"المقدّمة"
فوق المبنى العالي واقفة هي وخوها الصغير بحداها وفي ايدها شنطة سفر
قدمت من السور الواطي الموجود للحماية من وقوع الصغار
شبحة لخوها الصغير بعيونها الي معبيات دموع"مارت"شبحلها مارت بعد مشبح للمكان الي هوا فيه بنظرة براءة واستغراب..سمر"شن رايك نمشو لماما وبابا"..شبحلها مارت بفرحة"ايه لكن كيف بنمشولهم"سمر شبحت لوطا وين مافي السيارات تجري بعدين قامت راسها فوق وغمضت عيونها"بنطيرولهم"...فتحت عيونها حطت رجلها ع السور وهي خايفة..لكن تشجعت لما اتفكرت انها معش عندها حد في الدنيا..لا اب ولا ام يحموها ويسندوها..تشجعت لما تفكر ان عيلتها او الي تحسابهم عيلتها والي تحسابها اختها تخلت عليها ..لما المراء الي تحسابها رح تسندها في لحظات زي هادي تخلت عليها هي وخوها ..فتحت عيونها واستقامة بطولها ع السور..تلفتت لخوها ومدتله ايدها"مارت هي اوقف بحداي"شد في ايدها ووقف بحداها وطلق ايدها "شوف فوق وين مافي ماما وبابا توا حني بنمشولهم..بنقدموا شوية القدام بش نولوا بحداهم"شبحلها مارت ببراءة"لكن كان قدمنا مرات نطيحوا مش حنطيروا"شبحتله سمر وضحكت"لا كان قدمنا بنطيروا زي سوبرمان ونمشولهم" ...مارت "بالحق"سمر شبحتله وهزت راسها بابتسامة..فتحت يديها وقامت راسها وغمضت عيونها ومارت دار زيها..قدمت بشوية بشوية لين رجلها ولت في الهواء وفي تانية تفكرت الي صارلها كلة
الفصل الأول؛
•قبل أسبوع•
في الطيارة الجاية من امريكا لليبيا
نزلت سمر بعد ما تمت وراقيها وجايا تستنا في شنطتهاً
واقفة سمر بعد مخدت شنطتها وحطتها بحداها وتستنى في الشنطة التانية...شبحت بحداها لقت في ولد وقف بحداها ماعدلتش علية...وقف بحداها وحط شنطة الي زي شنطتها بحداها وقدم يستني في شنطة التانية حتى هوا...بعد ما سمر خدت شنطتها جت بتاخد الاولى خدتها ومشت..وماتندريش علي روحها انها خدت شنطة الولد الي بحداها مش شنطتها...
سمر اتصلت بـ نور
نور"بنت مرت بوها وهيا توا جايا بتروح بيها تستنا فيها برا":وووووا سمر يا كلبة وصلتي
سمر:هههه بالشوية طرشتيلي ودني
نور:هههه مش طايقني صبر نشوفك كيف موليا بسرعة اطلعيلي
سمر:هههه تمام
وطلعتلها شبحتها من بعيد مشتلها حضنو بعضهم وركبو في سيارة نور وهما يعبروا ع فرحتهم ووصلوا للحوش
خشوا للحوش سلمت علي جميلة"مرا تخدم عندهم ومتعودة عليها من لما كانت صغيرة" وحضنتها لانهم كانو يحبوا بعض
سمر:استحششتكمم للترليوون
نور:حتى اني هلباا
سمر:حقا وين مارت"خوها"وكميلة"مرت بوها"
نور:كميلة مشت تروح بمارت
لميس:اها
علي خشت كميلة ومارت
كميلة:اوو سمر اهلاً"وسلت عليها بالبوسان"الحمدلله ع السلامة
سمر:الله يسلمك"بسعادة"ماارت اهلاً
مارت مبتسم وهوا يشبح لوطا:اهلين
سمر:عرفتني ولا
مارت:اختي سمر
سمر فتحتلة ايديها:يعني ماتبيش تحضن اختك
مارت حضنها وهوا فرحان
وبعد ماسلمو وهدرزو شوية
سمر:بابا وين خلي نمشيلة
نور:في المطعم
لميس:بة تمام بااااي "
وطلعت مشت للمطعم الي فاتحة بوها
خشت وشبحت بوها يتكلم مع واحد من الموظفين وبعدها وقف بروحه..مشتلة من وراه وحطت ايديها علي عيونه..و كمال بوها حط يديه علي يديها وهوا مستغرب مفيش حد يديرلة في الحركة هادي الا بنتة الي ليه سنتين مشبحهاش الا في الصور
سمر:منو اني
كمال بصدمة:بـبنتي
سمر نحت يديها وجت قدّامة
كمال حضنها وهيا حضناتة
كمال شبحلها:الله قداش تغيرتي
سمر ضحكت :للأحسن ولا الاسوء
كمال حضنها تاني:للأحسن اكيد
