نيران قلبي لاتهدئ

البارت الثالث

آحبگ ب قلب بآع آلگل...
    وآگتفى بگ...

الـبارت الثـالث عشـر 💛

نرجع الاربيل قبل 3 ايام

.. نزلت من. السيارة و ايدي بأيد ناز و الزفه ورانه و هلاهل امي الي سطرتني وشعوري الي مدا اكدر افسره و عِيوني الي ادور حوريه .. طبن البنات للبيت و احنه ضلينه برة و ورة شويه طبينه جوة جنه ما عازمين ناس كومه غير بس طرفنه و طرف العروسه و هاهيه لان ع اساس ابيناتنه فمن دخلت جوة كالت ايليا .. ازاد حوراء صعدت وياك

ازاد .. حووراء لٱ ما صعدت ويايه صعدن ويايه اخوات ناز .. واندار ع اوس .. ما صعدت وياك حوراء
اوس .. لٱ والله اني ويايه بس مرتي و جهالي
.. وانتوا البقيه محد شاف حوراء
الكل .. لٱ ما صعدت ويانه

.. اتعصبت كلش هديت ناز و صحت بيهم .. وينننهة يعنني هااا
امي .. يمه اهدئ جوز ما اجت و بعدهة فووك
ملك .. بس اني ما شفتهة فوك مو ضليت بلبيت ماكو احد جان

.. عفتهة وصعدت فووك ركض فتت لغرفتنه اني وياهة لكيتهة نفس الحاله الي عفتهة بيهة كل الغراض امكسرة  بس لمحت الحلقه جانت ع الميز رحت عليهة لكيت رساله مكتوب بيهة اتمنالك حياة تعيسه كتعاسه حضي

.. انصدمت و شمررت الحلقه بلكاع مشفت اكو شي كزاز حتى اكدر اكسرة لان هي جانت ممقصرة ما بقتلي شي نزلت جووة و بس اريد افرغ اعصابي باحد شفت ملك كدامي صحت بيهة

.. هاااااي بنت خااالتج وينننهة وين  راحتتت اكيددد تعرفين عنهةةة شيي احجييي

رد عليه ازاد بعصبيه .. ايااااد ما اسمحلك اتصيح ع مرتي. هذآ مو مكان شغلك و لٱ دا اتحااسب مجررم سممعتتت

.. ولككك اتعلي صووتك علليه علموددد مرة
رد عليه .. لعددد انت حاليا شدا اسوي مو دا اصيح علينه كلنه علمود مرة لْـۆ اني غلطااان وترة هيه مو بلصياح لحمدلله كلنه عدنه صوت

ملك .. والله والله اقسم برربي ما اعرف عنهة شي
انداريت ع ازاد .. انت تعرررف مكانهة حاجيني وينهة
جاوبني ابرود .. وشمعرفني ابمكانهة اشايفني مثلا

..حاولت اهدي نفسي اخذت شهيق و زفرته وكتله .. ازاد حبيبي كلي مكانهة مراح ااذيهة بس كلي وينهة
ازاد .. شبيك ما اعرف مكانهة لْـۆ اعرف مكانهة اعوفك هيج تتعذب

ام اياد .. يمه هسه انت اصعد ويه مرتك عيب عايفهة هنا ابدلتهة و ان شاء •اللّـہ̣̥ اخوانك يلكون مكانهة

.. جانت يمي مزهريه شمرتهة بلكاع وحجيت بعصبيه  .. يمممه شتحجين انتي همج بس بنت اختج و بنت اختج والله هيه من. ورة بنت اختج طفشت حوراء منه

صاح بيه ابويه .. كاافي اياد اخذتنه بلصاايح مرتك و مهزومه احنه شنووو دا اصيح علينه لْـۆ بيك خيرر جان صيحت ع مرتك و ضبيتهة مو طالعه بنت الليالي ومحد يدري وينهة ويا منو طالعه