رواية #البوب
#الحلقة_29
البوب .. كبرت ف عينه هلبا مريم من تصرفاتها ومعملتها معاه ف خاطره سامحيني يا حبيبة قلبي ويشبح لبطنها وفرحان لين عيونه دمعوو تمني يمس بطنها ويرقد مريم بجنبه ويبي يبوسها يحضنها لاكن حاجه هكي شدته مش عارفه شن هي حاجه تقوله هكي تستاهلك ...
مريم .. خشت للحمام وقعدت تضم فيه وغسلت حاجات ملبزة وطلعت القاته يتكلم ف التليفون
محمود .. يا بوب ره مالك عارف وين يسكنو عيلة مرام
البوب .. كيف عرفت
محمود .. توا كلمت جماعة الكتيبة قتلهم شوفو عيله فلان ... قالولي نعرفو وين يسكنو هاضم
البوب .. ها به تماام يا محمود بر شوف المكان وجيبها معاك
محمود.. مرام
البوب .. ايه محمود .. مايبيش يقول اسمها قدام مريم محمود..به يا بوب وصكر عليه
مريم .. ف خاطرها هذا من يكلم ومن يبي يجيبها..ماتبي شي اني طالعه
البوب .. وين بتمشي
مريم .. نديرلك فطور
البوب .. لا مانبيش فطور طاسة قهوه بس
مريم .. ف خاطرها خيره لها درجه معاش يبيني حتي عيونه مايبيش يقيمهم فيا.. محمد بنسألك
البوب .. شن وهو يلعب ف تليفونه
مريم.. محمد عادي تقيم رأسك وتشبحلي ندوي معاك
البوب .. مش قادر يقيم رأسه معاش يبي يشبح لعيونها .. ادوي نسمع فيك يا مريم خيرك
مريم .. مافيه شي ولبست بدلة الصلاة وطلعت
البوب .. النم الأحرف تعفلقت والله اسف يا مريم وقعد يلوم ف روحه ع المعامله بس مش قادر ورأسه بيتفجر من يلي صاير
مريم ..ف خاطرها خيره يبيني واضح عليه يعامل فيا من فوق خشمه وخشت للكوجيه ودارت القهوه ورفعتهاله واعطتهاله .. وغسلت الحاجات المسخه وخشت لكريمه وقعدت تهذرز هي ونورا عليها .. وف قلبها نار راكبه فيها من البوب .. ونورا قعدت تدوي ع مرام وشن صار امس .. لاكن يلي صار مش متوقعينه لا نورا ولا مريم ان كريمه .. قعدت تضحك وصفقت من يلي صار.. نورا ومريم قعدو يشبحو لبعض وقعدو يضحكوو معاها ... لين خش عليهم حميد.. شن هذا الضحك شن فيه شن صار ضحكوني معكم .. وقالوله لاكن ماضحكش علي شي وقعدت نورا تسأل ف بوها .. وحميد ماباش يقول ولا حرف وطلع وسيبهم ...
_____________________
محمود.. بعد مااتصل ب البوب امشي لي حوش مرام هو وجماعته وصل للحوش دق الباب ..
سعاد.. الباب يدق يا موده افتحي
موده .. به هي .. طلعت من الدار وهي لابسه توته وماشاءالله بطنها طالعه فيها .. وامشت فتحت الباب القيت محمود وراء رجاله
محمود.. شاف موده ماركز ع شي طول خش ودفها مش مايشوفها حد
موده .. نحي ايدك خيرك
محمود ..بعد ايده وقالها بري استري روحك والبسي حاجه باهيه
موده ..شن تبي جاي
مرام .. امقعمزه ف دار سمعت صوت تعرفه وناضت طول امشت جيهة الدار وشافت محمود مرام قريب ماتت من الخوف وخشت لي امها وقعدت تعيط
سعاد .. به اسكتي غير شن فيه قوليلي
مرام .. يا امي محمود بر قدام الحوش
سعاد .. وينه واني نراجي فيه ع اختك
مرام .. اهني لما سمعت امها شن قالت .. ف خاطرها توا امي بتعرف كل يلي قلته ع محمود كذب.. قاتلها هذا اكيد يبي يجي يأخذني اني بالله عليك اطلعي لزيه توا يزيد كان بتقوليله حاجه ع موده
سعاد .. به مش ح نقوله شي حولي خلي نليزه
مرام .. مرام بتموت من الخوف من يلي صاير ماتعرفش ان ح يجي يوم زي هذا .. تحسابه تبي أدمر وماتعرفش ان ح يجي يوم وح تتدمر وان ربي ما ينسي حد وياسر دمرت من شرها وحقدها ..
