خادمتى ولكن ...💙
جدول المحتويات

    أنت تقرأ

    خادمتى ولكن ...💙

    Romantik

    ذهبت من أجل أن تجد عمل لها ...لكي تساعد أسرتها الفقيره ف وقعت بين يديه عشقها ولم يريد سواها ف أصبحت ملكه على عرشه بعد ما إن كانت خادمته سنتعرف ع باقى الأحداث داخل الروايه #بقلمى #دنيا سلامه 💙

    #♥️

    #2🦋

    233 10 4 
                                        
    
                                              
    تانى يوم الصبح))
    
                          
    ليلى صحيت الساعه 10..
    ليلى- يالهوى انا ازاي نمت كتير كده ...
    قامت غيرت هدومها وصلت وخرجت لقت حسام لسه نايم حمدت ربنا وقامت تنضف البيت 
    
                          
    عند آسر))
    آسر صحى غير هدومه وصلى وخرج 
    نزل ركب عربيته وهو ماشى افتكر كلام ابوه و مخدش باله من الطريق 
    لحد مااظهرت قدامه بنت ..وقف العربيه بسرعه ونزل 
    نورهان- انت اعمى مبتشوفش
    آسر- انتى إللى معرفش طلعتيلى منين مره واحده...مش تبقى تاخدى بالك من الطريق ...المهم حصلك حاجه 
    نورهان - لا ياحلو محصليش حاجه ...انا اتكسرت بس ...بس بسمالله ماشاء الله طلعت اعمى كمان ومبتشوفش..
    آسر-انتى مش عارفه بتكلمى مع مين يابت انتى...وبعدين انتى إللى عاميه وماشيه ف نص الشاارع 
    نورهان - قوم يااخويا ودينى المستشفى يمكن يكون جرالى حاجه بسببك ...
    آسر- قومى يااختى...منك لله قفلتيلى اليوم من اوله..
    نورهان- معلش ابقى افتحه انت بعدين 😂
    آسر خدها ووداها المستشفى..
    آسر - لو سمحت يا دكتور شوف مالها 
    الدكتور - حضرتك اتفضل وانا هطمنك عليها 
    آسر- طيب ياريت بسرعه عشان عندى شغل ومش فاضى 
    دخل الدكتور وكشف عليها وبعد شويه خرج...
    آسر- عندها اي 
    الدكتور- متقلقش المدام كويسه ...عندها كسر بسيط ف رجلها بس ان شاء الله هتكون كويسه 
    آسر - مدام مين معلش 
    الدكتور- مراتك إللى انت لسه جايبها...
    آسر- انا اتجوز الأشكال دى ... هو انا ممكن ادخلها 
    الدكتور- ايوا ..وتقدر تروح معاك كمان 
    آسر- ماشى ..شكرا يادكتوور 
    آسر دخلها لقاها قاعده وبتبصله بغل...
    آسر- مالك بتبصيلى كده ليه...ماتيجى تاخديلك قلمين احسن..
    نورهان- ياريت والله ..ع الاقل كنت شفيت غليلى منك 
    آسر- ماتلمى نفسك بقى يابت انتى ..انا مستحملك ب العافيه
    نورهان - هو انت شايفنى متبعتره...حسن ألفاظك ياابيه😏
    آسر- بصى بقى من الآخر عشان انا بجد زهقت منك ...قولى عايزه كام عشان اخلص
    نورهان - مبقبلش العوض ياباشاا..خلى فلوسك معاك 
    آسر - انتى مالك يابت انتى ...وبعدين انا لو مكانك هستغل الموقف واطلب اي حاجه وخلاص ..
    نورهان- انت عمرك مااهتكون مكانى...لأنك للاسف متتحملش عيشتى....انا واحده بتشتغل ف بيوت الناس وبتمرمط عشان الاقى علاج امى...واحده بتنام من غير مااتاكل...عايشه من غير هدف ...انا لو مش امى معايا كان زمانى موت نفسى من زمان...كفايه نظرات الناس ليا إللى  بتموتنى كل يوم ...وحضرتك جيت وكملت عليا...وهطرد من الشغل إللى لقيته ب العافيه....ربنا يسامحك ياباشا..وانا مش عايزه من حضرتك حاجه...وتقدر تمشى وانا هتصرف واروح...
    آسر صعبت عليه جداا ومبقاش عارف يرد ..
    آسر - انا عندى ليكى عرض حلو ..
    تيجى تقعدى مع والدى وتشوفى طلباته كأنك يعنى بتشتغلى ممرضه ومقابل كده تاخدى الفلوس إللى انتى عايزاها ومصاريف علاج امك عليا ...ومش هخليها محتاجه حاجه ..
    نورهان- عشان كده مش بحب احكى لحد حكايتي ...عشان مشوفش نظرة الشفقه دى ابدا...عموما شكرا ع وقوف حضرتك جنبى وكفاية لحد كده ...
    آسر- انتى فهمتى غلط ..انا قصدى اساعدك ..فكرى ف الموضوع وده رقمى ....لو وافقتى ابقى رنى عليا وعرفينى ...يلا عشان اوصلك...
    
