الا الصغار ما تمدش اعليهم ايدك بالله اعليك ....ضمي فمك يا كللللبة ما تبيش تعطيني فلوس تو نضرب صغارك و تو تفهمي يا حماره شبحت المزهرية و بدون تفكير ضرباته كنت اني واختي نشبحوا في الدم و العياط امي قتلت بوي
——————-
في يوم العزي ما حسيت بي شي لا اني و لا اختي انه بوي ميت بالعكس كنت فرحانه لانه كل يوم يجي يضرب في امي يبيها تعطيه فلوس و هي ما عندهاش كان بوي يشرب و يحشش و كل يوم يروح الساعه 7 الصبح و اخر عركة داروها كانت بسبب انه عاجباته بنت و يبي امي تخطبهالها كيف قصدي امي تخطب لي بوي وين قدرها قصدي حشمة......المهم زعلت بعد ما تفكرت انه امي حاتمشي الحبس بس هي فترة و تفوت بس والله مش عارفه كيف نقابل صاحباتي بوي مات و امي في الحبس .......
سمية: لين وشهد تعالوا ......مشينا الدار كانت امي تبينا في موضوع مهم اكيد على خاطر بوي
سمية: اسفهههه والله ما كان قصدي نقتله
لين:ماما متزعليش اكيد مشحه تخشي لحبس انتي كنتي ادافعي علينا وعليك
شهد:اي ماما صح كلام لين متزعليش معش تبكي
................
خلي نحكيلكم علينا شويا
لين اني لبنت لكبيره واحني زوز بنات بس
موصفاتي نقشي ؏ الأسود عيوني سود وشعري طويل وبيضه وطولي متوسط عمري 19اول جمعه نقرا قانون و نبي نولي محاميه .
واني شهد عمري 18 نقرا تالته تانوي مواصفاتي
شعري اسود طويل ونقشي ع الأسود واقصر من لين بشويا و نبي نولي دكتورة و نشبه الكوريين هلبا .
وعندنا اخ واحد الي هوا غيث عمره 28 متخرج دكتور قلب عايش في بريطانيا متزوج مرته اسمها ملاك عمرها 26 متحبناش ولا احني نحبوها .
خلي نكملوكم كلمنا غيث ردت اعليه لين
غيث : وين بتقعدو ؟!......
نسمع في مرته تقوله اسألها رد بالك تقوللها تجي اهني احني ما صدقنا افتكينا منهم هي و ام لسنا طويل شهد اعوذ بالله
لين سمعت كل شي وقالت :قول لي مرتك حسبي الله و نعم الوكككيل فيه تحسابينا طامعين فيك احني بنقعدوا اهني في حوشنا
غيث: خلاص اسكتي اني ما نبيكم فيه شبه هذا الموضوع ......
جت شهد و قالتلي لين مني تكلمي قالتلها خوي غيث
شهد: استحشته الكلب لاكن مرته حسبي الله و نعم الوكيل فيها 💔 ...
لين: نعم خوي كمل شني قلت .
غيث: نبيكم في موضوع الورثة
لين: مصحوجهك بوي ليه تلاته ايام ميت و انت تفكر في الفلوس
غيث: ماتفهمينيش هكي اني قصدي .....نبوا نبيعوا الحوش و تاخدوا انتم فلوس الحوش و اتجوا لي بريطانيا احسن اهني تكونو جنبي وتقرو
شهد كانت حاطه ودنها مع لين و سمعت كل شي
شهد : ايه نبوا نمشوا
لين: تو نفكر بس اسمع مش انت صاحبك محامي كلمه يشوف قضية امي ره والله ما كان قصدها تقتله هيا كانت ادفع علي روحها وعلينا
غيث بصوت واطي : كلمته و قالي صعبه هلبا القضيه و الادله كلها جايه ضدها 💔 .
لين بدت تبكي ولوحت التليفون و خشت لدارها
شهد :اختي هلبا متأثرة بموتت بوي وحبست امي
غيث : عارف هذا علاش نبيكم تجوا اهني بريطانيا تنسوا و تعيشوا احسن من قبل وكملو قرايتكم اهني
وصكرو لخط..
