تملك مشاعر

البارت٢٤

#رواسي الصبر
#تملك مشاعر ..
..

السلام عليكم ...تصوويت

اريدك فقط في نظري رجلا حنونا عطوفاا ..

لا اريد منك حباا نابعاا من قلبك فقد اريد منك صداقه ..حبااا لايفارق بسمه شفااك ....

دموعي نزلت وخر البطانيه عني مسحت ادموعي ..

كعدت ونزلت رجليه من الجربايه انطيته ظهري ..

ضحك وحجه ..ترى ادموعج بعد ماتنفع لو بيه نفع جان من البارحه سووت الج حل ..

مسحت خشمي ..ماحجيت ويااه ..لميت شعري .جرني من شعري ..

صحت اخخخ بصوت ..شبيكك هيج تصرف ترى اني بشر ..

زم حلكه وعيوونه بس صافنه عليه ..
منو كال انتن بشر .المره مثل الحيوانه ..شوكت مانريدجن تجنه  ..انتن ..

داخلي منكسر معالم وجهي كلهه معفوسه حجيت ويااه بصوت ناصي بس اعلي صوتي ادموعي تغدرني ::-

اني حيوانه موو ..بس ماشايفه بشر مثلك يتقرب من حيوان ..

دفعني بقوه عله الكنتور عطتت ..كااافي انته شبيك اتصرف ويااي عدل ..

بت النعل ..
احترم نفسك لاتسب ابووي فااهم رفعت اصبعي بتهديد اله ..

ضحك بصووت وانطاني ظهره ..
حيلي يرجف  ..باوع عليه مااحس الا راجداي منهه من صدمتي ماحسيت بحراره الراجدي ..

استوعبت ضربته واني عطت بكل صوتي ...ابن النعل تضربني لله لاينطيك ..

جرني من ثوبي اريد افلت ادينه حجمي ويه حجمه فرق شاسع ..

شجابني عله ثور ..

رص اسنونه هل المره سمعتج غلطتي عليه المره الجايه اطلعلج لنجف بتابووت فاهمه ..يحجي ووجهه قريب من وجهي ..
اني بس فاتحه اعيوني وكاطعه النفس ..
فاهمه لوو افهمج بعد ..
حركت راسي اله .اي ..تعبت ..حيلي يرجف..

دفعني بقوه بيده وطلع من الغرفه ..

ضليت عله وكفتي ارجف كلي داخلي يصرخ ..

سرسح ظهري بهدوء ..كعدت بلكااع بعد مااكدر اتحمل يومين عيشني بيهن بجحيم ..

عطت بصووتي وقهري اريد ارتااح :-وج يماا اريدج وينج تعاليلي ..يمه ..

احس تعبت مااكدر ماعندي اي حيل يحمل تصرفااته ..

ركع باب الغرفه حيل بيده ..صااح تلصمين لو اجيج ..

باوعتله بعيوني تدمع حجيت وشفايفي ترجف :-شعدك اخذتني طلكني ماتريدني طلكني عطتت بوجهه ..

لا ولله اطلكج ليش ياابه هسه انتي وفيتي نص الفلوس الدافعه بيج ..

اشر بيده بيت ومهر وعرس وتريدني اطلكج رفع حاجبه واخذ يمسح عله شورابه ..هسه اني شفت منج علمود امل بس صوتج وعياطج كلشي ماامحصل ..