جريمة صوفيا ( روايات ليبية )

حلقة 19 🔥

رواية #جريمة_صوفيا 💔🔥
( خيال ممزوج بلواقع )
للكاتب : #إبراهيم_رشيد
الرواية بلهجة الليبية
حلقة  19🔥 " 

قراءة ممتعة
رشا:تعال ياعماد ح نحكيلك كانت خطبة تهبل بكل بكل وعروسة طالعة تجنن
عماد كان يمشي وساكت بكل مقالش ولا حرف 
رشا:عماد كنك ساكت انت متسمعش فيا ولا شنو
جاء عماد من ورا رشا وحط يدة على كتفها وكانت عينة في عين رشا بس من المراية
وكانت عينه هكي كأن فيها دموع
رشا:عماد في حاجة؟
عماد:انتي طالق0_0
قبل تقريبآ ساعة
عماد طلع من المستشفى لكن قبل مايركب شاف حاجة غريبة على زجاج السيارة الامامي
كان محطوط ظرف هكي
عماد مسك الظرف وشاف شن مكتوب عليه وكان مكتوب(افتح بسرعة في حاجة تخصك)
ركب عماد في السيارة وفتحة ولقا في تليفون ورسالة قراء الرسالة وكان مكتوب فيها
(مراتك وحدة خاينة وحقيرة وهذا الدليل قدامك في التليفون)
عماد كان قلبة يدق بسرعة وفتح التليفون شاف سجل مكالمات وشاف رسالة حقيرة بكل حشاكم ومحادثة كلها كلام خيانة زي مثلا حبيبي راجلي شويا ويجي،حبيبي كلمني ضروري عماد توا طلع،ومحادثة كبيرة بكل من 4 شهور
والغريب في الامر كان فعلآ مع رقم رشا وهذا رقم رشا مفش اي تغيير 😳
نردوا مع بعضنا لمشهد رشا وعماد ومن بعد ماسمعت كلمة انتي طالق 
مش قادر نوصفلك كيف فجأ هكي رشا وجها تغير وانصدمت صدمة حياتها بالكلمة هذي
رشا:نعم شن قلت انت
عماد:زي ماسمتعي
رشا برمت على عماد
رشا:عماد واعي انت شن قلت
عماد:واعي تي انا كنت راقد على وذاني وكنت غلطان لما حطيت ثقة فيك وحدة خاينة وحقيرة
بدا صوتهم عالي بكل
رشا:شن تقول تي انت جاي تطعن في شرفي ياحقير في شن تقول
عماد:كل حاجة وصلتني ورسائلك مع حبيب القلب شفتهن بعيني والمكالمات ياخاينة ياحقيرة،تعرفي انا كنت ناوي نجي نقتلك لكن حرام فيك انتي اطلعي برا ومنبش نشوف وجك هنا مرة ثانية
رشا طبعآ دموعها نزلن طول وكانت مش عارفة شن تقول
رشا:فهمني شن صار رسائل شنو تي قول رسائل شنو
عماد مسك رشا من يدها بالقوة
عماد:استعباط منبش فاهمة ولا مش فاهمة امشي من قدام وجي خير مانرتكب فيك جريمة هنا وامسكي شوفي كل شي بعيونك عشان متقولش اني ظلمتك
رشا:تي هات بسرعة
وخذت رشا فتحت التليفون وشافت كل شي
عماد:شنو ياخاينة مازال عندك كلمة ثانية تقوليها
رشا من كثر الصدمة كانت ماسكة التليفون وقمعزت على السرير وطاح منها التليفون
رشا:مش مصدقة مش مصدقة
عماد:امشي اطلعي برا وبلا كذب زايد تي انا حاط فيك ثقة وطول الوقت في المستشفى ونشتغل عشانك انتي وعيالك عشان منحرمكش من حاجة تخونيني ياكلبة ياحقيرة
رشا كانت تحت تأثير الصدمة ومش عارفة شن تقول
رشا:عماد صدقني وربي انا مش شوري واقسم بالله
