منك بالصح راكي تبكي علاجالو !!سهرانة الليل تندبي .. شوفيه اونلين تتوجعي تقولي علاه ماراهش يحكي معايا !!تستنايه برك يعيطلك ولا يبعثلك ميساج ..و لوكان يبعثلك برك سلام رح طيري فالسما مالفرحة !!لهاذ الدرجة معلقة مورالك بيه هو برك !!قولي لي برك : واش يكون هو باه ديري كااامل هاذ الشي علاجالو !باباك .. خوك .. راجلك ؟؟؛شوفي لحالتك وين وصلتي علاجال علاقة بنيت على الحرام !!الهالات السوداء اللي تحت عينيك المذبالين !! الوجعة اللي فقلبك !! بحة صوتك ! نفسيتك تعبانة .. كارهة !!هذا كاااامل .. علاجال واااش !علاجال : واحد مشيتي معاه فالحرام .. و كي عيا منك .. جبد روحو عليك و راح يعيش حياتو .. و بقيتي نتي أسيرة ذكرياتكم .. تتفكري كل كلمة و كل وعد و كل حاجة ..من نيتك تقولي لي : أنا بلا بيه نموت !!يا بنتي ماتموتي ماوالو ..راااح .. الباب يفوت جمل .. ربي يساهل ..ماتبقايش تدعي عليه . بلا بلا .. صدقيني ربي رح يجيبلك حقك عااجلا غير آجل .. وكلي أمورك ليه وحدو سبحانو 💚💙تعيييشي ريحي مع نفسك و خمي مليييح مع روحك .. و شو في للحالة اللي راكي واصلتلها علاجال سبب تافه . علاجال حاجة ماتستاهلش .. لازم عقلك الباطن يستوعب أنو حاااجة ماتستاهل تستنزفي كل دموووعك ..و بعدها نوووضي امسحي دموعك .. انفضي الرماد اللي علق بيك .. شو في وجهك فالمراية .. و قولي لنفسك أنا قوية و حاجة ماتضعفني ..و ابتسمي هاذيك الابتسامة الحلوة ..(( يا عمري يا عمري و كييي شابة كي تضحكي ❤ ))ابداي بداية جديدة .. اتصالحي مع نفسك .. خلي عندك مبادئ ثابتة .. ماترضايش لروحك ولا لعايلتك أنك تذليهم ..انت غالية على ربي سبحانو .. و رح يفرح بيك و برجوعك و توبتك ..اتفكري دايما : المؤمن القوي خير و أحب إلى الله من المؤمن الضعيف ..اطلبي العون منو ..و واصلي طريقك .. اقراي .. اتعلمي حاجات جدد .. اتثقفي فمجالات بزاف ..ماتخليش الفيس يتحكم فيه .. مديلو وقت قصير برك ..و استعمليه فحاجة تنفعي بيها الناس و تدي أجر عليها ..الحياة هاذي نعيشوها خطرة وحدة برك .. الوغ ماتضيعيهاش ببحاجات يضروك كتر ماللي ينفعوكخليكي شادة في ربي سبحانو .. و صدقيييني جااامي يخذلك ❤و دااايما نقولك : ماذا فقد من وجد الله ❤و اتأكدي أنو : رح يجي نهاااار و يعوضك على كلش ..و يرزقك بالانسان اللي يستاهلك .. و يصونك .. و ياخذ بيدك إلى الجنةربي يفرحك و يسعدك و يرزقك سعادة الدارين ياااا ربو ماتنساينيييش من دعوتك ❤
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
