خادمتى ولكن ...💙

#3🦋

ف بيت حساام))
ليلى دخلت قوضة حسام عشان تنضفها...وخلصت وهي خارجه لمحت صورة ليه...ف أخدتها وفضلت تتأمل فيها..
ليلى- قد اي انت ملامحك بريئه..شكلك حلو اوى..ولا لون عيونك يالهوى ع جمالهم...اي إللى انا بقوله ده ..
تليفونها رن..
ليلى- الو ..
نورهان- الوحشه إللى مبتسألش..ولا كأن ليها صاحبه تفتكرها...
ليلى- حبيبتى يا نونو.. والله بس عشان مشغوله بقالى يومين ...ف بيت جديد..
نورهان- ربنا يعينك...الناس هناك بيعملوكى حلو..لو حد بيدايقك عرفينى وانا اجى اخدلك حقك واعضهملك....
ليلى بضحك- لا محدش بيدايقنى...انا اصلا بشتغل عند واحد قاعد لوحده..شاب صغير كده ..
نورهان- حلو يابت يا ليلى.. متجوز ولا لا ..عنده كام سنه...بيشتغل اي ...قولى كل حاجه بالتفصيل..
ليلى- هههههه اه ياستى حلو ...بقولك عايش لوحده ف اكيد مش متجوز..عنده شركه هو وصاحبه....بس عسل اوى يا نونو..
نورهان - ياسلام ياسلام..شكل الجميل وقع ولا حد سمى عليه 😉
ليلى- هااا...لا طبعا مفيش الكلام ده ...هو فين وانا فين..انا جايه هنا عشان اشتغل وبس ..
نورهان - عندك حق...شوفتى إللى حصلى النهارده ...عملت حادثه واحد خبطنى ب عربيته بس انما اي ...مز اوى ياابت يا ليلى..
ليلى- طب انتى كويسه ..فيكى حاجه طيب ..طمنينى عنك
نورهان- اه كويسه...بس هموت من كتر التفكير...
ليلى- ليه اي حصل..
نورهان- الراجل إللى خبطنى ب العربيه ده ...عرض عليا انى اروح اشتغل عند والده كأنى ممرضه...وهو هيدفعلى كل إللى انا عايزاه وهيتكفل ب علاج امى...
ليلى- وافقى يانورهان. انتى شقيتى وتعبتى كتير ..متضيعيش الفرصه دى من ايدك...يمكن متتكررش تانى...
نورهان- مش عارفه يا ليلى..بجد تايهه اوى ...خايفه اوافق اخسر كتير ...و ف نفس الوقت عايزه مضيعش الفرصه دى زي ماابتقولى...
ليلى- وافقى يا نور ...وسبيها ع الله...وان شاء الله ربنا هيكرمك
نورهان- ماشى...هكلمه واقوله ان انا موافقه...واللى ف الخير يقدمه ربنا.
ليلى- ماشى يااحبيبتى....انا هقفل بقى معاكى...عشان اروح
نورهان - ماشى...بس ابقى افتكرنا يا رمضان.. بااي
ليلى- هههههههه حاضر....باااي

ليلى خلصت كل إللى وراها ف البيت وجات تفتح الباب عشان تخرج...مفتحش !!
ليلى- ياادى النيله..برده نسى وقفل عليا ب المفتاح..اعمل انا اي دلوقتى ياربى ...يعنى يا رب يوم مااشتغل...اشتغل عند واحد عنده زهايمر...
دخلت ليلى وفضلت قاعده كتير ...وهي بتخاف تقعد لوحدها ..ف فضلت قاعده تعيط..

عند حساام))
حسام- كده كل حاجه تمام ...وان شاء الله هينجح المشروع ده ..
آسر- أن شاء الله...كفايه بقى شغل لحد كده ويلا عشان تعزمنى ع الغدا
حسام- ههههه ماشى يااعم....يلا بينا
آسر وهو خارج تليفونه رن ..
آسر- الو
نورهان- انا عايزه اقابل حضرتك دلوقتى ف ****
آسر- انتى مين بس الاول..
نورهان- انا إللى انت اتزفت خبطها ب عربيتك
آسر- عرفتك....بس من طولة لسانك اتأكدت انك انتى..
نورهان- أنا مستنياك ف المكان إللى قولتلك عليه...انا هناك دلوقتى ..ياريت متتأخرش.
آسر- والله دى بقى براحتى. سلام ياقطه...وقفل ف وشها
نورهان- قفل ف وشى 😳و الله واحد قليل الادب..اما يجى و الله ل اعرفه قلة ادبه دي ..

