_في منتصف الطريق تركتني وانا ابحث عن طرق لأرضيك في
_في منتصف الطريق عبرت عن حبي واكتفيت بل رفض
_في منتصف الطريق يرن قلبي عالناً لأستسلامه لحبك وفجأه توقف الرنين
#الكاتبه_رقيه
قصه واقعيه
اعلن السيد انو اني صرت زوجته وبدت النسوان تهلهل واول مطلع السيد شغلو الديجي وكامن يركصن احس كل الناس الي موجودين فرحانين ماعدى اني اليوم المفروض افرح بي ويه الشخص الاحبه لكن انقلبت الموازين كله واليوم صرت خطيبة لشخص حتى اخربط بأسمه
يمكن هايه نتيجة افعالي الطايشه من اباوع على ماما اشوف بعيونه نضرات الشفقه والحزن ومن اباوع على حنان اشوف بعيونه نضرات تكسر الكلب لان حنان تعرف بحالتي انو اليوم بل نسبه الي يوم تعييس جداا اشوف واسمع البنات يحسدني على هه خطيبي الجديد لكن اني بودي انطي الهن اكلللهن هاجن اخذنه ماريده
شوي وكالو لبسو راح يدخل العريس يلبسه الذهب وجان يدخل عليه بأناقته سلم على امه وباس راسه وامي واجه يمي قبل لايكعد باس راسي
بقه كاعد شويه وبعدين جابو الذهب لبسنيا ويه كل طخه منه جسمي يكزبر ويضل يرجف بهذيج الحضه ماعرف شلون اوصف شعوري خوف توتر خذلان شعور مستحيل اوصف لكن كلشي توقف بل نسبه اليه واني اشوف زوجته جايه عليه بنضراات جدااا مستفزه وجايه تباركلي بلحضته وبدون سابق انذار دفعته دفعه قويه
احمم احمم برأيكم منو بطلنه الجديد وشنو صار لما فطوم دفعة اسيل البغله🙂😂