عماد:هذا رقم من ياتافها والرسائل هذينا مع من،تي قوليلي من هوا تي قولي توا من هذا الي بعتيني عشانة ياكلبة قولي
رشا:واقسم بالله انا مش شوري بحاجة والله مش انا الي دازة الرسائل هذينا ياعماد افهم
عماد:معاك نص ساعة بس نص ساعة نشوف وجك هنا ووحق ربي نقتلك
عماد برم وجة وكان يبي يطلع من الدار
رشا:من قالك قاعدة اصلآ وعيالي والله مش ح تشوفهم مرة ثانية
بس فجأ رد وحط عينة في عين رشا
عماد:ح نسمحلك توا تاخذيهم وتمشي بيهم لكن ح نشوفو قرار المحكمة لما يعرفوا ان امهم مريضة نفسية واتعالج في المستشفى متاعي تي انا غلطان اصلآ حطيت ثقة في وحدة مريضة نفسيآ
رشا بعد الكلمة هذي انهارت بكل بكل بالبكاء
رشا:عماد صدقني وربي انا مش شوري واقسم بالله
عماد:هذا رقم من ياتافها والرسائل هذينا مع من،تي قوليلي من هوا تي قولي توا من هذا الي بعتيني عشانة ياكلبة قولي
رشا:واقسم بالله انا مش شوري بحاجة والله مش انا الي دازة الرسائل هذينا ياعماد افهم
عماد:معاك نص ساعة بس نص ساعة نشوف وجك هنا ووحق ربي نقتلك
عماد برم وجة وكان يبي يطلع من الدار
رشا:من قالك قاعدة اصلآ وعيالي والله مش ح تشوفهم مرة ثانية
بس فجأ رد وحط عينة في عين رشا
عماد:ح نسمحلك توا تاخذيهم وتمشي بيهم لكن ح نشوفو قرار المحكمة لما يعرفوا ان امهم مريضة نفسية واتعالج في المستشفى متاعي تي انا غلطان اصلآ حطيت ثقة في وحدة مريضة نفسيآ
رشا بعد الكلمة هذي انهارت بكل بكل بالبكاء
عماد طلع بسرعة وولع سيارتة ومشا
رشا على السريع خذت دبشها ودبش عيالها وطلعت ومفش حد شافها
كانت رشا تسوق وتبكي وعيونها كلهن متأثرات بالكحل
فاطمة كانت في حوشها وفجأ رنت رشا
فاطمة:اهلين رشا انا كنت نبي نكلمك نسيتي عندي...
وفجأ رشا قاطعتها
رشا:حسبي الله ونعم الوكيل فيك مكنتش نحسابك حقيرة وتفضحيني وتقولي لـ عماد هكي كيف تقولي اني انا مريضة نفسيآ وتفضحيني كنت نحسابك صاحبتي وحطيت فيك ثقة عمري ماحطيتها في عمومآ انا توا عماد طلقني وماشية لـ اهلي ومنبش نعرفك مرة ثانية سلام
فاطمة تغيرت على طول وقلبها قعد يدق بسرعة
فاطمة:رشا رشا والله انا درت هكي عشانكم واقسم بالله عشان خايفة عليكم
ولكن رشا صكرت في وجها وقفلت تليفونها على طول
فاطمة كانت في حالة وترن على عماد مقفل مقفل
نمشو مع بعضنا شويا لـ وسام
وسام كان في الشغل وكان يبي يطلع بس هكي خطم على محمود
محمود:وسام في حاجة
وسام:لا غير جاي نقولك نبي نطلع بس بصراحة خويا اليوم كانت خطبته ونبي نمشي نشوف الجو في الحوش
محمود:الف الف مبروك ياوسام العقبالك ان شاءالله
وسام:تسلم شكرآ
محمود:كيف صار في القضية
وسام:حاجة ساهلة وفي ظرف 48 ساعة ح نجيبة لكي هنا
محمود:تمام وريني شطارتك عشان نخشو على الاصعب بعدها
وسام:تمام
ركب وسام في سيارة وطلع
رشا وصلت لحوش اهلها وكانت تبكي تبكي تبكي بجديات بكل
