ناديه: ابوكي مماتش بسبب المطر ياحور عربيتو مكانش فيها فراامل وعصمت هو الي ورا موت ابوكي...
حور: نعم
ناديه: اسمعي انتي لازم تهربي انا مش خايفه علي نفسي بس خايفه عليكي لو مت وسبتك معاهم مش هيرحموكي
حور بتتعصب وتتنفس بسرعه انا مش همشي انا هواجهم انا مش جبانه
ناديه: حور ليل قادر يحميكي وليد بيخاف منو وهو باين عليه بيحبك ومش هيسمح لحد يقرب منك
حور: مفيش الكلام داا هو كان صاحب عادي مش بيحبني ماما ثقي فياا انا هقدر احمي نفسي واحميكي
ناديه: يابنتي
حور: كفاايه كلام انا مش ههرب دا حقي ولازم احافظ عليه هعمل اي بالهرب يعني
تاني يوم
ليل كان قاعد ع المكتب بتاعو وباصص علي مكتب حور وبيفتكر شكلها وهي قاعده فيه
هادي: بقولك ياليل هتعمل اي في شركه رأفت هتبيعها ولا تخليها
ليل: ..............
هادي: ليل يابني
ليل: هااا
هادي بيغمز هي شبكت ولا اي
ليل: هي مين
هادي بضحك: لما انت بتحبهاا سبتها تمشي ليه
ليل: مقدرتش اوقفها فكرة انها مش شايفاني مجنناني كنت فاكر انها لما تيجي تمشي هترجع لحضني وتقولي مش هقدر ابعد عنك لكن تقريبا كدا الافلام اثرت علياا
هادي: هههههه فعلا
ليل بيتنهد في ضيق
هادي: بتحبهاا
ليل: بحبها
هادي: نفسك في اي دلوقتي
ليل: نفسي احضنهاا
هادي: معلش
ليل: انت رخم وانا غلطان اني بصدق انك عقلت
هادي: ههههههههههه اعملك اي يعني
ليل وهو بيلم حاجتو من ع المكتب طيب يالا ياخويا
عند حور
كانت نايمه علي سريرها وبتبتسم
ناديه: حور
حور: جبت الاندومي
ناديه بإبتسامه ااه جبتو يالا قومي
حور: انت الي هتعملو يا ليل
ناديه حااضر
حور بتفتح عين وتبتسم ااا ماماا
ناديه: قومي قومي الاكل جاهز
حور بكسوف احم جايه وراكي اهوو
غسلت وشها وقعدو يتغدو
الباب بيخبط
ناديه: هفتح
وليد: حبيبتي ياحماتي امال خطيبتي فين
حور بتيجي من ورا امها وتسد الباب ب ايديهاا خطيبتك في عينك شووف ياوليد اصل انا عارفه ان مخك تخين ومبتفهمش انا مش هتجوزك ولو علي جثتي فااهم انا بقول تخلي عندك دم وتغور من هناا
وليد: اي الكلام الجامد داا بس واضح ان قعدتك معاه اثرت عليكي وبقيتي شخصيتك قويه شبهو
حور: والله يمكن حبو لياا هو اللي اثر عليا اصل بعيد عنك بنموت في بعض
وليد بعصبيه بيمسكها من وشهاا لو جبتي سيرتو تاني هدفنك مكانك
حور: وسع ايدك دي لو قربت ليا تاني هتتقطع وبتقفل الباب في وشو
بيعدي ٤ ايام علي حور وهي بتصد وليد وهو لازق فيهاا
اما ليل ف كان بيفضل بالساعات سرحان فيهاا
في شقه ليل
ليل: دخلت الشقه لقيتها هاديااا وكئيبه بصيت علي الكنبه وحشني اشوفها نايمه عليهاا مشيت في الطرقه وافتكرت يوم ماضربتها في المكان داا انا واحد غبي ومستاهلهاش بصيت علي اوضتها وضحكت افتكرت شكلها لما كنت ببرق وتقولي مبخافش وتطلع تجري علي الاوضه وتقفل الباب دخلت اوضتها شميت ريحتهاا فيها اي بقاا ياست حور هان عليكي تغيبي عني كل داا موحشتكيش