                          
    آسر اخدها ووداها لحد البيت ...وبعد كده راح ع الشركه..
    
                          
    ف بيت حساام))
    ليلى صحيت وقامت خلصت كل إللى وراها وكالعاده مستنيه حسام يصحى عشان تستأذن وتمشى..
    
                          
    حسام صحى وصلى ولبس وخارج عشان يروح الشركه لقاها ف وشه .
    
                          
    حساام- صباح الخير ياا....صحيح انتى اسمك اي..
    
                          
    ليلى- صباح النور ...انا اسمى ليلى
    حسام- بجد اسمك ليلى...تعرفى ان اسم امى الله يرحمها ليلى برده 
    ليلى- الله يرحمها...
    حسام- صحيح انا اسمى حسام ...
    ليلى- انا جهزت لحضرتك الفطار ..ممكن تتفضل تاكل ومتعارضنيش..
    حسام ب استسلام- حاضر يا ليلى 
    وهي جابت الفطار وحطته ع السفره..
    حسام - اي مش هتقعدى تاكلى 
    ليلى- لا هااكل لما اروح..
    حسام- لا اقعدى كلى معايا ..انا مش بحب اكل لوحدى 
    ليلى- بس..
    حسام- مبسش..يلا اقعدى 
    قعدت ليلى واكلت معاه وكانت مبسوطه اووى ..فاقت من شرودها ع صوت حسام ...
    حسام - تسلم ايدك ..الاكل طعمه حلو اوى ..فكرنى ب أكل ماما الله يرحمها..
    ليلى- شكراا
    حسام- العفو...انا همشى بقى عشان اتأخرت ع الشركه ...
    ليلى- انا خلصت كل حاجه هنا...ف انا هروح واجى بكره ان شاء الله 
    حسام- تمام ماشى..معلش لو ترتبى قوضتى وبعد كده تنزلى 
    ليلى- حاضر 
    حسام- سلام..
    حسام خرج وبرده قفل الباب ب المفتاح ونسى انها مش معاها مفتاح ..
    
                          
    ف الشركه ))
    حسام ل السكرتيره- هو آسر جيه ولا لسه 
    السكرتيره- لا يا فندم مجااش ..
    حسام- طب اول ما يجى خليه يدخل ع طول...هاتيلى ورق المشروع الجديد ...
    السكرتيره- حاضر يا افندم...اي أوامر تانيه 
    حسام- لا اتفضلى..
    وبعد شويه دخل آسر..
    حسام- اي ياعم كل ده نوم ..
    آسر- نوم اي ...ده انا مشفتوش طول الليل ..
    حسام- ليه بس حصل اي..ابوك حصله حاجه ..
    آسر- لا ابويا كويس..بس برده فتح معايا موضوع الجواز ..وانت عارف بقى كلام الأبهات إللى بيدايق..
    حسااام- عنده حق ياآسر...هو برده عايز يفرح بيك..وانت مش هتفضل مقفلها كده ..عيش حياتك وانسى إللى فاات..
    آسر- ان شاء الله...يلا نفطر 
    حسام- لا انا فطرت ف البيت...ليلى عملتلى فطار وانا اكلت معاها..
    آسر ب استغراب- ليلى مين ..ومن امتى وانت بتفطر من غيرى. 
    حسام- ليلى دى بنت جايه تساعدنى ف شغل البيت وكده...وانا فطرت هناك النهارده لانها اصرت ع كده ...والصراحه صعبت عليا انها تعبت فيه وانا اخليها ترميه ..ف عشان كده اكلت هناك..المره الجايه هاكل معاك يااعم..متزعلش..
    آسر- لا ده انت تعزمنى ع الغدا عندك النهارده..
    حسام- هههههه حااضر ..يلا بقى نشوف الشغل..
    
                          
    ف بيت حساام))
    
                          
    لو سمحتوا قولوا رأيكو وادعمونى..عشان انزل بارت جديد النهارده..🙏🥺
    
                          
    #بقلمى 
    #دنيا سلامه 💙🦋
    خادمتى ولكن ...💙حيث تعيش القصص. اكتشف الآن