رواية #البوب
#الحلقة_11
مريم قعدت تسمع ف صوت حد يتنهد من اول ماعدلتش عليه من بداية بس كل مره تسمع ف صوت اقوي قعدت تنوض ف البوب لاكن ماباش يرد عليها ناضت وساوت البوب وطلعت من الدار وقعدت تدور ف الصوت ومشت لدار مصعب وفتحت الدار ولقاته يعيط وف حالة وقعدت تساوي فيه وعرفت أنه جعان طول امشت للمطبخ اخذتله حاجات يأكلها
مصعب.. يشبحلها 😢
مريم .. خلاص ماتبكيش اهو جبتلك حاجات تأكلها شد بيهم جوعك شويا ونديرلك مفاجأه شن رأيك
مصعب .. قعد يضحك
مريم.. اعطاته يأكل وقعدت اضحك فيه وتهذرز عليه
مصعب.. قعد يضحك
يا خوتي الجوع كافر
وناضت امشت للكوجينه بديرله دحي عيون معاه جبنه خش عليها
محمود .. شن ديري مريم توا
مريم .. نخلعت 🙄
محمود .. سامحيني كان خلعتك
مريم .. لا عادي غير مصعب جعان قلت نديرله دحي تبي نديرلك
محمود .. والله جعان ايه احسبيني ((ف خاطره ولله طيرتها البنت من بين ايديك يا محمود توا ولت مرت خوي عيب ندوي هكي ))
مريم .. وين امشيت يا محمود مع حبيبة القلب
محمود .. هههه اما حبيبة قلب باللهي 😂😂😂
مريم .. والله تي به به
محمود .. تفكر موده شن دار فيها كيف يحل المشكله 🙄
مريم .. اسمع تعالا هي نمشو جنب مصعب
مشو جنب مصعب وافرح هلبا قعدت توكل فيه مريم وهو يضحك 😁😍😍
محمود .. ابداع يا ناس
مريم .. صحتين 😍
ع خشت البوب يسمع فيهم يضحكو وجوهم مليح 😂😂
البوب .. شن اديروو
مريم.. 😍😍 درنا عشي تعالي كول معانا
محمود .. ابداع دحي يا بوب يفوت عليك
البوب .. تعفلق من مريم مانبيش وطلع وسيبهم
مريم .. خيره هذا وطلعت ف جرته
البوب .. ولا كلمه بري كملي ضحك
مريم.. خيرك تدوي هكي معاي
البوب .. ندوي كيف مانبي رقدتي نورا جنبك نقولو به وخليتيني وامشيتي باش تضحكي مع محمود ومصعب هلبا الحق اني الحمار يلي مسيب مرام فوق وجيتك
مريم .. وجعتها كيف مخلي مرام فوق وجيتك 🙄 ردت عليه قتله اني ماسيبتكش والله الا مصعب جعان واسمعته يعيط ف وقت كلكم رقدين مش واكل شي وجعان وبالنسبه لي محمود هو يلي خش القاني ندير ف العشي لي مصعب وايه يا محمد ماتقعدش توجع فيا اني ماقتلكش انزل من مرتك مرام به وامشت وسيباته
البوب .. قعد واقف ماقالش ولا كلمه بعدها اركب فوق جنب مرام
مريم .. وجعتها من البوب وامشت ف جنب محمود ومصعب اخذت السفره ووضمت الكوجينه ورقدت
_______€€€%%%%_______€£€€€€%%_____
الصبح بكري ناضت مرام دوشت وطلعت وامشت ادور الولد قبل البوب
ناض البوب مالقاش مرام ف جنبه ماعدلش عليها خش دوش وانزل لوطه القاهم نايضين القي مريم ف الكوجينه معاها نورا افطر وماعدلش عليها ولا دورها واطلع
مريم .. قعدت تسحن ان ماعبرهاش وتحسابه ان ح يكلمها
نورا .. بابا البوب طلع اني من بيرفعني للجامعة
حميد .. اني توا نرفعك غير كملي فطورك
نورا.. فرحت ان بيرفعها بوها لان تبي تفتح موضوع الخطوبه كملت فطورها وطلعت
مريم .. ناضت دارت فطور لي مصعب رفعتهوله
كريمه. .. خشت ع مريم ف دار مصعب هزبتها زي العاده وقتلها شوفتي امس شن درنا فيك ح نديرو فيك أكثر
مريم .. عادي نعرف علاش تعاملي فيا هكي!؟
كريمه.. اخذيتي ولدي انتي امتع عار واني مايشرفنيش كنتي تكون امتع عار
مريم .. عادي نفهمك والله غصب عني والله مش بيدي الموضوع
كريمه. .. اسكتي ولا كلمه
مريم .. شن يلي يريحك واني نديره
كريمه .. اطلعي من حياتنا اطلبي الطلاق وكان انتي ع فلوس البوب متزوجتي ع خاطرهم اني نعطيك أكثر
مريم .. 😞😔 تماام.
طلعت كريمه من الدار ومريم معاش قادره تشد روحها تبي تبكي قعدت توكل ف مصعب وطلعت ضمت الحوش وطيبت الغذي
____€€€€________€€€€€__________
أنت تقرأ
البوب ❤
Roman d'amour#البداية اسم الرواية #البوب رواية تحكي ع وحده حبة شخص غلط تحبه بس الحب لما يدق القلب ماتعرفيش امتا ولا كيف صار بسم الله أشخاص الرواية عيلتين والباقي اشخاص يطلعو مفاجأه ف رواية عيلة البوب هو اسمه محمد و مواليد 89 يخدم ف كتيبة وهو مسؤول عل...
