كان يا مكان في سابق العصر والاوان
صباحآ__بابل
_________________________.
نايمه واحس واحد يجر بشعري على كيف فتحت عيوني لكيت رنا اختي الصغيرة باوعتلها وصحت بيها
رسل:ولج رنيوة تكومين من يمي لو احرك عشيرتج من الصبح ليش مكعدتني من هسه
رنا:كومي ادري تنبل صار ساعه نصيح اتريكي حته نبدل ونطلع
رسل:وين نروح من صباح الله خير؟؟
رنا:وج مو كال ابويه نروح لكرايبهم عدهم عرس
رسل:يا تصدكين نسيت هههههه
رنا:اي مو عاشكه ومفلسه خاب كومي لسه نايمه يله
رسل:ولله عمي هنياله اليعشكني شناقصني قابل مثلج ههههه
رنا بعصبيه:تاج راسج قندرة
رسل:اكول نكلعي منا علما اسبح وانزل
رنا:عابت هالشكول
وطبكت الباب بعصبيه
رسل:خبله شكد احب اضوجها ههههه
رحت سبحت ولبست بنطرون كابوي ثلجي وقميص زيتوني وشال زيتوني ومكياج بناتي ورشيت عطر ولبست ساعتي وسواري وعندي حلقه فضه اعشقها دائما البسها لان هديه غاليه عليه كلش كملت ونزلت
ام رسل:بعد وكت ماضليتي ل٩ يله تشرفين احسن
رسل:اعصابج حياتي واذا تاخرت شويونه
ام رسل:صارلج ساعه وتكول شويونه
رسل:صباح الخير ياقوم
ابو رسل:صباح الخيرات والمسرات بنيتي
محمد:هله بالخبله هله بالتنبل
رسل:عساس نته شلونك تكعد من الفجر خلينه ساكتين يمعود ههههه
ام رسل:دتريكي يا امي حته نطلع عوفي المناكر
رسل:صار
كملنه ريوك واتوكلنه وطلعنه لبغداد ......
صار الوكت تتعرفون على الابطال
رسل:بطلتنه الحلوة فتاه لم تبلغ العشرين من عمرها وتدرس سادس ادبي مواصفاتها عاديه حالها حال اي بنيه بس المختلف هيه مرحه واجتماعيه من جهه ورزنه وثكيله من جههه تعرف وين تستخدم كل صفه عيونها سود وكبار وحنطاويه مائله للبياض طولها١٥٥ وزنها ٦٥ (مربربه ههههههه)حلكها صغيرون وخشمها قلم وحاد وشعرها انزل من ضهرها
ام رسل:اسمها هيام ربه منزل عمرها ٤٠ سنه انسانه خلوقه وطيبه ونقطه ضعفها عائلتها
ابو رسل:اسمه احسان عمره ٥٠ سنه انسان عصبي جدا بس من الداخل اطيب منه ماكو عمله موظف متقاعد
محمد :اخ رسل عمره ٢٤سنه عازب وكليه ضباط مرحله ثالثه عصبي متشدد ومرح نوعا ما هههه ملامحه حاده جدا واسمر برونزي وعيونه كبار وطويل ومعضل يعني صاك الا شعره هههههه محتحت
أنت تقرأ
عطور منثورة
Romanceفتاه تتحول حياتها بليله وضحاها من حلم وردي الى كابوس مرعب وتنقلب راسأ على عقب ماذا سيحصل هل ستتغلب على كابوسها ام تندثر تحت انقاضه؟؟ (متوقفه حاليا) ان شاء الله باقرب وقت نكمل
