكمل
محمد :مادخلنيش باحلام انتي ماتعرفيهاش ماتحكميش عليها خالطيها قبل
تغريد :كيف وهيا حتى مع احمد للحفلات ماتجيش
محمد :اها ماتجيش لانها مش لاقيه مع من تقعد انتي افتحي معاها دلاله وتوا تقعد تجي شن رايك توتو
تغريد :حاضر بس انت قلت الايام هذين فرح اخت احمد صح
محمد :اها
تغريد :معناها بعد الفرح اوك
محمد :نجك ليا نا تعالي هنا وجا فوقها ووووو ششششششششششششششششششششششششش مشفره
~~~~~~~~~~~~~؟
عند انس :-
مشا لامه
انس :امي
امه :نعم ياوليدي
انس :يام نبي نزوج
امه ؛هييييي ومراتك
انس :ههههه مراتي قالت يام مراتي مافالحه غير في عطيني فلوس وفوقها اسلوبها زفت نبي نزوج بس نبي وحده مش دلوعه يعني فقش هكي نبيها تخدمني امه :باهي اسمع بنت عيت ال……… جيرانه اللي في الشارع الوراني مطلقه لانها عقيمه شن رايك والبنت حره وسمحه شن تم
انس :تم بكره تمشي تخطبيهاليا
امه :تم خلاص بكرا تعال
انس :خلاص وتوا نوتيلها  دار اللي مصادره دارنا فوق (طبعا هما ساكنين مع امه واخته وهوا عنده جناح فيه دارين وحمام وصاله ومطبخ ودار فيها هوا وبشرى ودار فاضيه اللي يبي يوتيها لها)
امه :خلاص ولا يهمك توا نقول لاختك توتيها بس ياوليدي مش معناها تبيها تخدمك معناها تشد بكل يعني جيبلها زي البنات خطوبه ودبله واشريلها دار نوم يعني مالدلعش وتحصل فيها زي بشرى وماتفوتهاش بكل اوگ
انس :ولا يهمك يام انشاء الله خير
~~~~~~~~~~~~~؟
عندي نا نزلت لوطا انوتي معاهم في الغداء شويه وجا احمد ركب غير دبشه ونزل وحطينا الغداء
مروان :امتى جايين عيت عمي
عمتي :بعد العصر
رغد :نينو
انا :نعم
رغد :بتلبسي فستان
انا :لالا افرول
تسنيم :شعرك تطلقيه اوگ
انا بحتت في احمد :ياريت
احمد :كانك بنت بوك وامك اطلقيه اوك
انا :شفتي
تسنيم :خليه لين يطلع واطلقيه
انا :هاهاهاها ضحكتيني علي ساس مش كل شويه بيناديني توا تشوفيه
احمد :شعرك ماينزلش ديريه تسريحه
عمتي :وانت شن دخلك خلي البنت براحتها وانت ديما مخليها متقلفطه ولابسه عليه محرمه
احمد :يام بيفلقوها ليا بعين
عمتي :ليش كثيف واجد
احمد :كثيف وطويل وناعم
تسنيم :لنهايه الظهر يعني
احمد :تؤتؤ اطول
وكملنا وخشينا غسلنا المواعين
تسنيم :نبي انشوفه شعرك نينوو
رغد :حتى نا
انا :بعد نكملو انخشو للدار وانوريكن بس اسكتن توا
تسنيم ورغد :تم
بعد كملنا خشينا للدار لحقتنا عمتي
عمتي :شن تبن الديرن سرسرتكن هذي مش ببلاش
انا :هههه بنوريهن شعري
عمتي :حتى نا بنشوفه
وخش احمد من ورا الباب بس محدش شافه وفتحت شعري ونزل علي ظهري(زي الصوره توا النزلها بعد الحلقه)كلهم فاتحين فمهم
عمتي :اسمعي ردي بالك تفتحيه لفيه لفيه بسرعه
تسنيم :نينووو نبي زيك
رغد :حتى نا نبيي
عمتي :لفيه يابنت والله تفتحيه نبص فيك احمد
.
.
احمد :لفيه لفيه يانينو.
انا بحتت فيه وابتسمت وبانت غميزتي:اسفه
احمد :لفيه والحقيني فوق متطلعيش بيه هكي لان خوتي في الصاله
انا :حاضر
عمتي :ها تسببنالك في مشكله
انا :لا مشكله ولا حاجه احمد نعرفه مش حيهزب ولو هزب بيهزب بيهزب ويقولي اسف فعادي
لميت شعري وركبت القيته يدوش استغليش الفرصه ولبست روب وردي من لاوره سيور وتوب ومن الخضر شاش وقونه لاصقه فيه ودرت مكياج شويه وهوا شكله متنقع في ميه ساخنه لان امبدري يقولي متشنج فتحت الفاير ومسرع ما سخن ولويت شعري من لوطه  كملت وسمعت باب الحمام بينفتح اطمرت ورا الباب
احمد :مزال ما ركبت افففف
وكان متعصب وصبا ع المرايه يمشط في شعره جيت انا من وراه وحضنت خصره
انا :حبي زعلان
احمد برم عليا:اهاا هامك نا اصلا قتلك ماتوريش لحد
انا بزعل:سوري مش قصدي بس عمتي حرجتني وقلتلي وريني شن اندير ياروحي نقوللها لا مهما كان ام راجلي ولازم نسمع كلامها عشان مايقعدش حسس بيني وبينها "طبعا نلعب ع الوتر الحساس"
احمد :افففف انحبك انحبك 💙
انا :بس نا زعلانه منك
احمد :عمري توا شوفي في شيشه جنب باب التلاجه اميه رقيه كل ما الدوشي رشي علي شعرك اوگ
انا :باه زعلانه راني
احمد :انتي زعلانه نعرف كيف نراضيك ورفعني ووووووو ششششششششششش شوشت
~~~~~~~~~~؟

#يتبع
#soso