اولاد العم

الجزء 4 هذا بارت هدية

#اولاد_العم ٤

#بقلم_أم_مختار

رحاب دخلت ع اعصابي وخواتي مو يمي خايفه عليهم
شوي وسمعت اصحابه يزفو
ضليت ارجف جسمي كله يرجف وتوترت هو كال ميصير شي بس شكليات كبال ناس حتى لا يكولون ليش تارك بنت عمه
دخل قوت رجفت جسمي ما اريد بخاطري  اصرخ واكول ما اريد ما اريد اعيش هل لحظات
جهاد زفوني دخلت عليها من بعيد اشوف جسمها يرجف خايفه
من شنو خايفه
رحاب كمت ع حيلي مو من شي
اجيت وكفت كبالها بحياتج لا تخافين مني
بأذن الله طول عمري اكون سند الج واذا بيوم بدر مني شي عذريني
رحاب الله يحفظك الي
خذيت نفس عميق
اريد اكلج شي بس خايف من ردة فعلج
رحاب شنو
رفع راسي الى والدي يكول يردون البياض
(هنا كذبت اللحضه ضعفت اريدها ليش ما اعرف )
رحاب لا لا متفقنا هيج
جهاد اعرف بس يكول الناس تحجي
وناس شعرفها
جهاد اكو حيه بالبيت لو نسيتيها
( يقصد زوجة ابوي )
رحاب الله يخليك ما اريد
جهاد هذا هو ما اريد مو بلازم
انا رايح للحمام ابدل
وانتي بعد بدلي لحظه بس
رحاب خله ايده ع شفايفي وبعثر حمرتي بقوه
رحاب اه جاي اتعور
جهاد لازم اليوم يخلص وما نخلي شك يحوم حوالينا تمام
تحممي وطلعي شوي واطلع الهم
بتسمت تمام
جهاد ضحكين علي مو هههههه
رحاب لا و الله
جهاد حبوبتي هسا دك باب وكولي جهاد مكال
رحاب الله يعينك
اجيت اروح ابدل لزم ايدي
طالعه حلوه بالفستان حيل
خلي ناخذ صوره سوه
رحاب ليش
جهاد بعدين تتندمين اذا متاخذين صور
قبلت وخذينا كم صوره وحدي هم خذالي صور
بالفون مالته تحممنا وبدلنا وفعلاً ندك باب
سمعنا صوت حبوبته جا شنهي يمه شو تأخرت
جهاد جايج حبوبه
طلع وعلكت الهلاهل ودخلت وعد وعمتي ها بشري
لحظات ودخل جهاد كلشي تمام يمه فرحت الام وهلهلت
وطلعت
(جهاد وهمت اهلي انو انا رايدها وهيه رايدتني )
رحاب فدوه خواتي
جهاد اليوم يباتن يم امي ما اريد احد يحس بشي خوش اريد من اول يوم تنتهي هل لعبه عدهم
وصبرت روحي بالكوه بدون خواتي
تعشينا بعدها لبست تراكه ونام
فتحت الكنتور زين جانت اكو دشاديش مستوره
لبست ثوب طويل وحجابي ذبيته ع راسي بس
جهاد لا طوخيها الحجاب ذبي 
رحاب مو هذا
جهاد وقت نوم ما اباوع لا تخافين
ذبيت الحجاب واجيت يمه
جهاد ما راح اكلج انتي نامي بالكاع او انا
ثنينا هنا نام والي يجاوز حدوده هو يتحمل ردة فعل ثاني
وبتسمت
رحاب ههههههه كضيت ليل كله ما اكدر انام
ترا ما اكل والله
رحاب ههههه مو ما متعوده
جهاد فدوه الهل ضحكه
رحاب ليش هيج جاي سويلي
جهاد ما اكدر اشوفج متأذيه وما اسوي شي
رحاب بس مو زواج
جهاد المخلص الوحيد من عمي هو زواجج مني
رحاب وتالي شنو يصير
جهاد كل خير
رحاب انا خايفه ع خواتي
جهاد مدام انا موجود لا تخافين
عدة ايام غراضي كلها صارت بغرفته
حتى من يجي تعبان ميقبل نروح ل غرفتنا يكول من اشوفكم ارتاح
بديت اتعود ع وجوده
من اشوفه افرح احسه مصدر اماني
جهاد قرب رحاب الي يوترني
وجودها بالغرفه يخليني اراقبها اراقب شنو سوي
بالمقر انا الي هيبتي بس امام هاي البنيه احس بروحي مراهق
ممكن هذا سبب زواجي منها معقوله انا احس بشي تجاها
لا لا مو معقول مسحت وجهي بأيدي بدلت وطلعت
رحاب وين رايح
جهاد يم شباب شوي
عهد اريد حلويات
جهاد تدلل الحلوه