إيمان:بسم الله عليك كنك يابنتي كنك
بيسان:رشا0_0كنك يابنت شن في تي ردي عليا
رشا:مش قادرة مش قادرة نقول حرف
ايمان:تي توا يابنتي كنتي سلمية ومفش حاجة شن في ردي
رشا:عماد طلقني
ايمان:شن تقولي انتي
بيسان:تي شن تحكي يارشا بابا يا بابا تعال بسرعة
وجاء حسن يجري *للتذكير حسن هوا اسم اب رشا*
حسن:تي شن في بسم الله الرحمن الرحيم كنها البنت هذي كنك يارشا مبدري جيتي ومفش شي
ايمان:عماد رمى عليها يمين الطلاق
حسن:شن تقولي انتي يابنت تي احكي بسرعة
رشا:طلقني الحقير طلقني
حسن:تي ليش طلقك احكي بسرعة
رشا:واقسم بالله انا مظلومة ياماما واقسم بالله مظلومة
حسن:تي احكي يابنت احكي
بيسان:تي شن في باهي
رشا:جاء وحط قدامي تليفون في رسائل الرسائل هذينا كان كلام كلة على اساس بيني وبين واحد وعلى اساس انا نخون فيه وكل شي مسجل برقمي واقسم بالله انا مظلومة
حسن مسك رشا بالقوة
حسن:تي شن تقولي انتي
بيسان:بابا اهدا شويا والله رشا مستحيل اديرها
رشا:هات المصحف نحلفلك عليه يابابا والله انا مظلومة ومعندش اي علاقة بالرسائل هذي
حسن:واقسم بالله يارشا لو كان لكي يد بالموضوع واقسم بالله نذبحك واقسم بالله نقتلك قتل
رشا:تي والله مش انا يابابا ووحق ربي مش مني واقسم بالله
ايمان:كنك ياحسن انا بنتي متربية ومستحيل ادير حاجة زي هكي
بيسان:هذا ملعوب كبير يابابا وانت اكثر واحد تعرف رشا
حسن:ماشي ياعماد ماشي يانذل والله نوريك
وطلع حسن بسرعة
ايمان حظنت رشا
ايمان:خلاص يابنتي خلاص في ستين الف داهية،هاتي يابيسان كباية اميه لأختك بسرعة
بيسان:حاضر هيا
حسن طلع بسرعة من الحوش وكان ماشي لـ حوش اهل عماد
بالصدفة وصل هوا ووسام في نفس الوقت ووقفو السيارات قدام بعضهم
وسام:اهلين عمي حسن كيف حالك
حسن:لا اهلين ولا سهلين خوك وين
وسام:شن في ياعمي كنك
حسن:خوك وين قتلك انا كلامي مش معاك
وسام:ياعمي حسن والله انا توا كيف جيت قولي بس شن في
وفجأ مالك طلع من الحوش
مالك:عمي حسن خير خير
حسن:وين تشوف فيه الخير خوك عماد وين
مالك:عماد مشفتش كنك ياعمي شن في قولي وسيارتة مش قاعدة
وسام:صاير حاجة ياريت تحكي وتعال خش جوا نتفاهموا
حسن:شوفوا انتو الاثنين تقولو لخوكم الحقير هذا واقسم بالله اني ح نوريه
وسام:تي باهي عليش تدوي هكي توا
مالك:ياعمي حسن اهدا بس وقولنا شن في تي رشا قاعدة هنا وكويسة مافيها شي
حسن:لا خوكم جاء ورمى عليها يمين الطلاق وتوا جت عندي وصلو لخوكم اني انا واقسم بالله مش ح نسيبه في حالة
مالك ووسام انصدموا بكل
وسام:تي ليش ليش باهي رشا مقالتش حاجة
حسن:قال انها خاينة وجاء حط في وجها تليفون في رسائل وكلام فاضي شوف ياوسام انا بنتي مستحيل ادير هكي لكن لو هوا راجل يجي ويواجهني
وركب حسن في سيارتة ومشا
مالك:تي شن في صاح والله سيارة رشا مش قاعدة
