إهمال امرأة،

الحلقة العاشرة

شگرا Goud😉ع التصميم
🎼😌✋💋💜
الحلقه 10
#اهمال_امراه
~~~~~~~~~~؟
اما عند عصافير الحب (رانيا واحمد)::--
ركبت رانيا بعد اللمه ولقاته دوبه طالع من الدوش
احمد ابتسم :حبي وينك مختفيه
انا :احممم تعبانه بنخش نرقد
احمد مسكني من يدي :قبل ماتخشي نبيك في موضوع😉
انا :خليه بكرا موضوعك توا تعبانه
احمد:تؤتؤ هوا طوووويل نحكو شويه توا وشويه بكرا اوگ حبي تعالي بس وكرني من يدي
انا :احميده ميدوووووو ووو🔞💏💑
وعيت الساعه7 الصبح دوشت وطلعت وتيتله البدله اللي يبي يلبسها في الحفله وانا طلعت فستاني ودرتله فطور وعديت نوعي فيه
انا :حبيبي ميدوو
احمد :همممم
انا :نوض حياتو عشان تنزل اكيد يبو يشيلو حجات للصاله
احمد :انتي حتمشي للكوافير
انا :لالا توا اندير هنا
شويه ورن نقالي
انا :اووو هذي رتاب
احمد :درتن صحبه
انا :اها تجنن
ورديت عليها
انا :صباحو ياعسل
رتاب :صباح الخير شجو
انا :تمام وانتي
رتاب :تمام قتلك اولا اسفه ع الازعاج
انا :لا عادي واعيه اصلا
رتاب :قتلك بتمشي لكوافيره والله تمكيجي في الحوش
انا :لل والله في الحوش
رتاب :صااح انا بنمشي للكوافيره بس نبيش نمشي بروحي هيا تمشي معاي
انا :والله ياتوبي امم توا انشوف احمد
رتاب :اوگ كان قال باهي رني عليا نتلاقو
انا :تم
~~~~~~~~~~~؟
عند انس :-
خش للصاله لقا رتاب تكلم قعمز وياكل في توست بعد كملت مكالمتها
انس :حبيبتي مع منو كنتي تحكي
رتاب :رينو
انس :شن قعدتن صحبات
رتاب :اها عسووله وحنوطه تجنن كلمتها قتلها تجيني عند الكوافير نبيش نمشي بروحي
انس :مرات هيا بتمشي مع العروس
رتاب :لالا لما سالتها قالتلي في الحوش وتوا قالتلي نشوف احمد وكان قال باهي نتلاقو غادي
انس :اهاا قتلك توبي
رتاب:نعم
انس :ماشريتيش فستان للفرح صح
رتاب :لالا عندي نا مزلت عروس يعني مزال دبشي جديد
قرب انس ومسك يدها :هه عروس توبي انتي معشتيش ك عروس انتي من ثاني يوم خشيتي ع الطبخ والغدا وعشا وكوي وغسيل (وباس يدها)وعد بنحاول ناخض اسبوع اجازه ونمشو لاي مكان بس اسف اكثر من اسبوع منقدرش اولا عشان امي واختي برواحهن ثانيا عشان الشغل
•
رتاب :ماتشيلش هم نا عادي ميهمنيش هضا كله وعادي را مش ضروري نمشو لاي مكان امم قصدي يعني حتى هنا مثلااا اممممم احجزلنا شاليه كلنا انا وانت وامك واختك وبشرى نمشو نقضو اسبوع مع بعض وانروحو شن رايك
•
انس :نا نقولك نمشو نا وياك تقوليلي نمشو كلنا نبيه تعويش علي شهر العسل
رتاب :نبيش شهر عسل نبيك انت بس
انس :نجك ليا (وباس خدها)
رن نقالها
رتاب :هذي نينو. ايوه نينوو
انا :اسمعي شن اسم الكوافيره
رتاب :ال## عرفتيها
انا :اها اها عرفتها خلاص نتلاقو غادي
رتاب :تمام هي باي
''•''•''•''•
رتاب :هيا حبيبي بنمشي نجهز روحي اطلقني
انس :اوگ طيري
مشت تجهز في روحها
~~~~~~؟
عند تغريد :-
محمد :شن حبي بتمشي لكوافير
تغريد :تؤتؤ هنا ندير
محمد :غريبه
تغريد :لاغريبه لا سو بندير توا (وطبست باساته)
محمد :هههه لا انتي متغيره رسمي
تغريد :للاسوء والله الاحسن
محمد :اكيد للاحسن مدلعتني
تغريد :نجك ليا نحبك هيا بنجهز روحي
محمد :اوگ جهزي روحك ولما قريب تكملي قوليلي عشان نلبس
تغريد :من عنوني
~~~~~~~~؟
وتينا كلنا ارواحنا في الصور:-
في الصاله انا عديت قبل رتاب سيبتها في المزين قالت تبي تمشي هيا وراجلها يصورو. انا مشيت للصاله ومن الصبح كبدي زاعمه ودايخه:-----