آسر- بقولك يا صاحبي..انا مش هعرف اجى معاك
حسام- ليه ..ف حاجه حصلت

آسر- لا مفيش...بس موضوع كده هبقى احكيلك عليه بعدين ...يلا سلام
حسام- ابقى كلمنى ...سلام

حسام فضل يلف ب العربيه كتيررر ومروحش غير بليل ..

عند ليلى))
ليلى - انا هقوم اعمله اكل لحد ماايجى..و ف نفس الوقت اسلى نفسى..
قامت وعملت الاكل وبعد كده خرجت ...هدومه اتبهدلت جاامد
ف دخلت قوضة حسام يمكن تلاقى فيها حاجه تلبسها..
ليلى- اوووف مفيش حاجه خالص
اخدت قميص من بتوعه..وراحت غسلت هدومها ..

ليلى- انا هغسل الهدوم دى وادخل اخد دش ..والبس قميصه ده ..لحد ماالهدوم تنشف..ياالهوى طب لو حسام جيه وشافنى كده اعمل اي ...اه صحيح ده مش بيجى بدرى وعلى ماايجى هتكون الهدوم نشفت..
ليلى دخلت عشان تاخد دش ولبست القميص بتاعه وفردت شعرها ...وكان شكلها حلو جدا

حسام تعب من اللف ف قرر انه يروح..
حسام - اي ده انا قفلت عليها تانى..زمانها برده فضلت تعيط ونامت ع الأرض..
حسام دخل بسرعه يدور عليها ..عينه وقعت عليها وهي خارجه من الحمام ...لسانه وقف عن الكلام
ليلى محستش بوجوده ف وهي ماشيه خبطت فيه ف هو لحقها ب ايده وبقت ف حضنه..
حسام كان ف حالة ذهول من جمالها...كانت عنيه مركزة ع شفايفها...وهي تايهه ف نظراته ومن صدمتها مش قادره تتكلم..مال ع شفايفها وباسها برقه
بعد عنها بصعوبه...
حسام- انا اسف...معرفش انا عملت كده ازاي...ليلى ساامحينى
ليلى- انا إللى اسفه...الغلط مش على حضرتك..عن اذنك انا هروح اغير هدومى عشان امشى
حسام- استنى بس يا ليلى...هتمشى كده ازاي..وكمان الوقت اتأخر .انا هتصل عليهم ف البيت واقولهم انك هتباتى هنا النهارده ..
ليلى- تمام..انا هدخل انام
حسام- ليلى انا اسف...
ليلى- خلاص محصلش حاجه..عن اذنك .
دخلت قوضتها ورمت نفسها ع السرير ...
ليلى- ده باااسنى...انا كنت ف حضنه ...انا بجد مش مصدقه..ياربى اي إللى بيحصل ده
ونامت عشان تهرب من الشعور إللى جواها

حسام مش عارف ينام ..صورتها مش مفارقه خياله ..
نام من كتر التعب ...

نورهان بتفتكر إللى حصل بينها هي وآسر)
فلاش باااك))
آسر راحلها ف المكان إللى قالت عليه
آسر- هااا عايزانى ف اي
نورهان بحرج- انا موافقه ع العرض بتاعك ..بس اهم حاجه علاج امى ..
آسر- ماشى وانا عند وعدى ليكى..
نورهان- تمام ..تحب ابدأ شغل امتى
آسر- ياريت من بكره ..وده العنوان *** تيجى ع الساعه 8 كده...وياريت متتأخريش عشان علاج ابويا بمواعيد..
نورهان-تمام ماشى ..عن اذنك عشان اتأخرت ع امى
آسر- خدى دول مقدم ل شغلك..
نورهان- لا ياباشا مش هاخد حاجه غير لما اشتغل ..اكتر من كده لا ..
آسر- تمام بس انا مكنتش اقصد حاجه
نورهان سابته ومشيت وهو فضل قاعد يفكر ف كلامها ف طريقتها إللى شدته ليها
باااك))
نورهان- ياترى مصيرى معاك اي ...حاسه كده بقلة راحه من ناحية الموضوع ده ..ربنا يسترها بقى ...
ونامت من التعب ...

تانى يوم الصبح ))

مفيش دعم خالص ..انا كده مش هتخلونى اكملها...
قولوا رأيكوا وشجعونى...
🥺🥺🙏

#بقلمى
#دنيا سلامه 💙🦋