سعاد.. جت لي محمود وكشخت ع موده تخش .. وكلمت محمود وقتله شن تبي .. قالها نبي مرام.. قتله من تكون انت مش تبي مرام..
محمود .. بطلعيلي مرام ولا نخش نأخذ بروحي
سعاد .. شن تحساب روحك انت ولا دير ف روحك راجل عليا بر سلم ولدي العب بعيد ومعاش تجي اهني خير مانجيبلك الشرطه وجماعه الردع يجو يعلموك كيف تدوي معاي
محمود .. به هاك تليفوني واتصلي بالشرطه والردع وقعد يطبح ف مرام ماتبيش تجيه
طلعتله موده وهي لابسه عبايه وقتله خيرك تعيط بر روح من وين ما جيت
محمود.. اشبحلها شبحة..
موده .. ماتت فيه من الشبحه
محمود.. قالهم يا تطلع معاي توا يا مايصيرش خير
مرام .. خايفه وترعش تعرف ان البوب ح يقتلها ماسد يلي دارته وماسد هربت
سعاد .. بر عليا وأعلى مافي خيلك اركبه
محمود .. خش للحوش وسعاد جبداته .. خش والقي مرام طايحه لوطه وتبكي وقعدت تتراجي فيه بالله عليك يا محمود ماترفعنيش
موده .. جت مقابله قتله والله تمسها لما نقتلك يا محمود ياسر يلي درته فيا مش ح نخليك ادير ف اختي شي
محمود .. شد ايد موده وشبدها من قدامه واخذي مرام وطلع .. سعاد تعيط .. جبدت الوشاح ع موده ولبساته وعبيتها .. موده تعيط عليه هو مش معدل عليها
موده.. خشت للكوجينه اخذيت منها الموس
سعاد.. موده لا يا موده
محمود.. تلفت من كثر العياط االقي موده رشقت ف ايده موس ..
موده .. قعدت تشبحله وهي تبكي
محمود .. يشبح لي موده.. ومر عليه شريط حياته معاها وقلبه يلي متعلق فيه الموس مش ف ايده جي ف قلبه خش ومزقه واخذت بتارها منه .. خش ف قلبي ولاكن والله مكانك مامسه الموس مكانك قاعد محفوظ
موده.. تشبحله والدم ينزل منه وقريب تموت من الخوف وف داخلها علاش ديرتي هكي ... تبي تجبد مرام منه لاكن جماعته دخلوها للسياره وركبو وطلعو
محمود .. اركب معاهم وهو ينزف وطول رفعوه لأقرب عياده ف المنطقه .. رفعوه وطلع جرح بسيط الحمدالله ان ماخشش هلبا الموس ره تقطع الوريد نظفوله وخيطوله الجرح .. اموره تماام واطلع من العياده طول للحوش امشي ومع مرام..
سعاد .. ينهار اغبر عليك يا سعاد يا وووووه عليا ووووه ع اياماتي سود
موده.. معاش عرفت تهدي امها ولا روحها .. اختها جي ارفعها حب عمرها وضرباته
____________
نورا .. اسمعي هيا نديرو الغذي
مريم .. هيا نوضي
نورا .. اسمعي شن رأيك نديروو كسكسي امسقي وفيسع مايطيب
مريم .. به توا اني نديره انتي اقعدي مع ابله كريمه
نورا .. شن ابلة كريمه امتعك قولي عمتي ولا خالتي تحسابي روحك ف مدرسه
كريمه.. قعدت تشبح ل مريم
مريم .. شبحت لي كريمه.. وقتلها لا نورا اني ف وسط عيلتي التانيه بس اني نحترم رأي امك وابلة كريمه مش متقبله ان نقوللها لا عمتي ولا خالتي
نورا.. به بلا جو يا مريم
كريمه .. شبحتلها وتبي تتكلم لاكن ما قدرتش انها تتكلم فمها يوجع هلبا بس قعدت تبكي وهي ف خاطرها نادمه ندم بتأكل عليه الجيفه كيف تعامل فيها هي كانت ومريم كيف تعامل فيها توا .. وحز ف خاطرها هلبا..
مريم .. خلاص نطيب ونجيك وهي كيف طالعه من دار القت محمود امدخل مرام من باب ونادت لي نورا
نورا .. خيرك شن فيه
مريم . . محمود جاي ومعاه مرام
نورا.. اتبصري انتي ولا شني
مريم .. والله مانبصر يا نورا .. طلعت نورا ولحقتها مريم
محمود.. دخل مرام لي البوب وقعد ينادي ف حميد مش يجي القي قدامه مريم ونورا وعيطو مع بعض لان سوريته دم .. قالهم مافيه شي خيركم تعيطو .. قالوله شن هذا كيف مافيه شي .. وسألوه ع مرام قالهم وين بوي وقعد يضبح ع حميد
حميد .. خيرك يا محمود شن فيه.
