البوب ❤

حلقة 25

💋
رواية #البوب

#الحلقة_25

محمود .. قعد مصدوم من يلي سمعه من مودة... ونورا جنبه تدوي  معاه  هو مش مركز بكل معاها  اتمني ان يقدر يمشيلها  وقعد يجمع ف الكلام قصدها  ان هيا حامل مني ايه ايه هيا حامل  به توا اني شن ندير زي الغبي  قعد مش فاهم شي وعيط ع نورا وقالها  اقلبي وجهك  ع خشت  مرام وحميد للحوش 
نورا .. بابا شن صار ف ماما والبوب
حميد .. الحمدالله حالها به امورها  تماام توا والبوب حالته  مستقره  لا توا
محمود .. به الحمدالله كويس
مرام .. تصبحو على خير  وركبت للحوش وهي متعفلق وقريب تموت من يلي صاير
حميد. .. حقا مريم القوها  😁 وجت للعياده 
محمود .. بجد به الحمدالله كويس
نور .. يا روحي عليها  نبي نكلمها باابا 
حميد .. مش عارف رقمها  اهو عندي رقم خوها  وقوليله نبيها
نورا .. ممكن عند البوب تليفونها تماام
محمود .. شن تكلمها توا لا و برقم خوها
نورا  .. شن بنهذرز ع خوها اني بنقوله نبيها 
حميد .. هاك خودي تليفوني اتصلي  منه
نورا.. بعد مافرحت ان بتأخذ رقم مالك فرحه ماتمت  اتصل حميد ب مالك وقاله اعطيني  مريم وقعدت تهذرز نورا عليها  وطمنت عليها  هي والبيبي  🙈 وصكرت وماكثرتش معاها  الدوه 

_______________
موده .. قعدت تبكي بعد ماسمعت صوت محمود استاحشتك  يا محمود علاش درت فيا هكي وابدت تلووم ف روحها أنها تستاهل  يلي صاير معها  وان طلعت مضحكة ولعب بيها  ... بعد هذا كله  يلي دراته اهني ابدت تفكر مليح... محمود علاش كلمني  وكأنه مايعرف  بشي بكل ولا يدير ف روحه غبي بس هو مش هكي لو مايبيش يكلمني ماكلمنيش  ايه ايه هو مايعرفش  ان اني حامل واضحه من يلي صاير  توا من اتصاله بيا يا موده ان شاء لله يكون صح بس توا كيف نبي نتأكد .. مرام تكذب عليا  وتقولي سمع .. ان شاء لله تطلع مرام تكذب عليا لان لو كذبتي ح تشوفي ايامات سود مني  يا بنت امي 💔💔
سعاد .. أتفكر كيف بتغطي  عارها 
الحق سعاد ف واضع  لا ينحسد عليه  وربي يكون معاها  لان موضوع فيه شرف بنتها  ولما سمعت ان محمود أنكر كل شي ح تقعد طول عمرها  ف العار
وتبي اطيح  العيل بأي طريقه قبل ماتكبر بطنها  ويعرفو الناس !!! اتصلت ب مرام من اول ماردتش  وبعدين ردت عليها
مرام .. ايوه يا امي
سعاد .. شن يا بنتي شن قصتك  انتي مش تبي  تجي بطلعينا  من لحوش
مرام .. يا امي بالله انتي وين واني وين
سعاد .. والله اني عندي مصيبه  هكي كبرها  وانتي قلتي  تبي تحليها  وتبي ترفعينا  مكان بعيد ع حوشنا 
مرام .. يا امي افهمي توا لا لان البوب  مصاب وراقد ف العياده و عزوزتي  طاحت  اليوم ف دروج العياده مريضه  وملوحه  ف العياده 😢
سعاد.. هذا كله صار علاش ماكلمتينيش  يا مرام
مرام .. تبي تبكي لان مضايقه  من يلي صار معاها  وابدت خايفه من كل شي
سعاد.. تعاطفت مع بنتها  زي اي ام مع بنتها  وتهدي فيها  وبعدها صكرت منها ورقدت