وسام:استنى نرن عليه خوك هذا هبل واقسم بالله
مالك:تي نبي نفهم انا ليش هكي صار فهمني
وسام:ياراجل وين نندري عليهم انا شوفت عينك توا غير جيت،مقفل عماد
وخشو مالك ووسام جوا وبلغوهم بكل حاجة صارت
رودينة:مستحيل ياربي وين تليفوني وين
وسام:متحاولش رشا مقفل وعماد مقفل
منال:ااه منكم ااه لازم تحقرولي دمي لازم
مالك:ياامي وسعي بالك بس
رودينة:تي رشا انا نعرفها كويس مستحيل ادير هكي
وسام:كلنا عارفينها بس انتي عارفة خوك عماد غبي وديما تصرفاته همجية
منال:روحنا مبسوطين وفرحانين شن صار ياربي شن صار
وسام:ياامي اهدي خلينا نستنو الافندي عماد يشرف هنا ونعرفوا القصة كلها
مالك:شوف قصة ان رشا تخون عماد هذي كذبة كبيرة رشا بنت ناس ومديرهش واكيد في سوء تفاهم
منال:انا الي ديما نقول هذا عماد وكبير الحوش طلع هكي ياربي مش قادرة
رودينة:ماما خلاص ضغطك ياماما
وسام:تي ح تقولي يعني عارف رشا مديرهش تي لو شفت بعيني مستحيل نصدق
عماد قعد يبرم ويبرم والدنيا مظلمة في وجة بكل مشا على طول لـ معين
معين:عماد تعال خش كنة وجك هكي انت
عماد:معين مش قادر نتحمل يامعين واقسم بالله
معين:تي شنو ياراجل كنك احكيلي
عماد:رشا يامعين رشا طلعت تخون فيا
معين:تي شنو تخون فيك؟تي عيب الكلام هذا ياراجل رشا بنت ناس ومحترمة مديرهش
عماد:امسك شوف الدليل بروحك
وقمعز معين قدام عماد وشاف كل حاجة
معين:تي لالا قصدي شنو الرسائل هذينا ياراجل رشا والله مااديرها
عماد:ودارتها وهذينا الرسائل قدامك وشوف هذا رقم رشا تفرج في تليفوني وشوف نفس الرقم
معين:لنقنه صاح0_0تي باهي بلكي في سوء تفاهم ياراجل وسع بالك بس
عماد:ياريت كذب وياريتني في حلم انا توا رميت يمين الطلاق على رشا
معين:تي شنو تحكي انت معقولة هكي ياراجل تي في بيناتكم عيال تي اقل شن كنت تأكد قبل
عماد:معش نبيها يامعين خلاص معش نبي نشوف وجها واكثر من هكي تبيني نتأكد
معين:والله مش عارف شن نقول عماد تي رشا مديرهش
عماد:توا اول شي نعرف من الحقير هذا الاول بس
معين:فهمني القصة من الاول كيف جاء التليفون هذا عندك
وحكالة عماد كل شي من الاول
معين:يعني عشان هكي قتلي المرة الاولى نسألك على الرقم
فاطمة كانت كأنها نار ووالعة فيها ومش عارفة شن ادير
فاطمة:معين معين اكيد عند معين
ورنت فاطمة على معين طول
فاطمة:خير يامعين
معين:اهلين يادفعة
فاطمة:عماد عندك
معين:بصراحة قاعد عندي وانا في المطبخ توا
فاطمة:تمام انا جاية توا
معين:فاطمة ردي بالك واقسم بالله قاعد والعه في نار غريبة بكل تي قريب يقتلني انا
فاطمة:لا والله جاية
وصكرت فاطمة من معين ولبست ع السريع
فاطمة:حبيبي مراد
مراد:نعم ياماما
فاطمة:انا ماشية بسرعة مشوار قريب انت راجل توا وتقدر تقعد في الحوش بروحك صح
مراد:صح بس جيبيلي معاك حاجة سمحة