دخلت اوضتي وفتحت دولابي ومسكت التيشيرت الازرق الي كانت لابساه واد اي كان واسع عليها ومبين نحافه جسمهاا ولا البنطلون وهي ماسكاه خايفه يقع هههههه
قربت التيشيرت مني ولقيتني تلقائيا بشمو وبقربو من حضني وحشتيني
عند حور
ناديه: حور
حور كانت سرحانه ومقربه رجليها لحضنهاا وبتبتسم
ناديه: بتحبيه ياحور
حور: هاا
ناديه: بتحبيه
حور: اا هو مين
ناديه: ليل
حور: هه لا ياماما
ناديه: هو رااجل باين عليه طبعو حاد وشخصيتو قويه
حور: عصبي اووي بس حنين
ناديه: احكيلي عنو
حور بتسرح عيونو لون ورق الشجر وهو في عز الربيع قادره ترعبني بتبريقتها شعرو نااعم وطويل عضلات جسمو بتبين قوتو عندو جبروت كل الشركه بتخاف منو كان بيحب بنت متستاهلش غدرت بيه خلتو انسان تاني همجي عصبي اناني قاسي رخم مرعب مبيضحكش
بس جوااه طيبه وحب قادر يكفي بلاد
انا كنت بعد الايام عشان اتخلص منو بس اكتشفت اني مستعده ادفع كل ما املك عشان اقضي معااه كام يوم تانين تعرفي ياماما ليل ضربني بس كان فاكر اني البنت الي خانتو كان بيطلع غلو فيااا بس لما اكتشف اني حور وشاف دموعي قرب مني وكان باين عليه الزعل حس بالندم شوفت في عيونو دموع بس مكنتش قادره اتعاطف معاه كنت كارهاه
ناديه: ارجعيلو يابنتي واتجوزو هبقا مطمنه عليكي معااه
حور: بس هو مش بيحبني لو كان بيحبني مكانش سابني امشي
عند ليل
هادي: يابني بطل تفكير فيهاا بقاا روحلها واطلب ايديها واتجوزها
ليل: بس هي مش بتحبني لو كانت بتحبني مكانتش سابتني ومشيت
بعد يومين
عصمت بيخبط ع الباب
حور: نعم
عصمت: كتب الكتاب بكره اجهزي
حور: نعممم والله مايحصل
عصمت بيقرب منها ويمسكها من شعرهاا كتب الكتاب بكره وهيتكتب غصب عنك
حور: اوع ابعد عني انا عارفه كل حاجه انت الي قتلت بابا والله هبلغ عنك ومش هرحمك
عصمت بيخبطها في الحيطه اتكتمي وحطي لسانك في بوقك انا بنفسي هاخدك بكره واخليكي تمضي غصب عنك ويسيبها ويخرج
حور: اووووف انا بكرهكو كلكو انتو مش سند انتو دماار
بتيجي ناديه من براا
حور: كان معاكي حق ياماما انا مش هقدر عليهم انا لازم اروح ل ليل هو هيحميني
ناديه: روووحي
في الشركه
حور واقفه قدام الشركه وقلبها بيدق وخايفه ليل يتخلي عنهاا بتتشجع وتدخل
حور: منه ليل جواا
منه: لا والله ياحور هانم ليل بيه في سفر مع عاصم بيه
حور: لالالا مش وقتو
هادي: حور
حور: هادي عاوزاك
هادي: اتفضلي ع المكتب
حور: هادي انا محتاجه ليل اووي عمي عاوز يجوزني ابنو غصب عني وانا مبحبوش
هادي بيقول لنفسو انا لازم اقولها ان ليل بيحبها ومحتاجها وانو هيرجع من السفر النهارده