______________بعد اسبوع _________

  كريمه .. ابدي حالها به لاكن معاش تقدر تتكلم لفتره  لين  يبرا  فمها  وسنونها القداميات  طاحووو... قعدت كل ماتجي  مرام تعيط  تقوول  اااممممممم مرام حاولت  أنها تكلمها بس كريمه كرهتها  معاش تبيها  تراجي ف روحها امتا تقدر تتكلم مش تقول كل يلي صار معاها  ومهما  حاولت تشرح  ل حميد مافيش فايده بكل هو مش فاهم  عليها  بكل ....
خالد.. سمعو  عيلته  شن صار معاه  وابدي  حاله  احسن  من قبل وركبوله  عين صناعيه  لان عينه اليسار خسارها  هو حالته  النفسيه  زفت  بكل وبدات  يلي سمعه  ع البوب انه خش  ف غيبوبه  اشبح ينوض منها اول لاكن حنين  مرته  ماسيبتاش  بكل وع قد ماقدرت  غيرت من نفسيته  وقعدت جنبه وخالد فرحان ان حبيبة قلبه  ماسيبتاش  وهي مقويته 
حنين .. حبيبي
خالد .. عيونه 😘😍😍
حنين .. امتا بتطلع  من العياده  ياسر اني عيت نروح لحوشنا بروحي  نبيك معاي  استاحشتك  وبساته ع خدوده 
خالد.. واني أكثر مزالو  يومين ونروحو  تعرفي مشغول ع البوب خايف نخسره  زي صحابي  يلي قبل هو يلي قاعد فيهم 
حنين .. يا ررووحي انت ادعيله  ربي يشفيه  والله حتي اني وجعني  حتي مرته  التانيه  واجعتني  اول امس لما ارفعتك  شوفته  انت خشيتله  واني امشيت  لي الحمام  لقيتها  ترجع  وبعدين قعدت تبكي نبي نساعد ونوضها لانها طاحت  ف الحمام .. قتلي لا صحيتي ..
خالد .. وانتي كيف عرفتيها  مرته تلبس ف خمار  قالي
حنين .. خليني نكمل كلامي المهم بعدها  طلعت واني لقتحها  لان بنراجيك  لقيتها  امقعمزه  ف جنب ولد ويقوللها  كولي اي حاجه مش علي  خاطرك ع خاطر العيل ف بطنك  .. تعرف وجعتني  يعني حامل وراجلها  ف غيبوبه  والله ربي يكون  ف عونها  💔💔
خالد .. اميين تعالي حبيبي جنبي معاش تزعلي روحك يا عمري  .. وجت جنبه ووباسلها ايديها  🙈
حنين .. حبيبي  وباسته ع فمه 💋 ربي يخليك ليا يا قلبي
مرام .. قعدت تجي للعياده لاكن ماتقعدش هلبا تشوف البوب لان بحكم ساعدت امها أنها تطلع من لحوش لي حوش تاني  ايجار مكان بعيد خارج طرابلس وقنعت امها ان تأخذ  ولد موده وتقول لي عيله البوب أنها حامل وهكي  يبدا  كل شي لي الولد هذا من فلوس ورث كل شي يملكوه ..سعاد طبعا وافقت لان هيا تحب الفلوس  اما موده ماتعرفش  شن ح يصير فيها بكل تحسابه  ان مرام وقفت معاها  ماتحسابش ان اختها تهمها مصلحتها وبس .. موده احكت كل شي لي مرام بحكم أختها  ساعدتها  وقتلها ان كلمني محمود وهكي صار وهكي صار وفلقت كل شي يعني ماخلت  ماقالت  .. مرام لما سمعت هذا كله اتصرفت عادي ومابينت لحد شن صاير فيها وهي بتموت من الغيره  لان عارفه لو يسمع محمود ح يتزوجها وهياا و مريم حامل وهي بتطلع اوت .. ف كذبت عليها وقتلها  ان يكذب عليك ردي بالك تصدقيه  ره مزال بديرك مضحكه  وقتلها فوتيه ب رجل وحده يعني عبتلها رأسها  لين كرهاته ف الدقيقه  هديكا .. وكل ماتشوف  مريم تتعفلق  وقريب تموت منها  وعزو  يتصل بيها شبه  يوميا لاكن حطته  ف الحظر وماتبيش تعطيه الفلوس  وتبي تقتل كريمه  لان خايفه يبدا حالها  به وتحكي  كل شي وهي تمشي  فيها
