في منتصف الطريق

البارت العاشر

اهلا احبائي شلونكم انشاء الله بخير❤
ـــــــــــــــــــــــــــــــــــــــــــــــــــــــــــــــــــــــــــــــــــــــــ
تَرتَجفُ أوزانِ الزَمَنِ...
بِكَلمة عابِرة من دونَ قصد...
لاتَحكم علي بِدونْ دليل...
ف دليلي الوحيد هوه حُبك لي...
........................

وبقيت كاعد وياهم شوي وراها كلنلهم راح اروح للمستشفى ومشت عليهم مثل المي من يوصل للريك رجعت للبيت وكلت الرافد كال تره هو سهل وبساع يصدك بقيت تقريبا اسبوع انه على هل حال وكدرت اخليهم يثقون بيه لحد مايوم

رحت للكهوه كالعاده انتضرتهم يجون لهناك والمح مسلم نازل من السياره مالته فات للكهوه

مسلم:السلام عليكم

فقار:وعليكم السلام والرحمه..شو تاخرتو الشباب وين

مسلم:وليد راح الاربيل يتونس هناك واحمد عدهم طلابه

فقار:هاا

بقينه نحجي شوي وجبت الموضوع عود انه احب بنت عمي وعمي ميقبل ينطينياها عاد كال

مسلم:اذا اكلك شي مصدكني

فقار:شنو

مسلم:انه احب بنت عمي وعندي ابن عم بيتهم بغداد اسمه رافد هاذا فد واحد عار وحقنه هم حاط عينه عليه عاد انه كلتله انو انه مغتصبه..وضحك

بلحضته ردت اكوم الزمه من ياخته واطيح بي دك كتل بس بقيت كاعد على اعصابي

فقار:وانت صدك مغتصبه؟

مسلم:هاي شبيك انه صحيح حجيت بس مامعقوله اسوي هيج ويه عرضي بالنهايه هيه بنت عمي بس انه اريد بالديوان من يكعدون اكللهم انه عود نايم وياهه واكيد ينطوه الي حتى يسترون عليه

فقار:بس البنيه راح تنكتل وممكن تموت ومتصير الك

مسلم:لايمعود اني انهي عليه

فقار:هاا

بقيت كاعد ويا شويه وكتله راح ارجع للمستشفى طلعت من الكهوه وصعدت بسيارتي ورحت للبيت اول مدخلت لكيته كاعد بالحديقه ويه امي ويشربون چاي

فقار:ها ابن الخ** كاعد هنا وانه اركض وره طلايبك

رافد:عوف لغوتك كلي شصار

فقار:اتوكل

بينت الفرحه على وجهه كام من الكاع واجه عليه وحضني

رافد:فضلك مانساه الك ابد خويه

فقار بابتسامه:تدلل

ام فقار:ياا يمه على شنهي تتحاضنون ويافضل هاذ يمه

رافد:حجيه شعليج بفضل صبيلي استكان چاي

رحت كعدت يمهم وبست راس امي وكمنه نسولف

.....................
رافد

من بعد كلام فقار فرحت كلش واخيرا راح اخذ فرقان راح اوفي بوعدي الج