فاطمة:من عيوني حبيبي رد بالك تقرب حاجة لين انا نجي وخش تفرج على التليفزيون بسرعة
وطلعت فاطمة وعلى السريع وصلت لعند حوش معين
فاطمة:عماد شن الي درتة هذا
عماد:ها شن تبيني ندير
فاطمة:تي ليش طلقت رشا ليش معقولة عشان......استغفر الله الغظيم،معين ممكن تسيبنا مع بعضنا شويا
معين:حاضر حاضر
وطلع معين
فاطمة:فهمني بسرعة وليش قلتلها انك عارف انها اتعالج عندي تي ليش تي رنت عليا البنت هزبتني وقالتلي حسبي الله ونعم الوكيل فيك تي كأن ناقصني انا
عماد:شوفي هذي
وشافت فاطمة كل شي
فاطمة:شن شنو هذا تي لا شنو رشا مديرش هكي
عماد:لا دارتها وخاينة وحقيرة
بدوا يحكو وصوتهم عالي بكل
عماد:وعيالي ح ناخذهم لما نثبت انها مريضة نفسيآ
فاطمة:انا خسرت حاجات واجد على شانك انت وانت توا خسرت رشا للأبد بس حابة نقولك انك خسرتني حتى انا وياريت منبش نعرفك مرة ثانية
طلعت فاطمة وشافت معين
معين:تي شن في يافاطمة حد يفهمني حاجة الرسائل هذينا مستحيل يكونن من رشا
فاطمة:معين خليك جنبة هذا واحد مجنون
معين:تمام معايا قاعد
نمشو مع بعضنا شويا لـ رشا
بيسان:تي خلاص خلاص حرام عليك عليش تبكي هكي
رشا:مقهورة يابيسان نار والعة فيا نار
بيسان:قولي حسبي الله ونعم الوكيل وخلاص،في رأيك من الي دارها
رشا:ميهمنش ومنبش نعرف من انا لو نشوف توا عماد قدامي ح نقتله والله
بيسان:تي باهي انا شن ندير رودينة من مبدري ترن ترن
رشا:ردي بالك تردي
بيسان:ياربي منو منو زعما سراج
رشا:مستحيل سراج يديرها انا معش نبي شي ولا نبي نبرر لحد بس تعرفي خايفة خايفة يابيسان خايفة ياخذ عيالي مني
بيسان:لا ميقدرش شن ياخذهم هذي
رشا:بيسان انتي تقري في قانون وفاهمة لو الام اتعالج نفسيآ صاح ياخذوا منها الاطفال
بيسان:هذي اكيد يارشا عليش تسألي0_0
رشا:مستحيل يارشا معقولة انا خسرت كل حاجة
طبعآ قالت لـ بيسان كل شي
بيسان:ليش ليش ماحكيتي من زمان باهي
رشا:خايفة خايفة نحكي بس فضحتني هذي الله لا يسامحها يارب
بيسان:تي لا متقولش هكي هذي ممكن قالت هكي عشان تقربكم من بعض
رشا:ميهمنش انا فخار يكسر بعضة
الكل كمل اليوم كلة يفكر وخلاص وتقريبآ مفش واحد جاء نوم ابدآ
بيسان:انا متأكدة مليون في المية مفش الا واحد ممكن يديرها هوا سراج متأكدة هوا الوحيد المستفيد توا لأن مازال يحب رشا واجد
جاء ثاني يوم وكان يوم كئيب بكل بكل
إيمان:وقت جامعة توا يابيسان
بيسان:تي ياماما منقدرش نغيب والله استاذة ندى اليوم عندها امتحان وهذي مترحمش في حد بكل
مشا الوقت عادي لين بيسان مشت للجامعة وطلعت تليفونها
بيسان:واخيرآ توا نقدر ندير الي نبيه
رن تليفون فاطمة وكان رقم غريب
بيسان:الو السلام عليكم
فاطمة:وعليكم السلام
بيسان:دكتورة فاطمة معلش
فاطمة:اها تمام تفضلي
