تملك مشاعر

البارت ٢٨

#رواسي الصبر
#تملك مشاعر ...

السلام عليكم

سمعت صووت عمتي واني احس بطني خبطت اسمع امي تكله اتفضلي ..

شيماء باوعتلي ..وحجت وج عمتج هااي ..
عقجت وجهي ..كعدت عدل بعد ماجنت مدده ..

طبت عمتي وبس شافتني هلهلت ..

كمت اله  طشت عليه جكليت ..

باستني براسي ..بلخير عليكم ييمه من سمعت البارحه ردت اجيج بنص الليل ..كوه صبرت روحي وهسه اجيت ..

تسلمين عمه ..

امي حاجته ..تفضلي يداده اشلون اضلين واكفه ..
باوعتلي عمتي وحجت .انه اريدن مرت ابني الي تكلي تفضلي ..

تفضلي عمه ..البيت بيتج ..

كعدت وانظااره فرح ..

حجت ووجهت كلامه الي ..رجلج مخابره ابو سجى بلليل تدرين بيه نزل الييوم من غبشه ..

طاير من الفرح ماامصدك بيج حامل ..

مارديت عليه ..

امي ردت ..ان شالله لله يحفظه ..

رفعت اديه امهه ..ان شالله بجااه بخت هل البيت واصحابه يلم شملكم بجيه هل الطفل ..

شيماء اجتي قدمت اله مي ..

كالت اله عمته ..بشريني  خلصتي دراسه .

شيماء ..الحمدلله تخرجت عمه .

بلخير عليج عاد همي حيلج لحمل

ضحكت وردت ان شالله عمه كله رزق من ربج ..

كمت من يمهن احس نفسي دايخه لزمت الحايط ..

امي باوعتلي ..عود عيب اكوم غلست لان عمتي بس تحجي بطاريه ..واني اكررههه مو بيدي ..

من شافتني عمتي ..
حجت هاا يروحي شبيج وجهج هيج اصفر ..

كتله حيل تعبانه دوخه ولعباان نفس ..

ضحكت جاا شعبالج هي هاي الحباله نكضيه ..

ابتسمت بوجهه وطلعت لمطبخ...

كعدت حاار كلش زهراء حاجتني كومي منا انتي اشلونج ومنا حر راح تنحمسين ..

باوعت يم البراد علاليك كومه ..عرفته عمتي جايبه ويااه مسواك ..

توني اريد ارجع وسمعت باب الشارع انفتح وجابر يحجي ويااهم اتفضلوو اتفضلو ..

ابوي ماموجود ..واخواني بلشغل..

زهراء باوعت من الشباك حجت ..ياا ولج هذا مرتضى ويااه اخوه وصلاح ..

احس نفسي انكرصت من سمعت بيه اهنا ..

كمت بسرعه لغرفتي ..امي شافتني ..اركض ..

حجت شبيج يمه ..

مارديت عليه ..دخلت لغرفتي واني دموعي تنزل ..مو اشتيااق بس متاسفه عله اخويه مدخله لبيتنه ..وبكل عين صلفه يدخل وشي طبيعي ..