للكاتب"سيف القماطي "
الحلقة﴿7﴾
علي شاب حساس هلبا ومشاعره يغلبوا فيه دايما 🥺🥺 ابيض وطويل عمره 20 عام انداد صفاء
نزار: يارب شن بيرفعني للجامعة اليوم معنديش نية، لكن محاضرة اليوم مهمة....
عائشة : طق طق نوض نزار هيا!!
نزار: نايض نايض
عائشة: الفطور واتي في المطبخ تبي اي شيء كلمني
نزار: باهي صحيتي.......
عائشة: ربي يحفظك ويطول بعمرك 🥰🥰
نزار: وعمرك ياامي ❤
فطر وطلع بالسيارة..........
في دفعة جديدة واصلة للجامعة ومنهم صفاء ❤
نزار: هيا بسرعة تعطلت في الطريق بعد ماحصلت في الشيباني، هيا توا المهم حصلت اجر عند ربي 🙂
الدكتور: بسرعة بسرعة وقت ياطالب!!
نزار: اسف اسف 🙄
الدكتور يشرح ونزار منتبه معاه..............
بعد المحاضرة.......... نهاية الدوام
نزار: يحك في عيونه 😕 يشبح صفاء واقفة مع صديقاتها الجدد
وقفت الدنيا كلها وسمع صوت قلبه يدق 🥰❤🥺 دق دق
صديقاتها: صفاء شوي الولد هذكا!
صفاء لفت وسحراته بعيونها...........
نزار: ☺️❤ شنو هذا، هذا ملاك ولا شنوو؟؟!
صفاء: اه خلوه معاش تشبحوله.... 😊😊
نزار: ضروري انكلمها هاذي....... خلاص قلبي بيطلع من مكانه 💘💘
نزار: شوره يوم مبارك ومع ان قبل منبيش انجي!!
مشي جنبها من دون مايشعر!!!
نزار: اهلين بيكم دفعة جديدة صح
صفاء: هااي
نزار: 🤤🤤 هااي بيك، قصدي هلا بيك! 🤣
صفاء بصوت هادئ: ههه اي دفعة جديدة
نزار: الله صوتها هادئ هلبا وناعم ❤❤❤
باهي ان شاءالله بالتوفيق، تبي اي شيء في الخدمة عادي
صفاء: لا لا شكرا ☺️☺️
صديقاتها في سرهن: يشبح لي صفاء بس ياولد معاها حتى احني مش بروحها 😖😖😖😖
نزار: يكلم فيها وقلبه يدق والصمت حل بيهم 🥺🥺
صفاء: هذا اول واحد اندخله في الشبكة متعتي........ 😱
نزار: ووو اتهبل البنت خدلتي عقلي، انغرمت فيها طول 💘💘 ان شاءالله مش مخطوبة او اتحب حد؟!
ان شاءالله..... 🤲🤲🤲☺️
علي ولد خالة صفاء
علي: ضروري نعترف لصفاء بحبي ليها انحبها موت ومستعد اموت عليها.........
لكن مرات مااتوافق لا لا اتوافق علاش لا لا 😬😬
صفاء: علق الشاب هذكا وتوا مزال بيكلمني، لكن مش بالساهل الكلام معاي!!
_________________________________________
♠روايات القماطي ♠
نزار: ضروري نخطبها اندير لقطة اي شيء
امجد: نزار نزار انكلم فيك رد علياا
نزار: اه اه انعم 😕😕😕
امجد: انكلم فيك شارد شن في؟؟
نزار: لا لا مافي شيء
امجد: غير قولي شن في احني مااندسوا في شيء على بعض!
نزار: اي اي عارف 🙃🙃
امجد: باهي قولي خوي في شنو يفكر
نزار: اليوم شفت بنت في الجامعة من جماعة الدفعة الجديدة سنة اولى جامعة.......
آمجد: اي كمل 😕😕😕
نزار: انغرمت بيها طول وحسيت بقلبي لما ينبض ❤
آمجد: هذا الحب 💘💘
نزار: 😀😀 ماشاء الله فالح يفهم في الحب!!
آمجد: واني اكبر منك قاعد مادرت علاقات ولاحبيت في عمري.......
نزار: اسكت اسكت ماحبيت في عمرك!!
امجد: خيرك!؟؟
نزار: تذكر زمان ايامات ريهام والرسائل والورد الاحمر
امجد: اه اه اي هههههه اي نذكر لكن خائنة طلعت
نزار: اي نذكر لما كشفتها على حقيقتهااا
امجد: اي والمشكلة حبيتها بكل قلبي وهيا خدلتني ومعاش حبيت بعدها بكل!!
نزار: اي ربي يزرقك ويهديك ... 🤲🤲🤲
نزار اني اول حب الحمد لله وان شاءالله ماتطلع زي ريهام...... لا لا ان شاءالله لا 😖😖
امجد: ان شاءالله ربي يجمعكم مع بعض...
نزار: اميين يارب 💖💖💖
امجد: معندهاش اخت اكبر منها نضملي اموري كان عندها 😀😀😀😀😀
نزار: 🤦♂️🤦♂️🤦♂️🤦♂️ ياربي بس، مش هكي ضروري انت تشبحها وبعدين قلبك ينبض والجو هذا مش شوفلي كيف بتحبها بعدين؟!!!
امجد: انبصر عليك اهو يفهم ويعطي حتى في دروس، اول مرة رااك اتصدق روحك 🤣
نزار 🤨🤨🤨 باهي........