بيسان:انا يادكتورة بيسان اخت رشا بالله عليك نبيك تساعديني ضروري
فاطمة:اها بيسان متلاقيين مرة عند رشا،تفضلي شن نقدر نساعدك
بيسان:والله امس طلعت روحي عشان سرقت رقمك من تليفون رشا ياريت ياريت نتلاقو ضروري انا في راسي حاجة نبي نديرها وعندي حاجات ممكن يصلحن كل شي ياريت تساعديني
فاطمة:باهي باهي شوفي انا والله نبي نساعد وندير اي شي بس مكنتش عارفة توا انتي وين لازم نتلاقو
بيسان:انا في الجامعة توا
فاطمة:تمام وانا توا ح نطلع من الحوش ونجيك
بيسان:تمام اوكي
طلعت فاطمة بسرعة بكل ووصلت للجامعة
بيسان:سامحيني والله بس معندش غيرك انا عارفة انك صديقة رشا واجد
فاطمة:قصدك كنت صديقة رشا
بيسان:انا متأكدة انك انتي خايفة على الاثنين وتبيهم يردوا لبعضهم
فاطمة:ياريت بس قوليلي كيف بس
بيسان:تذكري حبيب رشا السابق
فاطمة:اها اكيد حكتلي عليه واجد
بيسان:واكيد قالتلك ان حاول يتعرضلها كم مرة وهيا صداته
فاطمة:تي عارفة كل شي انا،انتي ان ممكن يكون هوا
بيسان:تي مش بس ممكن هذا اكيد بس في شي واحد رشا مش قايتله لكي
فاطمة:وشن هوا0_0
وحكتلها بيسان كل حاجة وقصة اسم سراج وقصة الشخص هوا نفسة الي حاء لبرنامحها
فاطمة:سراج0_0مستحيل تكون الدنيا صغيرة للدرجة هذي
بيسان:والله هوا نفسة هوا نفس الشخص الي جاء لبرنامجك
فاطمة:باهي كيف الشخص هذا نوصلو فيه توا
بيسان:انا نعرف عليه كل حاجة ونعرف عنوانة بس محتاجين حد يساعدنا وانا فكرت في وسام اخ عماد
فاطمة:وسام والله فكرة حلوة
بيسان:منش عارفة انا قلت نحكولة انا وانتي احسن شي هوا يحب رشا بكل وديما تقولي علاقتي قوية بيهم كلهم
فاطمة:الكلام هذا صاح بس قصدي هل عادي يعرف ان هوا نفسه حبيبها السابق ونفس اسم ولدها
بيسان:هذا كلة مش مهم وانا يشهد عليا ربي اني طلعت السر هذا عشان بس ترد كرامة اختي لأن اختي هذي نحبها واجد
فاطمة:فهمت عليك يابيسان يعني انتي فكرتك ان وسام يجيب سراج هذا ويخليه يعترف ان كلة ملعوب
بيسان:بالضبط وانا معش يهمني هل ردت ولالا بس يهمني اختي متطلعش خاينة قدام الكل
فاطمة:وانا معاك ويارب نصلح كل شي
بيسان:بس خايفة من شي واحد وسام هذا شخص شرير شويا وخايفة يقتله ولا يدير فيه حاجة
فاطمة:هوا من الناحية هذي مستحيل نضمنة لكي خصوصآ ان هوا توا قعد ضابط رسمي
بيسان:يستر الله امتى ناوية تكلميه باهي
فاطمة:توا اكيد
ورنت فاطمة على وسام
وسام:الو اهلين فاطمة
فاطمة:اهلين وسام كيف حالك والف الف مبروك التخرج سامحني كنت ناوية نكلمك بس والله مشاغل الدنيا
وسام:الله يبارك فيك لا والله معندكش مشكلة بكل
فاطمة:وسام انا محتاجة تساعدني ضروري
وسام:حاضر تفضلي يافاطمة
فاطمة:بصراحة هوا الموضوع يخص رشا وعماد فاضي انت ولالا
وسام:عادي قوليلي وين نجيك بس
فاطمة:انا في الجامعة
وسام:تمام بكل مسافة الطريق ونكون عندك