حور: هادي عمي هو اللي قتل بابا وعاوز الورث بتاع بابا الي هو حقي وخايفه يقتل ماما او يقتلني
هادي بتوتر قتل دا عيله خطيره لا لا انا مش هورط ليل معاهم
بصي ياحور ليل مسافر ولما يرجع بعد اسبوع هيخطب واحده بيحبها انا من رائيي بلاش نعرض حياتو للخطر مع اعمامك وباين اووي انهم مش امان
حور بكسوف شكراا ياهادي اسفه عشان اخدت من وقتك
هادي: امم ولا يهمك
بتخرج حور من مكتب هادي وهي مكسوره وبتقرب من مكتب ليل وتفتحو وتدخل بتشوف ان لسه مكتبها موجود بتقرب علي صوره ليل الي موجوده ع المكتب وتبصلها بتركيز كان نفسي تكون بتحبني وبتحط الصوره مكانها وتخرج
عند حور في البيت
ناديه: لازم تروحي عند خالتك في الصعيد
حور مبتردش
ناديه: حور
حور: انا مش ههرب يا انا يا اعمامي وانا مش هعمل خاطر لحد دول مش اعمامي دول الي قتلو بابا وانا هاخد حقو
ناديه: لا ياحوور مش عاوزين مشاكل معاهم
حور بجمود مش ههرب يا ماما
في الشركه
هادي: منه حور مجاتش ولا شوفتيها
منه: امرك ياهادي بيه
ليل: ياهاادي
هادي: حبيبي
ليل: وحشتني يااعم
هادي: وانت اووي اووي
عند حور
فضلت سهرانه تفكر في حل مع اعمامها وخايفه متقدرش عليهم وتتجوز وليد
بتفتكر مواقفها مع ليل وتبتسم ااه يا ليل مكنتش بكره ادك بس اكتشفت ان محبتش غيرك وحشني شغل القط والفار بتوعناا وحشني عنادك وقسوتك وهزارك وضحكتك وحشني عيونك
عند ليل
ليل: بفكر اروح ل حور واتقدملها والي يحصل يحصل
هادي: حور جت عزمتني علي خطوبتها وكانت مبسووطه اووي
ليل بيتجمد مكانو نعم
هادي بيتجنب عيون ليل ااه زي مابقولك كانت مبسوطه وعزمتني
ليل: هو ميين ابن عمهاا
هادي: لا واحد بتحبو
ليل بيبص قدامو في حزن ربنا يسعدها
هادي بيبص عليه في زعل انا اسف ياصاحبي خايف عليك
تاني يووم
عصمت حور جهزتي
بتخرج حور من اوضتها وهي لابسه بيچامه ااه لبست ياعمي
عصمت: انتي اتجننتي ادخلي البسي
حور: لا خودني كداا عشان الناس تعرف انك غاصبني ع الجوازه
عصمت بيبرق ادخلي اتنيلي البسي
حور بتربع ايديهاا مش لابسه والي عاوز تعملو اعملو يااقاتل ابوياا
عصمت: حووووووور
حور: اي غلطت هو مش انت الي قتلتو بردو ولا اي
عصمت: انا مقتلتش حد
حور: كدب انا مش هساامحك ومش هتجوز ابنك انتو شياطين وبتقفل الباب
عصمت: افتحي ياحور
حور: مش فااتحه
عصمت بيتمالك اعصابو ناديه الفرح بكره وبنتك هتيجي يعني هتيجي فااهمه وانا هتصرف بطريقتي
ناديه: انا مش هغصب بنتي علي حااجه الي هي عاوزاه هيحصل
عصمت بيخرج من البيت وبيتوعد لحور
في اوضه حور
كانت قاعده باصه ع السقف وبتفكر في ليل وانها مفتقداه معاها وبتتمني لو لسه معاه
تاني يوم
حور راحه جايه وقلبها بيدق وناديه خايفه علي بنتها
