Unicode
အချိန်ကား ညနေမစောင်းတစောင်း။
သာမန်လူများအနေဖြင့် တစ်နေ့တာ အလုပ်များပြီးမြောက်၍ ပင်ပန်းသမျှကို
ဖြေဖျောက်သည့်အချိန်တွင် ယွီမြို့လေး၏ စားသောက်ဆိုင် တစ်နေရာ၌။"နဂါးမိစ္ဆာနှိမ်နင်းတဲ့ တိုက်ပွဲအကြောင်းလေး
ပြောပြပါဦး ဦးလေးကျောင်းရေ "ထိုလူငယ်ပြောလိုက်သည့် ဦးလေးကျောင်း
ဆိုသူမှာ အခြားသူမဟုတ် ယွီမြို့၏
အရှေ့ဘက်တွင်ရှိသည့် ချမ့်လုံတောင်ရှိ
ကျင့်ကြံသူများထံ တပည့်ခံခဲ့ဖူးသူဖြစ်သည်။
သို့သော် ပါရမီ မပါဘူးပဲ ပြောရမလား
မဖြစ်မြောက်တာကြောင့် တောင်အောက်ဆင်းပြီးသာ လုပ်ကိုင်စားသောက်နေရရှာ၏။"ဟုတ်တယ် ပြောပြပါ "
"ပြောပြပါဗျို့"
"ပြောပြပါ"
တောင်းဆိုသူများကြောင့် စားသောက်ဆိုင်လေးဟာ ခဏချင်း ဆူညံသွားတော့သည်
"အိမ်း ပြောပြရမယ်ဆိုရင်
မင်းတို့သိတဲ့အတိုင်း နဂါးတွေက တန်ခိုးကြီးမားပြီး မိစ္ဆာလို့လဲ သတ်မှတ်လို့မရသလို
နတ်ဒေဝါလို့လဲ သတ်မှတ်လို့မရဘူး သူတို့က လူသားကျင့်ကြံသူနဲ့ မိစ္ဆာတွေထက်
အဆင့်မြင်ံ့ပြီး နတ်ဒေဝါတွေထက် အဆင့်နိမ့်တယ် ပြောရမှာပေါ့""အိုက်ယား အဘိုးကြီးကျောင်းကတော့
ဒါတွေက ကျုပ်တို့သိပြီးသားပဲကို လိုရင်းပဲပြောပါဗျာ""မင်းနားမထောင်ချင် မထောင်နဲ့
ဦးလေးကျောင်း ဆက်ပြောပါဦး ""အေး ဟုတ်တယ် မင်းမကြိုက်ရင်
နားမထောင်နဲ့ ""ကဲကဲ တော်ကြတော့ ငါဆက်ပြောမယ် နဂါးတွေက နတ်ဒေဝါတွေလောက် အဆင့်မမြင့်ဘူးဆိုပေမယ့် နဂါးအမြုတေအား များလွန်းတဲ့သူဆို နတ်ပြည်ကိုတောင် စိန်ခေါ်နိုင်တဲ့အထိ အင်အားကြီးကြတာကွ ဥပမာပေးရရင် နဂါးပြည်ရဲ့ဘုရင် ကျန်းလုံဝမ်လိုပေါ့ကွာ"
အခါးရေတစ်ခွက်ကို ယူသောက်ပြီးနောက်
ဦးလေးကျောင်းက ဆက်ပြောပြန်၏ ။"လွန်ခဲ့တဲ့ဆယ်နှစ်ကျော်လောက်ကပေါ့
ငါက အားနည်းတဲ့သူမလို့ တိုက်ပွဲကို
မလိုက်ရပေမယ့် လိုက်သွားရတဲ့
တပည့်အကြီးတွေ ပြန်ပြောပြတာကွ
နဂါးဘုရင် ကျန်းလုံဝမ်နဲ့ သူ့ရဲ့ စစ်တပ်ကြီးရယ် တောင်သခင်တွေရယ် အကုန်စုပြီး နဂါးမိစ္ဆာ လျှိုရှန်းနေတဲ့ ဖူအန်းတောင်ကို
သွားတိုက်ကြသတဲ့ "
YOU ARE READING
Possessive
Historical Fictionကိုယ့်အပိုင်မှန်ရင် တစ်ချိန်ကိုယ့်ဆီ ပြန်ရောက်လာမှာပါပဲ ဒါပေမယ့် တကယ်ပိုင်ခဲ့တာရော ဟုတ်ရဲ့လားဆိုတာတော့ အရေးကြီးတာပေါ့ မပိုင်ရဘဲနဲ့တောင် ဆုံးရှုံးတတ်တာတွေက တကယ်ရှိတယ်မလား ကိုယ့္အပိုင္မွန္ရင္ တစ္ခ်ိန္ကိုယ့္ဆီ ျပန္ေရာက္လာမွာပါပဲ ဒါေပမယ့္ တကယ္ပိုင္ခဲ့တ...