مالك .. افتح التليفون متع عزو يلي عنده وشاف كل شي ف التليفون ومن ضمن يلي شافه رسالة مرام لـ عزو لما بعتتله و قتله  اهي  يلي قدامك على مريم .. وعرف رقم مني لاكن ماتكلمش  وماقالش  ل حد لا توا وكلم  جماعته انهم  يدورو  ع عزو وامشو  مالقو حد ف حوشه  ..ومالك امشي للشرطه  وارفع  معاه  مريم وقالت كل شي وشن صار معاها  والشرطه  ابدت ادور فيه  .. مالك يلحق ف مرام وين ماتمشي  يبي يوصل ل عزو بس للاسف مرام وعزو معاش تلاقو  بكل
مريم .. مضايقه معاش تأكل  ولا تشرب ع خاطر البوب   وبعد ماخش للغيبوبه صارتلها  حالة  نفسيه  ديما و هيا تبكي وشبه يوميا يديرولها  ف  تغديه  والدكاتره  قالولها  هكي  تقتلي  ف العيل لي في بطنك  لاكن  ماسمعتش  كلامهم  روحها عند البوب ..
نورا .. ابدت تشوف ف مالك شبه يوميا ف  العياده وعاجبها  هلبا بدرجه ماتتصوروهاش وحست  ان حتي مالك يبادل  نفس الشعور لين صار عركه  ف يوم مع مرام قعدو يلقحو ع بعض صار فيها ضرب ✋ وقعدت  مريم تحز  فيهم مرام خبشت نورا ع وجها وقعد دم  بعدها جت ضربت  مريم دفتها  ومريم ع سبله  هو العيل مربوط  بالسيف  ابدت تنزف مريم وطول جو  الدكاتره  والممرضين  قاموها  وقعدو  يعاينو فيها
  مرام .. اتمنت ان العيل يموت  ونورا قعدت تعيط ع مرام وتقولها والله لو يصير فيها  حاجه لما نقتلك  .. كان مالك ومحمود لوطه  يدخنو  ولما ركبو  القو  نورا تهدد ف مرام
محمود  .. شن صار يا نورا وخيره وجهك دم
مالك .. ساكت 
نورا.. ضربتني  مرام ودفت حتي مريم
مالك .. وين مريم وشن دارتلها 
محمود .. علاش دفتها شن صاير تكلمي يا مرام
نورا .. تعركت معاها  وجت تبي تحز مريم امشي دفتها  ... امشي مالك طول لي مريم والممرضه  واقفه قدام  الدار مابتش تخليه يخش  ليها الدكتوره  الداخل  وتكشف عليها 
مرام .. اخدت شنطتها  وطلعت ... لحقها  مالك وجي  جنبها وقالها لو  يصير ف اختي حاجه ح تمشي فيها يا ..... قتله احترم نفسك ايوواا واني مادخلنيش فيها وبر ترا من قدام وجهي خير مانعيط  ويجي  من يتفاهم  معاك
مالك ..  والله شن بتجيبيلي  ناس تخطفني  زي اختي مثلا زي عزووو  وصاحبه 
مرام .. اهني كانت الصدمه ✋ وقعدت تشبحله  وفتحت عيونها  👀 ف داخلها هذا يعرف كل شي  لاكن علاش ساكت حي عليا حي  ..
مالك .. امشي وسيبها  اركب  لي مريم
مرام .. ركبت السيارة امشت لي امها  وخافت من مالك هلبا