محمود .. تعالا ف دار البوب يبيك
حميد.. به هي وامشي هو ومحمود
نورا .. شن فيه قصدي احني شن زي الاطرش ف الزفه
مريم .. به شن بنديروو ترا مافيش حد يبي يقولنا .. نمشي ندير الغذي اني وخلت نورا ف الصاله وخشت للكوجينه
نورا .. شن قصتهم هاضم وزودوها هلبا لازم نعرف وامشت جيهة دار البوب وفتحت دار مصعب ف كانا جي حد تخش لي دار مصعب طول مايشوفهاش حد .. زقايطية هلبا ها نورا
مرام .. جابها محمود ف دار البوب قعدت تشبحله وتراجي فيه يقوللها حاجه .. خش عليهم حميد ومحمود وصكرو الدار .. قعدو يدو
البوب .. اهيا مرام يا بوي اسألها شن تبي .. وقوللها علاش دارت هكي.. به افهمنا ان مريم غيرة وامي علاش دارت فيها هكي وعلاش مخدرات خشوو لحوشنا ..
مرام .. إنتهت ترعش ايدها ابدو يصطروو قلبها بيطلع رأسها وقف رجليها مش حاسه بيهم ..
حميد .. جي جنبها شن نقصنا عليك علاش درتي هكي علاش يا مرام ردي عليا
محمود.. هذه مصيرها ف الحبس مش تتأدب
مرام .. قعدت تلقح ع محمود قتله انت اخر من يتكلم ع الأدب ياسر يلي ديرته ف اختي
محمود .. اسكت معاش عرف شن يقوول بكل
البوب .. اني مش موضوعي خوك ولا اختك
حميد .. هي ادوي نسمع فيك
مرام .. اني درت هكي لان هو حب مريم وهو بسيبني معاش يبيني يا عمي يهتم بيها وهي وحده فاسده شوف شن دارت ف عيلتها
البوب .. سكري فمك يا مرام واحترمي نفسك
حميد .. اسكت يا محمد
مرام .. ايه اني درت لان كرهتها ونبي نحافظ ع راجلي ع حوشي و وعمتي كريمه هيا يلي ساعدتني ف كل شي
حميد .. كيف هكي.. قتله ايه ساعدتني واني طيحتها لان تبي تقوللكم عليا
البوب .. تبصري انتي شن تقولي
قعدو هما ومرام وقتلهم ع كل شي وكيف خططت وكيف خطفت مريم وكيف جابت حتي المخدرات وقالت ان اختي هيا يلي ساعدتني ..
حميد .. علاش درتي هكي ف كريمه مدامها تساعد فيك
مرام .. بكل واقحه نبي نتخلص منها
البوب .. تمني ينوض يصرفقها كف يوريها كيف تتخلص منها
محمود .. ماتوقعش ان موده تساعد مرام ف هذه ولا تجيبلها مخدرات
مرام .. ودارت انها ندمانه لاكن توا الندم معاش ينفع معاها وسجلوو كلامها كله وبلغو عليها هي وعزو وقعدو معاها لا أذان العصر ..
مريم .. طيبت الغذي وغدت كريمه وجت تغدي ف مصعب القيت نورا غاذي قتلها شن سمعتي يعني نورا مابتش تدوي ولا كلمه لي مريم.. انصدمت كيف مرام ادير هكي .. طلعت من دار مصعب القت محمود كيف مطلع مرام
نورا .. قعدت تشبحلها ودفلت عليها
مرام .. مرضت وابدت تضحك وتبكي ف نفس الوقت
مريم.. طلعت وسيبت مصعب وشافت مرام كيف تخبط ف روحها وتضحك وتبكي تقول بصوت لما نقتلك يا مريم اني انحب محمد
شن تقول هادي وخشت لي البوب
البوب .. خيرك
مريم.. جت ف جنبه ع سرير محمد شن فيه
البوب .. مافيه شي مريم بري
حميد .. شن واتي الغذي
مريم .. محمد كيف مافيه شي وهي تقولي لما نقتلك وخيره هكي منظرها فهمني شن صاير وعلاش قتلي هكي
البوب .. افصل ع مريم مافيه شي ماليكش علاقه تسألي ولما نقولك بري معناها بري من عليا ونوضي شن تراجي وعيط عليها قدام حميد
حميد .. اجبد مريم من جنب البوب وطلعها برا
البوب .. مضايق من مرام .. كيف أدير هكي شيطان طلعت بيموت تمني مات ولا عرف هذا كله بعد كل هذه السنين يلي امن عليها حوشه وعيلته وحياته وكل شي طلعت هكي امه يلي مشاركه ف هذا كله وتساعد فيها يارب اعطيني الصبر ... وقعد يبكي من غير مايحس قعد يبكي من القهر يلي فيه .. الحسد والغيره يديرو هكي يخلوو الناس تفكر ف نفسها وأضر يلي تحبهم وهيا فرحانه .. شن استفدت توا مرام ولا حاجه ح تقعد ديما هكي ومش ح يقدر حد يسامحها ..