رحاب طلعت اسوي العشا
عمتي مقبلت امي انتي سويتي الغدا العشا ع بنات
نور ود يلا تعالن ساعدني
عمتي حبابه وطيبه مرات تحجي كلمات صح ضوجني بس ك ام حقها
فد يوم تعارك ابوي وزوجته وراحت زعلانه
بس مصار صياح مثل مجان يصير مجرد صياح بسيط وطلعت
والدي بهل يومين تخبل
ساعه 12 رجع سمعنا صريخه من درج كلنا طلعنا
محمد انتن وامجن مو شريفات
اهوو رجع يخربط
محمد انتن دمرتن حياتي الله لا يوفق امج
انا نسحبت رجعت للغرفه سكران منتهي ويحجي وما يربط الحجي
جهاد ابوج رسمي تخبل
رحاب ابوي من يومه مجنون
نومت ود و عهد نامت
لبست ثوب قصير مشغلين فقط كلوب نوم
ودخلت بالغطا مالتي
اما جهاد من يريد ينام يلبس فقط شورت بس كبال بنات ما ينزع بليل كلش
رغم الغرفه ثلج بس هو هيج متعود
جهاد بشنو تفكرين
رحاب اكول امي ليش جابتنا ليش 3 جان كتفت بيه وخلص تعرف ابوي مو زين ليش جابت عهد ود وهيج سوت بينا
جهاد ترا امج ومع احترامي الج ماديه
رحاب مع الاسف
كمل جهاد ووالدج ما ينطي فلوس الى بمزاجه
هسا عبير ( يقصد زوجة ابوي ) تعرف ب أساليبها تاخذ الفلوس
بينما امج جانت بالعرايك وانا اكثر من مره شايفها تسرق منه
رحاب خجلت من حجه هيج
جهاد ما اريدج ضوجين من كلامي
بس طريقة امج مو مالت انسانه تريد تعيش وتلم اطفالها
اي اكيد انا لو يصير عندي اطفال ما ممكن هيج اسوي بحياتهم
جهاد تردين اطفال
رحاب ها لا مو هيج اقصد
جهاد ههههههه
رحاب تصبح على خير
جهاد رد كلبي عليها ( يكفي اصبح بوجهج )
خلي اوصفلكم رحاب
رحاب طولها 160 جسمها متروس بس بترتيب
عيونها عسليه و شعرها طويل حيل ومو اسود بي خصل شكره وسألتها انتي صابغه
رحاب لا هاي من الله هيج شعري
وجناتها يخبلن وشفافها اوووف اخاف تنتبه من تحجي انا اصفن بيهن
جميله وهادئه وتنحب
رحاب ساعه 4 ونص كمنا صلينا حضرتله ملابسه وطلع
ديري بالج ع بنات تركت مصروف الهن بالكنتور يجوز اليوم ابات بالمقر
رحاب ليش
جهاد مو يمكن الرائد يجي انا يوميه اطلع هريبه ميصير نجي
رحاب الله يحفظك
طلع ما يحب يبات بالمقر يكول ما ارتاح
كضيت اليوم ارتب بالغرفه ونضفت البيت
سمعت صوت عبير جوه يمكن ابوي رايحلها
عبير رغم زاعلت وي ابوي بس 3 ايام واجت
امي من جانت تتعارك وي ابوي 3 اشهر تكضيها تتعارك ويا لا هيه رايحه الاهلها ومخلصتنا ولا هي ساكته ومريحتنا
اووف الله يهديج مشتاقتلها اكول ما حن كلبها علينا ع ود تكول خطيه هاي طفله شنو ذنبها
حتى عهد حبيبتي صغيرونه
عده اليوم تصلت على جهاد الو
هلا
رحاب تجي
جهاد لا اليوم ابات بالمقر
رحاب دير بالك ع روحك
جهاد تنهدت تخافين علي
رحاب مالنا من بعدك احد
جهاد رب العالمين موجود
رحاب ونعم بس الله دزك النا انت ملاكنا الحارس
جهاد اووو راح اشوف روحي
رحاب هههههه
جهاد ابوي انتي انتي الي ديرين بالج ع روحج لا تخليني قلقان عليكم باجر صبح اجي
رحاب ان شاء الله في امان الله
جهاد الله وياج
رحاب سديت الخط مدري ليش ابتسم من اخابره اكضي المكالمه فرحانه
عشيت بنات ونومتهم باجر دوام عهد صبحي
ك العاده تحممت ولبست ثوب قصير ومرتب
نومت ود حطيت راسي ع مخده ندك باب الغرفه ساعه 2 بليل يا ساتر منو
جهاد انا فتحي باب
ركضت فتحت باب مو كلت ما اجي
جهاد رائد راح كلت اجي شعندي ضال
متعشي
