أسوأ تبهديلة صراتلي فالبحر 🐸 خطرة رحت للبحر مع دارنا كي العادة سطالينا و ڨاع منبعد رحت نعوم كيفي كيف الناس 🏊و كان البحر هذاك النهار مهول الموجة تخبط 😐المهم كي كملت عمت انا خارجة و نلقا 3 ليجان واقفين عند الشط واش نحكيلكم على السمورية 😍و اللحية المطراسية 😍و الكور المخدوم 😘ليسونسيال بقلاوات 😌كي شفتهم يخزرو لعبتها ما نحلبش و خارجة نتكسل و الريح يدي و يجيب في شعري 🚶شغل فيلم هندو خصو غير لي يشطحو مورايا 💁المهم انا خارجة نتزعبل و تجيني موجة من حيث لا ادري 🌊ضربتني طيحتني و زادت كورتني مين نشوف في روحي نلقا غير رجليا فالسما و شعري مشنشف 😕معليناش لعبتها ما علاباليش كملت راني خارجة و تزيد تجي موجة وحدخرا 🌊و ها الرب هاه زادت كورتني جيت نوض شديت فالراجل لقيتو قدامي و ماشي بلعاني نحيتلو الشورط تاعو و هو يسب فيا 😫منين ندور نلقا هدوك ليجان مرغين في لرض بالضحك 😐يا ليتني كنت رفعة شمة 🐸المهم رفدت روحي و قلعت نجري للپاراسول تحبيت ما زدتش خرجت حتى وين راحو 😏و هذاك السيد مين يشوفني يبعد عليا و يستغفر
VOUS LISEZ
🐸حبة فراز عايشة الاز 🍓
Humorالكوفيد والفيد احمودة اخيي😒 فتحت قروب لفاغازاتي نقصرو شوية❤️ او تاني ندعمو بنات بلادي علاش لالا انا نحب نعاونكم 😊 ارواحو نشايخو كيف كيف غير الضحك