محمود .. ارفعها للمركز وفتح فيها محضر واعطهم تسجيلات الصوت حبسوها ..
موده وسعاد أخذو تاكسي وجو لحوش البوب وناضو يعيطو عليهم .. لاكن هداهم حميد ودخلهم وفهمهم ع كل شي وسعاد وموده انصدمو ف مرام ادير هكي اوك يساعدو فيها لاكن ماتوقعوش انها تحطف مريم وتطيح كريمه
حميد .. انتي يا موده جبتي المخدرات مني اعطهملك
موده .. انصدمت وقتله ايه اني من وحده نعرفها تبيع فيهم
حميد .. ايه توا تمشي للمركز تقولي الكلام هذا
سعاد .. بنتي شن بصير فيها
حميد .. لين نلقو عزو وبعدين نعرفو شن يصير فيها لاكن بنتك اعترفت بكل شي
سعاد .. به موده حامل من ولدك محمود
نورا .. واقفه بعيد عليهم جت قتلها شن تقولي شن حامل امتعك شن بنتك كانت تكذب علينا بتجي انتي وبتكذبي علينا هيا اطلعي اقلبي وجهك من علينا انتي وبناتك درتونا العار
حميد .. ضمي فمك يا نورا.. شن تقولي يا سعاد
موده.. يا امي نوضي
جي محمود بعد ماحط مرام ف الحبس خش القي قدامه موده واقفه وامها امقعمزه .. ماعدلش عليها هو كيف خطم من جنبهم حميد نادا عليه .. قاله خيرك يا بوي
حميد .. تعالا يا محمود
محمود .. شن يا بوي
حميد .. شن فيه بينك وبين موده
محمود .. اشبح لي موده
موده .. مافيه شي يا عمي ونوضي يا امي
سعاد .. شن نوض امتعك هادي انتي حامل منه وخلي يستر عليك
محمود .. يا بوي موده متزوجه
سعاد.. شن متزوجه امتاعك هادي بنت انت يلي اخذيت شرفها من يقبل بيها بنتي حامل منك
محمود.. قصدك مش متزوجه امالا شن قتلي مرام .. تدوي بجديات حامل
سعاد .. نقولك والله ماتزوجت شن نكذبو عليك
حميد .. انت غالط فيها البنت
محمود .. ايه يا بوي بس
حميد.. يصرفق كف ل محمود .....
مريم .. بعد ماطلعها حميد من الدار وهي مكسور خاطرها من البوب ركبت فوق الحيط وقعدت تبكي تقول يارب خوذني عيت من الحياة كلها وركبت ع حشية الصور ..
قعدت امقعمزه والريح قويه وهي تبكي وحطت ايدها ع بطنها وقالت سامحني يا ولدي بس اني والله تعبت نبي نرتاح ياسر يلي صار بوك معاش يبيني مهما نديرله مش عاجبه اني بوك نحبه و مانبيش نخسره والله مافي منه يا محمد نحبك هلبا اني ايه نحبك بس تعبت منك وانت جاف معاي وانت تعامل فيا هكي وانت حتي عيونك حارمني منهم نشوفهم استاحشته يا ولدي قول لي بوك ماما تبي تشوف عيونك حلوات سامحني ولدي وطاحت......
❤❤❤❤❤❤❤❤❤❤❤
😍😘😘 تفاعلوا ياقمااعة😁😂😍😍
💓🤤🤤❤️❤️😍😍😍
Aisha Gold
أنت تقرأ
البوب ❤
Romance#البداية اسم الرواية #البوب رواية تحكي ع وحده حبة شخص غلط تحبه بس الحب لما يدق القلب ماتعرفيش امتا ولا كيف صار بسم الله أشخاص الرواية عيلتين والباقي اشخاص يطلعو مفاجأه ف رواية عيلة البوب هو اسمه محمد و مواليد 89 يخدم ف كتيبة وهو مسؤول عل...