جهاد اي متعشي بس اريد كوب جاي راسي موتني
صبيتله جاي لكيته متحمم ومبدل تراكسود
تعاي يمي تصدكين اذا اكلج تعودت انام يمكم
رحاب احنا هم حسينا اليوم محلو بدونك
شرب جايه وخله راسه ع مخده نمنا الصبح راحت عهد
وود كعدت كبرت حبيبتي صار عمرها 6 اشهر بديت اوكلها شغلات
جهاد اروح للعيون زرك فدوه
رحاب الوتيه مدري عليمن طالعه عيونها زرك
عمي حسين ع جدتي ام ابوي جانت عيونها زرك
رحاب خوش جينات طافره علينا
جهاد الله يحفظها خذاها كمنا سوينا ريوك وكعدنا نتريك عمي طلع للشغل
وابوي هم
ثنينهم يشتغلون بالنفط
جهاد طلع وباسل هم
ود حبيبتي تلعب وتناغي
انا وعمتي سوينا الاكل
العمه يمه ماكو شي بالطريق منا منا
رحاب حيل انقهر عليها من تسألني هل سؤال
لا والله ماكو شي
العمه يمه صار 3 اشهر مزوجين بلكي الله يصير شي والله
بس اريد اشوف ولده خايفه اموت وما اشوفهم
رحاب عسا عمرج طويل وشوفين ولد ولد ولده
سكتت العمه بس داخلي يغلي ما اعرف شنو اسوي
انا احس الي ذنب بهل الحزن الي بداخلها
الايام تمشي و عهد نجحت وابوي هو هو ما تغير بي اي شي وياي مثل وحش بس وي زوجته مدللها دلال
الخبر الي نتشر بأسرع من البرق حمل عبير وابوي فرحان ونذر الف نذر بلكي يطلع ولد
البيت هدوء
وعد من دوام للبيت
و نور كل همها المكياج واللبس والصور
عمي ماقصر ويانا بأي شي
اليوم عيد ميلادي صار عمري 19 سنه
19 سنه مشفت بيهم يوم حلو
جان جهاد بالشغل انا وعهوده سوينا كيكه وخلينا فوكاتها ككو وجوز مبروش شفناها ع يوتيوب و قلدناها
طلعت حلوه وطيبه
وياي بيت عمي
زوجته عمي كل عام وانتي بخير وان شاء الله سنه تجي تحتفلين وي ابنج
ان شاء الله
عمي انطاني فلوس كال هاي هديه العيد ميلاد
جهاد
———
وجود رحاب بقربي يحسسني براحه
من اشوفها ابتسم لا اردياً
بس اعرف هذ مو حب اعجاب بأسلوبها ب شخصيتها
بشعرها ما انكر نقطة ضعفي اتجاها
حياتي وياها حلوه صار 5 اشهر مزوجين
رغم ما بينا أي شي بس وجودها بقربي يكفي
رجعت للبيت هاا شكلها اكو خيانه
رحاب ههههه اليوم عيد ميلادي
جهاد ب استغراب وليش مكتيلي
رحاب مو عندك شغل محبيت نشغلك
جهاد كل عام وانتي بخير
وانت بخير
رحاب
——-
سوينا عشا ونومت بنات عطله عدنا نهاية سنه
حبيبتي ود كبرت وكل متكبر تحله فدوه العينها
جهاد زعلان انا
رحاب ليش
ليش مكتيلي ع عيد ميلادج
رحاب اعرفك متقصر وما اريد اكلفك انا
جهاد / ليش تفكرين هيج انا معندي غيركم
سعادتكم هيه سعادتي
رحاب كلماته مثل البلسم الي يداوي الجروح
الله يخليك النا
ويخليج الي
رحاب / من يباوع تركيزه ع شفايفي انا هيج احس لو هو صدك هيج ما اعرف بس يوترني من يسوي هيج
ثاني يوم اجه جهاد من شغل جايبلي كيكه و هديه
رحاب هاي شنو
جهاد كيكه عيد ميلادج وبيها رقم 19 حتفلنا مره ثانيه
والهديه جان جهاز
عهد الله يجنن ماما رحاب
التفلت الكلمتها اول مره تكلي ماما
عجبج خوش انا وياج بي تمام
عهد متفقين
شكرت جهاد
من دخلنا للغرفه كلي انا اشتري تابلت ل عهد
رحاب ببتسامه شكراً الك
حملي وتساب وخله رقمه حتى يخابرني لئن جنت احاجي من تليفون عمتي
بديت اتعلم بي شو شوي
وبالشغل يتصل علينا يحجي ويانا

يتبع .....
بليل اكو بارت هم ان شاء الله
لحد يكول بارت قصير البارت 1589 كلمه