𝐓𝐡𝐞 𝐒𝐮𝐧 𝐚𝐧𝐝 𝐭𝐡𝐞 𝐌𝐨𝐨𝐧:𝐰𝐢𝐥𝐥 𝐧𝐞𝐯𝐞𝐫 𝐜𝐨𝐥𝐥𝐢𝐝𝐞...
Ep (2) Unicode version
"ရင်ခုန်သံများ ချုပ်ထိန်းမရ ဖွင့်ပြောရင်သူငြင်းမည်...ကိုယ့်ဘက်ကအကြင်နာတွေ မင်းမသိတော့ ငိုပြီ🎼"
"ဟျောင့် ပေါက်တတ်ကရကွာ!
သီချင်းကိုဘယ်လိုလုပ်ဆိုနေတာလဲ"
လမင်းခန့်နိုင်တစ်ယောက် အားအားရှိဒီသီချင်းတစ်ပုဒ်ကိုပဲ ဖျက်လိုဖျက်ဆီးလုပ်နေတာ မူရင်းတေးသံရှင်ဝိုင်ဝိုင်းသာ ကြားလို့ကတော့ နေရာမှာတင် မူးလဲသွားလောက်တယ်။
"အမှန်တရားက ဒီလိုပဲ ခါးတယ်လေ"
"မင်းဟာကလည်း စစ်မရောက်ခင် မြှားကုန်နေသလိုပဲ
ကြိုးတောင်မကြိုးစားကြည့်ပဲ လက်လျော့ဖို့ကို အရင်လုပ်နေလိုက်"
ရဲမာန်ကတော့ ကျွန်တော့်အတွေးကိုဘယ်သိမှာလဲ။
လူတစ်ယောက်ကို သဘောကျနေတယ်ဆိုပြီး ဖွင့်ပြောဖို့ဆိုတာ
ပြောတော့သာအလွယ်လေး။ နောက်ကွယ်မှာ ကပ်ပါလာမယ့် အကျိုးဆက်တွေက အများကြီး ။
သရဲဘောကြောင်တယ်လို့ ထင်ချင်ထင်ကြလိမ့်မည်။
သို့သော် ကျွန်တော့်ဘက်က အကြောင်းပြချက်မှာ တစ်ခုတည်းရှိသည်။ကျွန်တော် သူ့ကိုမဆုံးရှုံးချင်ပေ။ လူတွေပြောပြောနေကျ စကားတစ်ခွန်း ရှိတယ်မဟုတ်လား။ "သူငယ်ချင်းကနေ ခြေတစ်လှမ်းတိုးရင် ချစ်သူအဖြစ်ကိုအလွယ်တကူရောက်နိုင်ပေမယ့်
ချစ်သူကနေ ခြေတစ်လှမ်းဆုတ်ရင်တော့ သူငယ်ချင်းပြန်မဖြစ်နိုင်တော့ဘူး" ဆိုတာလေ။
"ဟျောင့်တွေ..... ကြားပြီးပြီလား
ဟိုနေ့ကဘောပွဲကိစ္စ အခုထိမပြီးသေးဘူးတဲ့!!!"
စွမ်းထက်တစ်ယောက် ရေးကြီးသုတ်ဖြာနဲ့ အခန်းဝကနေ ပြေးဝင်လာတာ ကျွန်တော်တို့နှစ်ယောက် ပြောနေလက်စ စကားပင်ပြတ်တောက်သွားတော့သည်။
"ဘာဖြစ်ပြန်ပီလဲကွာ ငါတို့majorက ပွဲစကတည်းကရှုံးနေတာပဲကို ဘာကိုမပြီးနိုင်သေးတာလဲ"
"ခွပ်!"
"ဟျောင့် စွမ်းထက် မင်းများနေပြီနော်"
"အဲ့ဒါ ကိုယ့်မေဂျာကိုအကောင်းမပြောလ်ို့ တစ်ချက်ကြွေးလိုက်တာ
နောက်ဆို ဒီထက်ပိုနာမယ်"
VOCÊ ESTÁ LENDO
𝐓𝐡𝐞 𝐒𝐮𝐧 𝐚𝐧𝐝 𝐭𝐡𝐞 𝐌𝐨𝐨𝐧: 𝐰𝐢𝐥𝐥 𝐧𝐞𝐯𝐞𝐫 𝐜𝐨𝐥𝐥𝐢𝐝𝐞 (U+Z)
Romance(Unicode & Zawgyi) မစခင်ကတည်းက ပြီးဆုံးသွားတဲ့ဇာတ်လမ်းတွေဟာ တကယ်ရှိတယ်တဲ့ ဥပမာပြောရရင် မင်းနဲ့ငါ့လိုပေါ့... (Unicode & Zawgyi) မစခင္ကတည္းက ၿပီးဆုံးသြားတဲ့ဇာတ္လမ္းေတြဟာ တကယ္ရွိတယ္တဲ့ ဥပမာေျပာရရင္ မင္းနဲ႕ငါ့လိုေပါ့...
