إهمال امرأة،

الحلقة الخامسة

الحلقه 5
#اهمال امراه
#تصميم {Aya_SH}
التفاعل حلووو عجبني وياريت ديما هكي😘
~~~~~~~؟
تسنيم :نبي فستاني يكون لونه باهت مش فاقع
انا :يعني مثلا زيتوني او سماوي
تسنيم :يب نبيه هكي بعد خطرها بكرا حتمشي معايا للسوق
انا :اوگ وبالمره ناخض حتى نا فستان للفرح وكم لبسه للايام الحوسه
تسنيم :والتطريفه
انا :لالا شاريه واحد جديد (اللي شراه لها احمد😉)
تسنيم :اهاا باهي
انا :هيا تصبحو علي خير الساعه 2
رغد :نبشركم
نحن :شنوو
رغد :عيت عمي بكرا جايين (يسكنو في منطقه بعيده)
تسنيم :وووووه وووه ووه وووك
انا :كنك بسم اللع عيت عمك مش هل راجلك هبله
تسنيم :انتي مش عارفه شي
رغد :رانيا اسمعي بنت عمتي (امل)ردي بالك منها وامسكي راجلك خليه يقعد برا
نا :عليش
رغد :تبرم عليه اصلا
انا خفت من كلامها ابتسمت :تصبحو علي خير
كلهم :قدامك الخير
ركبت القيت احمد يتفرج ع التلفزيون
احمد :وينك ماتقوليش عندي راجك نشوفه يبي حاجه
انا :هههههه حبي زعلان
احمد :لا بس استاحشتك
انا :ميدوو شن علاقتك بامل؟؟
احمد :امل من
انا :بنت عمك
احمد :من حكالك
انا :خواتك بس ماقالنليش بالتفصيل قالنلي انها زمان تبيك
احمد :بنت دحنااااسه تعالي نحكيلك
انا قعمزت جنبه
احمد :شوفي نا علاقتي ببنات عمامي وعماتي وخالاتي وخوالي كلهن سمحه جوي معاهن ضحك ولعب وحتى امل هكي كانت معاملتي لها وكلهن لما يبن حاجه عارفاتني اني انا اول واحد نخدمهن وزي خواتي وحتى هنا مفكريني زي خوهن بس امل جت وقالتلي انحبك وانها تبيني وهكي نا ماعمريش شفتلها من الناحيه هذي بس هيا اللي طيحن قدرها بروحها نا نعد فيها زي اختي بس توا حتى في الجامعه لما نمشي ناخض اوراق من مكتبه الجامعه اندير روحي مانحقش فيها بس البنات لخرات جوهن معايا سمح ضحك وتشفيط وجونا سمح ك خوت مش حاجه اخرى
انا :حبي ممكن لما هيا تكون جوا ما تخشش
احمد ابتسم :ممكن ياعمري انتي
انا :ههههه نجك ليا اها بعد خطرها بكرا بنمشي مع تسنيم للسوق
احمد ؛من شايلكن
انا :يا انت يامروان
احمد :اوك كان مروان قال لا كلميني وتوا تعالي مستاحشك
انا :ماتحلمش عقاااااب
احمد :ليش شن درت
انا :شن درت قول ايش مادرت رقبتي تقول متعرضه للاغتصاب كلها خدوش واتقولي شن درت
احمد :انتي جيبيلي راجل واحد بس وااحد يشوف الجمال هضا وشعرك لما تفكيه ويمسك روحه تي نا خلااص ننسا حتى وين قاعد
انا :ههههه بارد باهي حبي نبي فلوس عشان بنشري شويه دبش لايام الحوسه وفستان للفرح
احمد :تم بكرا بنعطيك اوك بس ذكريني
انا :حاضر
احمد :وتوا تعالي 😉
انا :افففف نبيش
احمد :والله ماتجي بادب نجيبك بقلت ادب
انا :باهي جيت
احمد باسني في……ستوووووووب فرينو
~~~~~~~~~~~~~؟
عند عيت خالد:-
ايمان :خالد شفت صاحبك شن جايب لمراته
خالد :اي صاحب
ايمان :ايهاب احلام شاريه طوق يغطي الرقبه وانت تقولي اي طوق نبي واحد احلى منه
خالد ؛جيبي انتي واحد وانا نعطيك حقه
ايمان :اففففف درااه كبد
خالد :ايمان بنقولك حاجه وحده انا لعند توا ساكتلك ومتحمل صوتك العالي ودراه كبدك وتنسريفك الواجد مش عشان تمشي تقولي لصحباتك كلمتي هيا اللي ماشيه لا نا لو نبي انخليك خدامه عندي بس نا مزلت معيشك بكرامه فعشان هكي احترمي نفسك ولما تحكي معاي وطي صوتك المره الجايه مش حتشوفي مني خير
ايمان :افففففف
طلع خالد من الحوش وسيبها وهوا في راسه فكره بيبدا ينفذها عشان معاش تزيد حدها
~~~~~~~~~~~~؟
في حوش انس:-
انس :بشرى وين جاكتي الزرقه
بشرى: في الغساله
انس :تي ليا اسبوع حاطها في الغساله
بشرى :كان تبيها امشي للمغسله يديروها لك مش والدتك وناسيتك نا
انس :انتي هي عدلي اسلوبك احسنلك
بشرى :تي حل علي وجي كذا اففف
انس :بنوريك يابشرى
~~~~~~~~~~~؟
عند عيت محمد :
محمد خش لدار النوم لقا تغريد تلبس
محمد :علي وين
تغريد :ماشيه للمول حبيبي (وباساته علي خده)
محمد :وانا طرطور لا تسأليني ولا تشاوريني
تغريد :حشاك حبيبي يؤبرني سيد الرجال هيا حبي عاد سوري نسيت خليني نمشي ولما نجي نطيبلك احلى بازين مش تحبه
محمد :باهي باهي عدي بس اسمعي مالطوليش عشان جايب فلم جديد نحضروه مع بعضنا
تغريد :من عيوني
~~~~~~~~~~~~~؟
#يتبع
ملاحظه:-
حنقعد نحكي علي ابطالنا (احمد+رانيا)ومعاهم هكي ضفتلكم 3 عائلات اللي هما اصحابه عيله(خالد+انس+محمد)تغيير جو اما وائل ايهاب خلوهم علي جنب نبيش نلخبطكم
#soso