الباب بيخبط
حور: متفتحيش ياماما
ناديه: حاضر
صوت الخبط بيزيد وحور الخوف بيتملكهاا
عند ليل
كان قاعد هو وليل في الشركه
ليل: عارف ياهادي حور كانت بتكره ابن عمها وهو كان عاوز يتجوزها غصب انا كنت قادر احميها منو بس لو كانت حبتني
هادي حاسس بتأنيب الضمير بس متمسك بقرارو
عند حور
الباب بيخبط اكتر
عصمت: افتحي ياحور
حور: لااا وبتدخل علي اوضتها وتقفل الباب
بعد محاولات من عصمت انو يكسر الباب قدر انو يفتحو ودخل وكان معااه ٤ ستات معاهم فستان فرح وكل مستلزماتها
عصمت بيخبط علي اوضتها هتفتحي ولا اكسر الباب
حور بتقعد ع الارض وتضم رجليها لحضنها وتحط ايديها علي ودنها وبتعيط لييييل
ناديه: حراام عليك دي بنت اخووك
عصمت بيزقهاا ابعدي عني
وبيكسر الباب
ناديه: حور بنتي حسبي الله ونعم الوكيل فيك ياعصمت
بيدخل الستات يمسكو حور
حور: ابعدووو
عصمت: نص ساعه تكون جاهزه ويسيبهم ويخرج
حور: ابعدوو وبتقاوم بشده
ولكن هما كانو اقوي من جسمها الضعيف
ناديه بتضرب الستات ع ضهرهم ابعدو عن بنتي
واحده منهم دي اوامر عصمت بيه سيبينا نشتغل
حور: لييل
هادي: بتحبها للدرجه دي يا ليل
ليل: بحبهاا اوي ياهادي ومش قادر اقتنع انها لغيري عيون ليل بتدمع ف بيلحق يمسح دموعو قبل ماتنزل
هادي بيفرك في صوابعو وبيحاول يسيطر علي نفسو
عند حور
كانت قاعده ع الكرسي قدام المراايه ودموعها ع خدهاا خلاص ياحور مسيرك وليد بتعيط اكتر وتزق الست الي بتحطلها ميكب وتجري علي باب البيت بتلاقي راجلين ماسكينها وبيرجعوهاا للأوضه
حور: ابعدووو ليل هيجي يقتلكم مش هيسيبني فاااهمين
ناديه بتعيط علي بنتها بس مفيش ف ايديها حيله خوفها من عصمت اكبر منهاا لانها خايفه يقتلها لان في الحالتين هيئذي حور
عصمت: هاا العروسه جهزت
واحده: جهزت ياباشاا
عصمت بيقرب من حور مبروك ياعروسه
حور بتبصلو والشرار هيطلع من عينهاا ليل مش هيسيبني صدقني
عصمت بيشدها من ايديهاا يالا عريسك مستني
حور بتبص ل امها ماما زي ما اتفقناا
عند ليل
ليل قاعد مضايق هو فرحها امتا ياهادي
هادي: النهارده
بيبصلو ليل وعيونو فيها زعل ويرجع يبص قدامو
هادي لييييل الحقهاا انا اسف بس مش قادر
ليل بيقوم في خوف هادي
هادي: هي كانت جايالك تنقذها من اعمامها قالت انهم قتلو ابوها وهيجوزوها غصب بس كنت خايف عليك
بتتسع عيون ليل في دهشه حوور ونزل بسرعه وقبل مايركب عربيتو بيلاقي مامت حور بتجري عليه ليل الحق حور يابني
ليل: متقلقيش مش هسيبها وبينادي علي واحد من الحراس وصل مدام ناديه علي الڤيلا بتاعت بابا وانا هجيلكم بعد شويه متخافيش هجيب حور معاياا ويركب عربيتو ويجري وهادي ورااه بعربيتو
عند حور
قداام ترابيزه المئذون
المئذون: مين موكلك يابنتي
عماد: ان..
