خادمتى ولكن ...💙

#4🦋

تانى يوم الصبح))
نورهان صحيت ع صوت المنبه..الساعه7 قامت صلت ولبست عشان تروح عند آسر...
نورهان- صباح الخير يا ماما...انا نازله عايزه حاجه.
والدة نورهان- راحه فين بدرى كده يا نورا...
نورهان- راحه شغلى يا ماما...لقيت شغل كويس جدا...وان شاء الله حالنا هيبقى افضل من كده.
والدة نورهان- ربنا يصلح حالك يا بنتى...انا عارفه ان انا متقله عليكى ..وبشيلك فوق طاقتك...بس والله غصب عنى...سامحينى يابنتى.
نورهان- اي الكلام ده يا ماما...هو انا جيت اشتكتلك...وبعدين انتى امى يعنى انتى تقعدى كده تحطى رجل ع رجل...وانا اجبلك كل حاجه لحد عندك...انت تؤمر بس يا جميل
والدة نورهان - ربنا يخليكى ليا ياحبيبتى ...ويرزقك ب ابن الحلال إللى يعوضك ..
نورهان- عن اذنك بقى ياماما عشان متأخرش..
والدة نورهان- ماشى ياحبيبتى ...خلى بالك من نفسك ..

خرجت نورهان عشان تروح عند آسر...

عند حسام))
ليلى صحيت خرجت جهزت الفطار وخلصت إللى وراها ف الشقه
وكالعاده قعدت تستنى حسام ع ماايصحى..
لقت تليفونها بيرن ... وكان جوز امها(فتحى )
ليلى- نعم ..
فتحى - نعم الله عليكى يااختى...
بقولك اي يابت انتى...متجيش البيت تانى...خليكى قاعده عند المحروس إللى بتشتغلى عنده..الصراحه احنا مستغنيين عنك
ليلى بدموع- ليه ..انا عملت اي ..طب هروح فين..انا معنديش حد اروح عنده ..بالله عليك ماتعملش كده
فتحى- انا قولت إللى عندى..ولو شوفت وشك تانى صدقينى هموتك..
وقفل ف وشها...وهي فضلت تعيط جامد
حسام صحى ع صوتها وهي بتعيط جرى عليها
حسام - ليلى مالك...بتعيطى ليه
ليلى بتعيط ومش بترد..
حسام- ليلى قوليلى ف اي .متقلقنيش عليكى ..اتكلمى ف اي
ليلى بدون مقدمات اترمت ف حضنه وفضلت تعيط....حسام اتصدم من إللى عملته...بس كان من جواه فرحان ..حاوطها ب ايده
وبعد مده ميعرفوش هي قد اي ...
بعدت ليلى عنه ..
ليلى- انا اسفه...
حسام- عادى محصلش حاجه...قوليلى بقى كنتى بتعيطى ليه
ليلى- جوز امى رن عليا من شويه..وقالى مش عايزك تعيشى معانا تانى ولو قربتى عند البيت هيموتنى
حسام- طب اهدى....اعتبرى من النهارده البيت ده بيتك...
ليلى- بس ده مينفعش..
حسام- انا قولت كلمه وخلاص...وانا هجبلك هدوم وهتكفل بكل حاجه تخصك..
ليلى- انا بجد مش عارفه اقولك اي ..شكرا جدا
حسام- متقوليش حاجه..يلا قومى اغسلى وشك...وهاتى الفطار
ليلى- حاضر
قامت ليلى وحسام فضل يبص عليها...افتكر حضنها ...ادايق جدا لما بعدت عنه...نفض كل الأفكار دى من دماغه...وقام عشان يفطر ويروح الشركه..

