#حياتي_الملعونه💔
#الجزء_الرابع_والاخيرر
للكاتبه:Salma Elshwehdi
"يُعجِبهُم أَلَمي".
قالَها شاعرٌ حينَما انتهَت قصيدَتهُ الحزينَه وَصَفَقَ لهُ الجُمهور....🖤
في سنة 1992 وكان شتاء كان عندنا عطله من المدرسه ، وكانن في احداث ارهابيه في المنطقه متاعنا من دون ذكر المنطقه ، كان حوشنا الباب الخارجي مفتوح ، وانا وماما نهدرزو مع بعض وكأني شفت كبايه اللي علي الطاوله تتحرك لعند حاشية الطاوله و تكسرت بعدها جاني شعور غريب ، وشفت بعدها صوره ولا فلاش ؛ وكأني في مكان برا الحوش ومجموعه مسلحه تبرم علي الحوش والباب كان مفتوح واقسم بالله سمعت صوت ضرب ناار قوي والمجموعه المسلحه خشت للحوش هاربه من العسكر ، مشيت بسسرعه كبيره وسكرت باب الحديد وسمعت صوت نار وفي واحد حاول يدف الباب ، وبرمت لقيت ماما ورايا حاطه يدها علي قلبها وقالتلي كيف عرفتي اللي بيصير كان مسكرتيش الباب كان رحنا فيها🤕
قتلها : كأني شفت اللي صار توا كله
________________________________________
ومن هنا قعدت نستخدم في الحاسه هذي حتي لما يكون عندي امتحان نعرف الاسئله والاجوبه اللي بتجي كلها ونجحت في الثانوي بإمتياز وخشيت الجامعه لما بديت نقرا في الجامعه قعدت مقيمه عند جدتي لان الجامعه قريبه منها ، فتوض الصبح ناخد باص ونمشي للجامعه ولما نروح علي رجليا يجيني احساس ان لازم نغير الطريق وفعلاً لما نغيرها نسمع انه الطريق هذي صار فيها حادث ، وقعدت معايا الحاسه هذي ومره ماشيه انا وصحباتي بناخدو حافله جينا بنركبو حسيت بي شي يقولي متركبيش كريت صحباتي وقتلهن هيا ناخدو حافله تانيه قعدن يقوللي بالله هي نركبو هنتأخرو قتلهن لا بعدها ونحنا ماشيين وقفتنا الشرطه قالت روحو لان الحافله اللي مشت توا محاصره وفيه ضرب نار واصابات ،وقعدت علي هل حال.
________________________________________
وتوا انا متجوزه وام لطفلين ، ونعيش في بلد يبعد علي ليبيا 7 ساعات بالطياره ، ومع اني بعيده علي اهلي لكن نحس بكل فرد منهم ومره حلمت ان سلفي توفي وكا مسافر فنصحته يرد لبلاده بسرعه وتاني يوم رد فيه مات في حضن امه
_________________________________________
" كتبنا كثيراً، أخرجنا نصوص و روايات جميلة، لكن لم نُخرج ذرة واحدة مما نشعر به "
___________________________________________
وبعد شهور حلمت ان جدي توفي واني معش هنتلاقه معاه ، ورغم محولاتي بيش نكلمه محصلتش💔
وبعد ايام مات وهوا طايح علي راسه ،الله يرحمه مش هننساه💔💔 ، هذي هيا قصتي حتي وانا نبي نكتب ، قعدت نخاف من احلامي واحاسيسي ، ونحاول بأني ننساها ومعش نهتم بيها لانها بدت تقعد خطيره ، قعدت انسانه وحيده مع اني كنت اجتماعيه ، لاني قعدت نشوف في حاجات في الناس ميقدرش يشوفها اي حد اخر قعدت نقرا في افكارهم وفي اوقات لالا ديما متعجبنيش افكارهم فنتباعد من عليهم بسرعه.
___________________________________________
لاني كان نقول لحد قصتي مش هيصدق 💔 غيرت اسمي في الروايه ومذكرتش المنطقه لان اكيد في حد يعرفني وهذي قصتي💔....................
___________________________________________
النهايه💔
_____________
وهذي قصة ميس نبي نعرف شعوركم لما قريتوها وشن حسيتو واحكولي رايكم فيا😂☺❤
______________________
راجوني في روايتي الجديده
للكاتبه : Salma Elshwehdi
______________________