حور: انا وكيله نفسي
عماد بيخبطها في ايديها انا وكيلك
حور: انا وكيله نفسي اكتب عندك ان العروسه مش موافقه ومغصووبه ع الجواز
المئذون بيبص ب استغراب انا مش هقدر اكتب الكتاب
عصمت بعصبيه حوور اتعدلي احسلك وانت تكتب الكتاب وانت سااكت ويشد القسيمه من المئذون امضي هناا
حور بعند بتسند ضهرها ع الكرسي مش همضي
عصمت بيبرق امضي
حور بتمسك القسيمه وتقطعهاا وتحدفهاا ع الارض
عصمت بيمسكهاا من شعرهاا ويرفع ايدوو ويضربها بالقلم
كان ليل وصل وشااف المنظر قداامو
حوووور
حور بتبص علي ليل وتضحك وتبص لعمهاا قولتلك ليل مش هيرحمك
وليد بيقف وراا الكوشه خايف ليل يشوفو
ليل بيطلع قداام عصمت وبيبرق عينيه انت ازااي تمد ايدك عليهاا اعتذرلهاااا
عصمت بيبص ل ولاد اخواتو والبلطجيه بتوعو اضربووه
ليل وهادي بيبصو حواليهم ويشوفو العدد الكبير بتاع البلطجيه
ليل: بيمسك ايد حور اجروووووووو
هادي وحور بيبصو لبعض ويبرقو ايييه
ليل بيشد حور ويجري وهاادي معاهم.
عصمت: امسكووهم اوعو يضيعو منكم
حور: هههههههههههههههههه
ليل وهاادي بيجرو بكل قوه ويبصو ورااهم وعدد هائل بيجرو وراهم هاادي يالهوااااااي
حور ماسكه فستانها في ايديهاا وبتجري وبتضحك
ليل ماسك ايد حوور من هناا من هناا العربيات هناا
بيركبو العربيات ويجرو وبيقف البلطجيه الي كانو بيجرو وراهم عشان مش هيلحقووهم
حور بتبص وراهاا يخربيتك انا قولت هتضربهم
ليل:اضرب مين دول ١٠٠ واحد
حور: ههههههههههه
هادي بيجي جمب عربيه ليل الجري اييه
ليل: الجدعنه كلهاا هههههههههه
بيضحكو ويوصلو علي الڤيلا
ناديه: حوور
حور: انا كويسه انتي كويسه ياروحي
ناديه: عملت كل اللي قولتي عليه يابنتي
ليل: حور انتي كويسه رجلك اتعورت ولا حااجه
ناديه تتعور ليه هو انتو ضربتو بعض جاامد
ليل وحور بيبصو لبعض ويضحكو
حور: ليل مرمت عمي عصمت وضربو ضرب
ليل بغرور لا دااعي للشكر
بيضحك الكل
ليل: حور اطلعي غيري الزفت الفستان داا
حور: حاضر
طلعت حور غيرت وخرجت البلكونه لقت ليل في الجونينه ف نزلت
ليل
ليل: تعاالي
حور: انت كويس
ليل: كويس
حور: شكراا علي مساعدتك ليا كنت واثقه انك مش هتسيبني
ليل: حور ليه كنتي واثقه اني مش هسيبك تتجوزي
حور بتبص في الارض عشان احنا صحاب
ليل بيبصلها ويرفع عيونها لعيونو بس انا مش بعتبرك صاحبتي
حور: ولا اناا
ليل بيبتسم ويمسك ايديهاا احم
شوفي خايف اقول اني حبيتك تطلعي مبتحبنيش وخايف اطلب ايدك ترفضيني وخايف اخدك غصب ع الشقه تكرهيني
حور: اعمل اي حاجه فيهم متخافش
ليل بيضحك بصوت عالي بحبك
حور بتبص في الارض ووشها يحمر
ليل: كنت مشتاقلك اووي ومفتقد وجودك معايا الشقه ملهااش اي طعم من غيرك جنانك كان محليهاا واكتشفت اني ادمنت وجودك..
