🐸حبة فراز عايشة الاز 🍓

كرونيك**اغتصبني قدورجارنا

نتوما بغيتو واحد يشنف ويهز روحو ميريبونديش على للي جا .. سوغتو هادوك ليكونت الجدد ؟ .. تبيغو واحد يحط بارت مرة فشهر ميريبونديش على ليكومونتار او زيد ميحبش لي ينتقدو

امم لبنات سيلفوبلي انا منيش رح نحط لانو عيانة = شهر مبانتش باسكو كانت تبحر من بلاصة لبلاصة ولا كانت تدور فالانستا وجايبتها خرجات

بغيتو ليكرونيك لي يهدرو على ليلة العرس بتفصيل تبيغيو فلان اغتصب فلانة ابري تزوجو .. تبغيوو +18 او يقراوهم جماعة 13 و 12 سنة .. هادوك تضربو طلة عليهم تلقاوهم اكثر من عشر الاف فوط

اذا هك قولولي نبدل العقلية بسك مم هاذا يساعدني نورمال نربح راحتي ., ياو عادي مايهمش نكتبلكم كرونيك في سمانة فيها كل مايخص امور الزواج هههههه

ابسط مثال

اغتصبها زعما منبعد تزوجو وتحكي على تفاصيل حياتها ضربها راجلها مرمدها (البطلة ديما تكون تشف وتغيض وزينها يفتق لاطاي حوتشة والرجال ميتين عليها) او جاب صحبتو فوت معاها ليلة ايييه منبعد تلقا روحها حامل اووب بعد 9 شهر تسريع الاحداث جابت طفلة وراجلها فرح بيها ولا يتقرب منها ورجعو كاي زوجين

علاش متديروش لبطلة زينها عادي نيفها كبير شعرها حرش وتديرلو زيت زيتون يااك عاااادي كامل عندنا عيوووب علاش ديما لازم تكون بيضة شواربها غوز منفخين شعرهاا طوييييل شفارتيها طوال عينين مجبودين بفففف راكم تخليو فلبنات يكرهو رواحهم يبغوو يكونو كييفها

البطل جسمو تاع واحد حدايدي عينين خوضر شهامة وهيبة وطول وزييين كامل تعشقوفيه لكن مع الاسف لبنات هو نتاع كاباري كل يوم مع وحدة

علاش الرجال قع ولاو هك ؟ ياااو فيقي يااا لي حاسبة روحك كاتبة كاينين بنات راهم يحلموو يعيشو حكاية كيف هاذي ويتقابلو مع راجل هك

الصلاة قليل وين تتذكر فكاش حكايى

بغصن منيش نقول بلي حكاياتي طوووب نووو انا حكاياتي مننصحش يقراوهم كامل مذابيا كامل يكوونوو كبار

عنجد وااو كرووونيك هااايلة الكاتبة يعطيك لالصحة دينا عبرة من الكروونيك وتعلمنا كيفش نجوزو ليلة العرس .. تعلمنا كيفاش نخدعو رجالتنا .. تعلمنا الفسق والدعارة

كي تشوفو فتعليقات تلقاو اغلب لبنات ميتييين بسعادة " يا فلانة يعطيك الصحة كروو فلقمة " ,. "يافلانة متطوليش علينا وتحطي بارت احكيلنا بتفصيل كثر " .. "يافلانة الكرو عجبتني قراااف " يفلانة وينك حطيييلنا بارت

حرت علابالكم ههههههه

كملو هكذااا بغاااااافووووووو

لي بغات تربح ليزابوني ونسبة القراءة عالية احكيلهم على هاد لي سوجي وشكرا .. كل مايخص الحب +الاغتصاب+الخيانة+وحوايج منقدرش نقولهم راكم رح تربحوووو بزااااف صدقوني

بون كوغاج ليكم

ان شاء الله يلحقك الميساج