فاطمة:تمام تعال في كافي الجامعة
وصكروا الخط
وسام:عليك صدفة حتى انا ناوي نمشي غادي اصلآ عشان القضية
خذا وسام المسدس وحطة في ظهرة وطلع وبعد تقريبآ 20 دقيقة وصل
فاطمة:اهلين وسام تعال تفضل هذي بيسان اخت رشا
وسام:اهلين،اكيد نعرفها
بيسان:اهلين بيك
وسام:شنو في يافاطمة شكلة عندك كلام مهم
فاطمة:في كلام ح تقولة بيسان لازم تسمعة ونبو تساعدنا
وسام:تمام احكي يابيسان
وحكتلة بيسان كل شي وكان وسام يسمع فقط حكتلة قصة سراج ورشا وقصة ان هوا رد يتعرضلها
بيسان:شوف انت توا عرفت كل حاجة وعرفت عليش اسم ولد خوك هكي بس مش هذا موضوعنا رشا والله بعمرها ماخانت عماد ولو حتى تحب غيرة بس الرسائل هذينا ملهش اي علاقة بيهن
وسام:فاهم عليك ونحنا نعرفوا رشا كويس واهلي كلهم واقفين في صفها بس عماد مختفي وملش اي اثر واكيد اليوم مجش هنا
فاطمة:فهمت توا شن المطلوب منك ياوسام
وسام:اكيد شن اسمة سراج الثلاثي سراج
بيسان:سراج............ ويسكن........
وسام:لا السكن مش مهم توا ح نلكم التحريات ح يعطوني عليه كل حاجة ويقولولي وين يسكن ووين المحل واليوم ح نجيبة عندي نخليه يحكي كل حاجة
فاطمة:بس ارجوك ياوسام رد بالك رد بالك تأذيه ولا حاجة
وسام:والله يافاطمة لو هوا يبي يخرب بيت خويا ويبي يطلع مرات خويا انها وحدة مش محترمة وخاينة فـ انا ح نربيه وبالنسبة لقصة سراج والاسم هذي قصة فاتت وماتت ومااعتقدش ان ممكن تفيد بحاجة
بيسان:ايوا هكي احسن كلام
وسام:قوليلي كيف حال رشا وليش صكرت تليفونها
بيسان:والله مقهورة وتبكي وخلاص
وسام:باهي ان شاءالله اليوم نحل القصة هذي خلوني نستأذن توا انا نبي نمشي نشوف شغلي
ومشا وسام.
بيسان:فاطمة يعني ح يحلها هذا انا خايفة يخرب الدنيا
فاطمة:لالا يارب ح ينحل الموضوع اليوم لما يجيب الكلب سراج هذا
وسام قعد يبرم شويا في الجامعة وهكي ومركز على الطلبة وهكي وفجأ جت رسالة فيها كل حاجة على سراج
وسام:ايوا اهم حاجة عنوان حوشة وربي اندمك ياحقير
بعد تقريبآ ساعة
نمشو مع بعضنا لـ سراج حبيب رشا السابق الي كان المتهم الرئيسي في القصة هذي
سراج كان ماشي للحوش ووقف قدام الحوش وكان يكلم بالتليفون
سراج:تي باهي شويا بس ح نطلع توا...... تي شويا نبي نخش للحوش ناخذ الاوراق وطالع طول
وصكر الخط.
سراج:مستحيل مستحيل حد يدير حاجة كويسة بكل لين سراج يجي
سراج كان يمشي وخش للحوش جوا وطبعآ كان الضي طافي
فتح الباب وولع ضي الصالة
وفجأ0_0
فجأ يشوف وسام مقمعز قدامة0_0
وسام:....................😳
سراج:...........................0_0يتبع الحلقة العشرين
الحلقة الجاية نار بكل بكل ردو بالكم حد ميشوفهش،ح نشوفوا ونكتشفوا كل حاجة ونعرفوا من هوا الشخص الي خرب بين رشا وعماد وهل خرب فعلآ ولا الي صار كلة صاح وواقع،موعدنا بكرا