تسنيم :خاااايفه
انا:توا خايفه لما تمشي لجبوره تنسي الخوف(راجلها)
تسنيم :حقيره
انا طلعت قعدت مع رتاب وتغريد:-
انا :شجو غروده
تغريد :تمام اهو ماشيه
انا :باهي شخبار محمد
تغريد :قاعد حتى هوا حال الشغل
انا :شن رتاب تبيش تحكي
رتاب :في شنو
انا :فيك انتي سرحانه
رتاب :لالا شي
انا :شخبارك مع انس
رتاب :عالي العال حبيته
انا :ربي يعقد عسلكم
~~~~~~~~؟
عند خالد :--
خش لايمان لقاها راقده
خالد :نووضي يا ايمان
ايمان :هاها شن هضا شن متجوزه نا افففففف
خالد :صبي نبي عشا
ايمان :مفيش
خالد :شن قلللللت
ايمان بصوت عالي :تي مانيش دايره واعلا ما في خيلك اركبه
خالد :باهي يا ايمان انتي طالق طالق طاااالق
ايمان مصدووومه ومفنصه عيونها
ايمان :لا لا خالد نا موني حبيبتك
خالد :المرا اللي ماتهتمش بحوشها ملهاش داعي اصلا اوگ خليها في بالك واها اسمعي مانع الحمل اللي تاخذي فيه من وراي عارف قصته اوگ حطيها في بالك بس
«_وهكي نهينا قصه واحد من الشخصيات اللي هوا(خالد)واللي نبي نوصله هوا ان زي ماهوا يحبك انتي قدريه وديريله شان ووفريله راحه يعني زي رانيا مثلا وصدقيني لما يلقاك تجري والطيبي وتكردي وراه هوا بروحه يحبك ويزيد تمسكه بيك اكثر واكثر بلعكس هذي مش اهانه انتي تزوجتي عشان تهتمي بحوش وراجل»قولولي حبيتو قصه #خالد او لا
~~~~~~~~~؟
عند رانيا :-
روحت من الصاله للحوش فوق وركب وراها احمد
احمد :حبيبتي ااااه الحمد الله مزلتي ماغيرتي
انا :مزلت حبيبي نبي انقولك حاجه بس منبيش نعطيك امل وبعدين ميصيرش
احمد :شنو حبي شن في
انا :عندي دوخه ونستفرغ وال× متأخره ثلاث ايام
احمد :زعما حامل
انا :مش عارف
احمد :ننزل نجيبلك اختبار حمل من الصيدليه اللي تحت لان توا الساعه 2 ماعنقدش في عياده مفتوحه
انا :اوگ ومشا جابلي خشيت درته طلعنلي خطين قعدت نبكي في الحمام من الفرحه واخيرا احمد حبيبي بنجيب منه عيل خلاص مش قادره نستوعب وقعدت نبكي بشهقات واحمد سمعني
احمد :حبيبتي تبكي نينو عادي ياعمري كان مافيش حمل عادي نا نبيك انتي بس نانوو افتحي الباب ياعمري هياا اففف
وانا نبكي من جدي بالعبره
احمد :ننوش افتحي يا عمري باهي تعالي ابكي عندي نينوو مش كويس البكي في الحمام
وانا مش معاه نبكي وفرحانه لان اول حملي واخيرا بعد جهد جهيد ديما خاطري يجيتي عيل او بنت من احمد ولما كشفت قالولي مافيكمش حاجه لا انتي ولا هوا
احمد بصوت متعصب:رراااانيااااااااااا قللت افتحيييييي
فتحت وطحت في حظنه ونبكي بالعبره
احمد ؛اشششش حبيبتي ماتزعليش والله عشاني نا ماتزعليش نينوو انا نبيك انتي بروحك والله ماعمري فكرت ولا حنفكر في وحده غيرك عمري هيا نينوو بطلي بكي (ويمسح علي راسي)هه حبي انتي البيبي بتاعي نحبك نينو
انا رفعت راسي وبحتت في عيونه مسحلي دمعتي بحنان وطبس باسني علي خدي
احمد بهمس :معش تبكي
انا :ميدوو انا حامل حامل منك حبيبي بنجيبلك بيبي منك انت
احمد :شن جد (وضرب علي كتفي بشويه)ومن امبدري دايره مناحه تي نحبك نعشقك نعليا نا ههههههههههههههههه (حضني ويضحك بصوت)
انا :كنك تضحك
احمد :مش عارف تي بيجيني عيل صغيروووون نعليا نا حبيب بابا
انا :شن عرفك مرات حبيبت بابا
احمد:تؤ انا احساسي يقول انه ولد هكي احساسي يقول عيل زي امه يجنن بوه
انا :نحبك
احمد :نموت فيك وين ع السماحه هذي
انا :نجك ليا ههههه مزلت مش مصدقه
احمد :توا انخليك تصدقي وووووو🔞💏🙊😉
>>>>؟<<<<
تمت😍
يتبع،
#soso