امجد: بصارة خيرك
نزار: 🤣🤣🤣 عارف
امجد: حقا شن اسمها؟؟!
نزار: مش عارف ماسالتها ، توا نعرف عليها كل شيء 💘
امجد: باهي ومرة تانية ان شاءالله ربي يجمعكم مع بعض كان من نصيبك .......
نزار: اميين 🤲❤
_________________________________________
♠♠سيف القماطي ♠♠
صديقات صفاء:كان شفتي امكبري لما اتكلمي فيه انتي تتكلمي وهو دايب
صفاء:☺️☺️☺️ اي شفته
صديقاتها:حتى هو طرف!!
صفاء: اي اي
صديقاتها:اكيدة عنده صحاب بالك انحصلوا كبيدة في جرتك!
صفاء:اي عادي ان شاءالله اتحصلي
امين 🤲😕🤦♂️
صفاء:هو حلوو بس مزال في احلا منه!!
صديقاتها:اي حقا ولد خالتك علي يهبل!😊😊
صفاء:اشقر طالع لامه.........انحس فيه يحبني
صديقاتها:اه هكي هلبا خليلنا عاد........🤦♀️🤦♀️🤦♀️
صفاء:🤦♀️واحد بس رح ياخدي مش كلهم ياهبلات 😀
صديقاتها:اي عارفين........لكن كان تاخدي علي صغاركم يجيوا يهبلوا وكيوت 💖💖
صفاء:اي المهم اني انحبه بس هذا اللي يهمني
اي اي معاك حق ❤❤❤
صفاء:وحق ربي بنلعبكم على صبعي كلكم 😖😖😖
نزار:هيا نرقد غذوة بنوض بكري.........
بوه:غربية علاش قبل ترقد تالي؟؟!
نزار:ماهو 🙋♂️🙋♂️😳🤫🤫 لا لا شيء شيء
بوه:اي اي غير قول؟؟!.
نزار:لا لا غير تاعب ونايض اليوم بكري
بوه:تماام تصبح على خير
نزار:تصبحوا على خير جميعاا
عائشة:اتقول تلبك صح?!
بوه:اي اي صح ابصر خيره 🥺🥺🥺🥺
عائشة:اكيدة بدي يحب 😻
بوه:زعمااا
عائشة:اي اي اكيدة من الاسلوب متعته ☺️☺️☺️☺️
بوه:ان شاءالله ربي يزرقه ببنت الحلال اللي اتسر خاطره ❤❤
عائشة:اي ان شاءالله 🤲🤲
نزار:يفكر فيها وبس،معقولة يوم واحد ودرات فيها هكي هذه ساحرة قلوب شورهاا.....هيا خلاص ارقد
هيا ضروري نعرف عليها كل شيء 😳😳
نزار:بديت انهذرز مع روحي زي المريض.......
🤦♂️🤣🤣🤣🤣🤣🤣🤣🤣🤣
آمجد:خوته من المراة التانية شياطين هلباا.......
امجد:ضروري نمشي انزور امي معاش شفتها ليا اسبوع، غذوة نمشي مع الصبح 😣😣😣 مسكينة ياريتها القت منو ينصحها ويكلمها
ياريت 😭😭😭
الصبح 🌤🌤
نزار:وينها اليوم اتقول غايبة........ان شاءالله جت منقدرش نسأل حد جت او لا؟
نزار:هيا كان جت توا نشوفها 💘💘💘
صفاء تتناقش هيا والدكتورة.....
الدكتورة: قتلت اللقطة معاش اتعوديهاا،انتم جدد عليها الجامعة وقعدين مش عارفين النظام،كان طالبة تانية راهو شفتي شن درتلك
صفاء:😭😭 اسفة منعرفش القوانين والانظمة اللي هنايا.....
الدكتورة:اي اي عارفة،خلاص تمام توا
صفاء:تمام شكرا.......
نزار:شن صار زعماا.........
نزار لصفاء:
نزار:خيرها معاك الدكتورة؟؟!
صفاء:لا لا شيء مجرد موقف بسيط ❤
نزار:احكلي عادي
صفاء:لا هى حاجة تافهه ☺️☺️☺️
نزار:تماام على راحتك نبي نسالك سؤال ؟؟
صفاء:اتفضل........
نزار يكلم فيها ودايب فيها 🥺💘
نزار: مخطوبة انتي؟؟
صفاء:علاش السؤال هذا!؟
نزار:غير نبي نعرف؛لا لا مش مخطوبة مافيش خاتم 💍 في يدي......
نزار:اي اي صح...........الحمد لله مش مخطوبة معناها مرات تصدف ليااا يارب من نصيبي ☺️💘❤
صفاء:توا باي تبي اي شيء اتفضل
نزار:اي اي تماام ☺️☺️☺️
يارب شنو هذا دخت 🤤🤤🤤🤤🤤 حقا ماقتلها شن اسمك..........اكيدة اسمها حلو زيها 🤦♂️🤦♂️🤦♂️.......يتبع ❤❤❤
أنت تقرأ
أولاد العم
Diversosرواية ليبية 🇱🇾🇱🇾 للكاتب:-- سيف القماطي رواية من روايات سيف القماطي رواية هذه رح اتكون مختلفة على باقي الروايات متعاتي، يعني فكرة جديدة وحوار جديد ومختلف...... انتظروا الرواية قريباااا سيف القماطي