حور: بحبك اووي يا ليل
تاني يوم
ليل: هادي عرفت اي
هادي: عصمت داا كبير البلطجيه عندهم وراجل خطر وبيتاجر في السلاح وعماد اخوه شغال معاه وعيالهم بردو
ابو حور كان راجل محترم وعندو فلوس كتير مش شويه عمل الفلوس دي من شغلو براا كان بيسافر دايمااا دا غير ان جد حور سايب ميراث جامد اووي بس عصمت مخبي الورث دا عن حور يعني حور وامها معندهمش علم بيه اصلا
والي عرفتو كمان ان في ٧ فدان ارض مكتوبين ب اسم ابو حور لكن عصمت زور الورق وكتبهم ب اسمو يعني واخد كل حاجه وبرغم ثروت عصمت ومع ذلك طمعان في فلوس حور الي هي جزء من ثروتها الحقيقيه
ليل: طيب تعالا نفكر بقاا هنوقع عصمت داا ازااي
ليل بيتفق مع راجل يراقب عصمت ويعرف مخبي السلاح فين
والراجل قدر يعرف وبلغ ليل
ليل بلغ البوليس ع المكان وقدر يفهم من المحامي حق حور هيرجعلها ازااي
عند عصمت كان واقف مع ابنو واخوه في المكان بتاع السلاح بيتفقو ع عمليه البيع الجديده
البوليس بيقتحم المكان ويقبض علي عصمت وعماد ووليد وولاد عماد وكل الرجاله الموجوده
محامي ليل قدر يثبت تهمه قتل ابو حور ومع التعذيب والتحقيق عصمت اعترف بكل الجرايم الي عملها واعترف انو اكل ورث حور كلو
ورجع كل املاك حور ليهاا
في الڤيلا
ليل: حوور
حور: نعم
ليل: حقك رجعلك وحق ابوكي رجع واعمامك اتقبض عليهم
حور: بجد يا ليل
ليل: الورق داا في كل املاكك الي عمك اخدهم بدون علمكم واعترف بكل حاجه حتي قتل ابوكي
حور بدمووع الحمدالله يارب
ناديه الحمدالله
حور: انا لازم اروح لبابا
في المقابر
حور: بابااا حقك رجع كل املاكك رجعتلنا واخيرا الخوف مشي هنقدر نعيش في رااحه مفيش جبروت عصمت وعماد مفيش جواز حور ل وليد انا مبسووطه اوي يا بابا
بترجع حور مع ليل ع الڤيلا
ليل بيقرب من ناديه
انا طاالب ايد حور منك يا أمي
ناديه: طبعاا موافقه انا هلاقي احسن منك
ليل بيبص لحور موافقه
حور بكسوف مواافقه
يوم الفرح
حور كانت لابسه فستان ابيض شيك اوي ومكياچها جميل وهادي وليل كان لابس بدله سمرا وجرافته شيك
ليل كان واقف في نص الڤيلا باصص لفوق مستني حور
علي سلالم كبيره بتنزل حور شكل الاميرات
ليل كان مبهور بيهاا وعيونو بتقول اد اي بيحبهاا
حور: شكلي حلو
ليل: يجنن
بحبك
احيانا بنشوف اشخاص من براا اد اي بنلاقيها قااسيه صلبه مبتتأثرش بحااجه تخليك كاره حياتك مش طايق حد جمبك مش طايق حد يتكلم مش عاوز تسمع حد ولا حد يسمعك بس لو دخلناا جوا الاشخاص دي هنلاقي طيبه وحنيه وحب كبير بشاعه الدنيا خبيتهم وظهرت اوحش ما فيهم المظاهر خداعه متحكمش ع حد من موقف من نظره من كلمه اعرف الشخص كوويس بعد كدا قرر وخليكم دايما فاكرين ان بعد الظن اثم.. 🌺❤
... الخاطره بقلم ورده حواا...
النهايه..♥
♕بقلم يارا غزلان♕