البوب .. ابدي يستاقض من الغيبوبه   وافتح عيونه  ف جنبه  ممرضات  لاكن ماتكلمش  بكل  قعدو ممرضات يتجارو  وجي  الدكتور وشافه  وحاله كويس واطلع  يبي  يدور حميد مالقاش  الا محمود  واقف هو و نورا وقلهم  انا محمد  استقض من الغيبوبه  وحالة  توا مستقره  .. محمود ونورا فرحو  هلبا وطبطو  بعض لين جاهم  مالك و هو يضحك  لما شافهم يتبطو..
مالك .. قعد بشبح
نورا .. سبقت  محمود وقتله  البوب استاقض  من الغيبوبه  وافتح عيونه  قلنا  توا دكتور
مالك .. قعد يشبحلها  كيف فرحانه  وتبكي  ووجها  دم 😁 وابدي يضحكلها 
محمود .. به صحيتي  مش قلتيها  بر اغسلي  وجهك  وهو ولا زي الخريطة
نورا.. انست  ان وجها  دم لكن  فرحت  ب مالك كيف يضحكلها  وامشت  وسيبتهم  وتقول ف خاطرها  يضحك ع  وجهي كان  من ضحك  قلبتها  نكد 😂😢
مالك .. امشي لي مريم وقعد يتكلم هو و الدكتوره  وطلبت منها ماتتحركش  بكل والعيل  نبضات قلبه ضعيفه  هلبا وهذا من قلت اهتمامها  ومن قلت المأكلة  وراحه مافيش بكل ف قالت ل مالك ره  توا نزيف يلي صارلها  قدرنا نسيطرو عليه لاكن المره جايه  مش ح نقدرو  ره البيبي  ف حاله خطيره 
مالك .. تماام صحيتي  دكتوره  وخش  ل مريم والقاها  تبكي .. قعد بهدي فيها  وادوي  معاها  وقالها عندي ليك خبر عاجل 😂
مريم .. محمد صارتله  حاجه
مالك .. وانتي قلبك  معلق الا ب محمد 😁😁 ايه صارتله  حاجه حتي خوك صارتله هلبا حاجات 
مريم .. كانت راقده  قعمزت
مالك .. بنقولك أن  البوب فاق من الغيبوبه لاكن ماتحلميش تنوضي 
مريم ..  رجعتلها الروح ولما قال البوب فاق  بالله عليك خليني نمشي نشوفه بس
مالك .. كشخ عليها  وقلها مافيش نوضان واقعدي  اهني  عاجبك يلي صاير فيك  توا العيل ح يموت من سببك  ومن قلت اهتمامك  ولما ينوض البوب ويسألك عليه  شن بتقوليله  وشن بيكون ردت فعلك  هو فرحان ان بيكون عنده عيل هي بلا جو مريم واهتمي  ب روحك وكولي 
مريم .. تبكي  من الكلام يلي قاله مالك .. هو والله عادي الكلام بس هيا موليا حساسه  هلبا   سلامتها ..قعدت تقول صح اني علاش درت هكي  محمد ح يتعفلق مني لو صار حاجه لي البيبي ..قتله به بر انت شوفه  وطمني عليه 
مالك.. به حاضر وجبلها  مأكله  .. وقعدت مريم تأكل بالسيف  وبعد كملت .. قالها  امبكري  قتلك  صايرتلي حاجه انتي فكرتي ف البوب بس 😂😏😏
مريم .. شن بصيرلك انت قولي
مالك.. تعرفي والله مغروم يا مريم
مريم .. قعدت تضحك عليه.  😂😂 والله  مني يلي مغروم فيها 
مالك .. قصدا دار هكي  يبيها  تضحك.. تعرفي البنت هديكا  يلي تحبك و ديما جنبك
مريم .. مازبطتهاش 🙄🙄 وتشبحله  هكي من البنت يا مالك .. ودق الباب وخشت نورا عليهم 
مريم .. خشي نورا تعالي
مالك .. قعد يشبح لي نورا
مريم.. ركزت  معاه  وقالت اكيد كان يقصد  نورا يعطيهالك  يا مالك .. وطلع مالك وخلي نورا مع مريم واركب لي العنايه يشوف  البوب
في الليل ح يكون حلقتين تفاعل بس