❄️أســَـآورألأَمــينْ❄️
❄️A.R❄️
الفصل الرابع؛
سمر:مارت هي اوقف بحداي"شد في ايدها ووقف بحداها وطلق ايدها سمر:شوف فوق وين مافي ماما وبابا توا حني بنمشولهم..بنقدموا شوية القدام بش نولوا بحداهم
شبحلها مارت ببراءة:لكن كان قدمنا مرات نطيحوا مش حنقدروا نطيروا
شبحتله سمر وضحكت:لا كان قدمنا بنطيروا زي سوبرمان ونمشولهم
.مارت :بالحق
سمر شبحتله وهزت راسها بابتسامة..فتحت يديها وقامت راسها وغمضت عيونها ومارت دار زيها..قدمت بشوية بشوية لين رجلها ولت في الهواء وفي التانية الاخيرة مارت شد ايدها
مارت بخوف ويشبح لوطا:لالالالا مانبيش سمر اني خايف متخلينيش
سمر شبحتلها وفي تانية رجعلها عقلها كيف دارت هكي هذا شي محرم كيف فكرت انها تنتحر اصلا ولا وزيادة معاها خوها الي مخشش حتى صف اول..شبحتلة وحضناتة ونزلت من ع الصور بالشوية بعدين حضناتة بقوا وهيا مقعمزا لوطا
سمر تبكي بالعبرة:سسامحني خووي سامحني يامارت ماكنتش علي عقلي كيف فكرت هكي آسفةة
مارت حضنها بقوى وهوا ساكت..وخرت سمر وشدتله وجهه بيديها:ششن رايك توا نمشو من هني
مارت هز راسة..سمر ناضت شدت الشنطة بإيد وبالإيد التانية شدت في ايد مارت وطلعوا من العمارة وولوا للحديقة الي كانوا فيها...كان الوقت ليل وكانت شبة فاضية..مارت كان يلعب بالدرجيحة وهيا مقعمزة تفكر وين بتمشي في الوقت هادا...فكرت فكرت لين خطر عليها جميلة الي تخدم عندهم.
سمر'ايه جميلة كيف نسيتها الحمد لله يارب الحمد لله'خدت التلفون بسرعة واملها ولاّلها..اتصلت بجميلة ماردتش اتصلت المرة التانية ماردتش اتصلت المرة التالتة
•عند جميلة
كانت راقدة والتلفون بحداها
شرين التلفون كان هزاز
راجلها:جميلة تلفونك
وجميلة ماناضتش
شرين المرة الاولى..التانية..التالتة ناض راجلها بشوف مني
راجلها:والله مايتحشمو لزوها من الشغل وماعطوهاش معاشها وتوا ليهم عين يتكلمو"سكر عليها التلفون وسكر التلفون بكل
•عند سمر
اتصلت المكالمة التالتة بعدها لقاتة مقفل
سمر'لالا حتى انتي يعني تخليتي عليا'حطت يديها ع وجها وقعدت تبكي ..جاها مارت نحى يديها ومسحلها دموعها
مارت:علاش تبكي
قعدت تشبحلة سمر وساكتة
مارت قعمز بحداها وحضنها وهيا قعدت تمسح علي شعرة شوية والمطر بدت تبشبش
سمر'اخخ ع حظي'
شدت في ايد خوها والشنطة وناضت كانت في مستشفى قريبة للحديقة خشولها وخشت سمر لمكان زي الكافتيريا قعمزت هيا ومارت
مارت:نبي نرقد
سمر:اتكّى عليا
حط مارت راسةع كتف سمر وخداة النوم..سمر قعدت تمسح ع شعرة'حتتعدب من صغرك اسفة ياخوي مش لاقية حتى مكان ترقد فية'وماحستش بالوقت الا لما جاها موظف قلها لو سمحتي نخلوا في المكان
سمر:مارت حبيبي نوض
مارت فتح عيونة
سمر:تعالى نمشو لمكان نرقدوا فية تمام
مارت:بة
سمر:هي تعالى"وشدت فية ومعاها الشنطة..ركبوا فوق للدور التاني لقت الموظفين يخلوا في المكان وشوفوا في الغرف..لقت غرفة بحداها ولقت مفيش حد مركز عليها..خشت بسرعة وسكرت الباب وحطت الشنطة متع السفر ع الجنب
سمر:مارت توا حني بنرقدوا هني باهي
مارت:بة
سمر:هي بسرعة قبل ميجي الشرطي
مارت:هيي بسرعة بسرعة
ورقد مارت وبحداه سمر وحضناتة وغموا روحهم بش يبان شخص واحد بس الي راقد ..شويا وحست ان الباب نفتح عرفت انة شرطي بعدين تسكر
مارت نحى الشرشاف وهوا يضحك:خدعنا الشرطي
سمر قرصاتة من خشمة وتضحك:لا حنى مخدعناشي حني لعبنا معاه بش نرقدو
مارت:هههه بة خلاص تو نرقد
سمر'اليوم حصلت وين رقد بة وغدوا مش حنقعد كل يوم نرقد بالدرقة في مكان'