عند آسر))
آسر صحى ع صوت حد بيخبط ع الباب ..خرج من غير مايلبس التيشرت بتاعه ...وفتح الباب.
نورهان بصدمه- اي ده...انت قليل الادب..ف حد يفتح الباب كده
آسر مفهمش هي تقصد اي ...
آسر- اومال افتحه ازاي يعنى...ماهى كل الناس بتفتح الباب كده
نورهان خدت بالها انه مفهمش..
نورهان- حضرتك خارج من غير ماتلبس تيشرت ولا اي حاجه
آسر- اها ...عادى يعنى فيها اي ...انتى عايزه تفهمينى انك عمرك ماشوفتى راجل كده 😉
نورهان- والله قليل الادب ..
والد آسر صحى ع صوتهم العالى..
والد آسر - ف اي ياآسر بتزعق ليه..ومين دى
آسر- دى ممرضه انا جايبها لحضرتك يا بابا عشان تاخد بالها منك وانا مش موجود
والد آسر - اهلا يابنتى اتفضلى..
نورهان- ازيك يا عمى...انا نورهان
والد آسر - شكلك طيبه وبنت حلال يانورهان
آسر بغمزة- ف اي ياحجوج...انت هتعاكس وانا واقف ولا اي ...
والد آسر بضحك- أعاكس اي بس ..ما خلاص كبرنا وعجزنا
نورهان- ربنا يديك الصحة ياعمى..وبعدين متقولش عجزت دى ...انت لسه شباب وزي القمر ..
والد نورهان- ربنا يخليكى يابنتى ...
آسر- طيب انا هروح اغير هدومى عشان اروح الشركه..
نورهان بصوت واطى - مش لما تبقى تلبس هدوم تبقى تغيرها الاول😏 ...
آسر- سمعتك ع فكرة ...تعالى بقى معايا عشان اعرفك هتعملى اي
خدها من ايدها وراح ع قوضته..
نورهان- اوعي سيب ايدى ....اياك تمسك ايدى تانى انت فاهم
آسر قرب منها لحد ماابقاش ف فاصل بينهم
آسر- انتى عارفه لو صوتك ده على تانى هعمل فيكى اي..
نورهان- هتعمل اي يعنى..
آسر مركز ع شفايفها وبيتكلم..
-هعمل حاجه هتعجبك اووى😉
نورهان- انت قليل الادب ومش محترم..
آسر- بلاش اوريكى قلة أدبى...عشان انتى إللى هتزعلى

نورهان بعدت عنه..
- اتفضل قولى ع الحاجات إللى هعملها..
آسر- تجهزى ل بابا الفطار ...وتديله العلاج بتاعه ف وقته ...وتفضلى قاعده معاه لحد مااجى..
نورهان- تمام عن اذنك
خرجت نورهان من قوضته...وكانت حرفيا مش عارفه تاخد نفسها...
بتحاول تهدى نفسها...
-اهدى يا نور محصلش حاجه...مش هخليه يقرب منى كده تانى..ده انا كنت هموت..
اماهو ف فضل مبتسم ع شكلها وهي بين ايديه ...
آسر- شكلك هتتعبى معايا اوى يانورهان..
قام غير هدومه وخرج عشان يروح الشركه..
آسر- ازيك ياعم حسام...مالك كده شكلك مدايق
حسام- مفيش مخنوق شويه مش اكتر ..
آسر - مخنوق من اي
حسام- فاكر ليلى إللى حكتلك عليها ..
آسر- ايوا..إللى هي بتشتغل عندك دى
حسام- ايوا هي ...جوز امها طردها من البيت ..وهي الصراحه صعبت عليا..ف قولتلها تقعد عندى وانا هتكفل بيها..
آسر- طب وكلام الناس يااصاحبى ...دى مهما ان كان بنت وانت شاب وقاعدين لوحدكوا...ف الناس كده هتفهم غلط ...
حسام- أي ياآسر انت مش واثق فيا ولا اي ..
آسر- لا يا صاحبي طبعا  واثق فيك...وعارف اخلاقك كويس ..وانك عمرك ماتعمل الغلط..بس المشكله ف الناس ...دي مهما ان كان بنت وليها سمعتها ...كده ممكن محدش يقبل يتجوزها..
حسام- عندك حق ...بس برده مينفعش اسيبها تنام ف الشارع ...
انا عندى فكره ..
آسر- اي هي
حسام- انا هتجوزها..بس هيبقى ع الورق وبس ...عشان متبقاش عايشه معايا حرام ...ولو حد اتكلم...هقول انها تبقى مراتى...ولو هي ربنا كرمها وجالها عريس كويس ..هطلقها وتتجوزه وكل ده محدش هيعرف بيه
آسر- مش عارف يا حسام ...هو انا حاسس ان كلامك صح ...وبرده حاسس انه غلط
حسام- انا خلاص اخدت القرار ...لما اروح من الشركه هاخد رايها..
آسر- المهم خلينا ف الشغل دلوقتى..وبعد كده نشوف الموضوع ده ..
حسام- ماشى..

رأيكوا...

#بقلمى
#دنيا سلامه 💙🦋