الملاك الجريح

الفصل الثالث عشر

عند اسيل كانت الساعه 6 و هي المفروض الشغل يخلص 7 كانت بتظبط الملفات و المواعيد بتاعت بكره ..و هي قاعدة مركزة تلاقي الباب بيخبط
اسيل بهدوء / اتفضل
يدخل موظف اسمه فريد ...بتاع بنات و عينه زايغه
فريد بنبرة لعوبه...و عينه علي جسمها بكل وقاحه / ازايك يا ست البنات عامله ايه
اسيل كانت لسه هترد و تهزقهه سمعت صوت خلاها اتيبست مكانها
/هي كويسه اوي لكن انت لا

تلف اسيل و تلاقي مازن و وشه احمر و عروقه بانت و عينه لونها بقي اسود من كتر العصبيه
اسيل تقوم بسرعه و تروح لمازن تقف قدامه لكن هو بيتعداها و يروح لفريد يمسكه من ياقه قميصه
مازن بعصبيه و جنون / اسمع يلااا ...اسيل خط أحمر ...انت سااامع ..تروح دلوقتي و تعدي علي الحسابات و تاخد بقيه حسابك و مشوفش وش اهلك ف الشركه تأتي ...انت سااامع

فريد خاف جدا من شكله / سامع ..سامع

و اول ما مازن يسيبه يجري فريد و يخرج برا و اسيل تقفل الباب وراه ..عشان تعرف تاخد راحتها مع مازن

تقرب من مازن و هو واقف قدامها و لسه متعصب
تقرب منه و تروح لفه ايديها حوالين بطنه و تحط راسها عند كتفه و تقوله بصوت كله حنيه و حب / حبيبي ممكن تهدا خلاص و الله  انا بحبك انت و بس

مازن لف أيده علي وسطها و شدها ليه لغايه اما بقيت ف حضنه و قال بتملك و غيرة / انتي بتاعتي ..ملكي ...ليا لوحدي ...انا الوحيد اللي تضحكي ليه ...و تبتسمي ليه ...و تحزني بسببه ...كل حاجه فيكي ملكي أناا

اسيل كانت بتسمعه و هي متفاجئه بعصبيته اللي مشافتهاش قبل كدا و التملك و الغيرة اللي في صوته خلوها تفرح جدا

اسيل بحب و حنان / ملكك انت يا حبيبي بس ممكن تهدا

مازن و هو بيبص عليها بحب و جنون / بحبك

اسيل بابتسامه كبيرة / و انا كمان بحبك اوي
مازن ياخد ايديها و يبوسها و يبوس خدها

مازن بحب و ابتسامه كبيرة / يلا عشان اروحك البيت
اسيل بحب / ماشي و تروح تلم حاجاتها و تمسك أيده و يخرجوا من الشركه و يركبوا عربيه مازن

......
Flash back
ذياد بحزن  / بص يا تميم ملاك اول ما جت ماكنتش بتكلم خالص كانت بجد عبارة عن جسم من غير روح ....جت كان مراد عمل ليها اوضه جنب اوضته ... كنا بنسمع بليل صوتها و هي بتصرخ و كأنها عندها هم و الم الدنيا كلها كنا بنسمعها و احنا بنتقطع ..و اول ما مراد ما كان بيسمع صرخها كان بيروحليها و يحاول ياخدها في حضنه بس هي للاسف عندها فوبيا من التلامس ...يعني مش بتحب حد يلمسها خااالص و لا حتا السلام بالأيدي ...عدت الايام و احنا بنحاول نقرب منها كانت هي بتصدنا ...لكن احنا كنا عايزين نقرب منها ...عدت فترة لغايه اما بقيت تكلم معانا و تقولنا صباح الخير و عاملين ايه ..و دا إنجاز بالنسبه لينا ...و بعد فترة بقيت قريبه مننا و احنا بقينا قريبين منها اوي ..بقينا نقعد مع بعض و مكان ...هي تعرف عن حياتنا ...و لو في مشاكل في الشركه بتدينا الحل و بتساعدنا ...لغايه اما ابتديت تمسك الشركه بس بتروح للمواعيد المهمه بس و ابتديت فكرة المطعم في دماغها لاني هي بتعرف تطبخ حلو جدا و لا اجدع شيف في الدنيا
...بس جت حاجه حصلت خلتنا نعرف حاجات كتير ...منها أن هي وفيه ..مخلصه .. اخت و ام و صاحبه بجد ...كنا مدين ليها ورق مهم جدا لشركه الحراسه بتاعتنا أنا و اياد ...و للاسف كان في عدة لينا عايزين ياذينا بكل الطرق و ملقاش غير ملاك