اولاد العم

بارت 10 حال جهاد بالفيديو

اولاد العم 10
ثاني يوم ندك الباب
كون انا اقرب للباب صحت منو
اجاني صوته دك كلبي ما  عرفت شسوي
جهاد
——
امس عيد ميلاد عهد وما كدرت اروح بالشغل جنت
اليوم قررت اروح اخذها واطلعها واونسها
حسين كلنا نطلع نوديهم المدينة الالعاب
جهاد تمام رايح اجيبها
حسين جيب وياك ود
جهاد تمام
وصلت وديكت الباب
للحضات تمنيت هيه تفتح باب
واجاني صوتها رف كلبي حطيت ايدي ع كلبي اهدء مو معقول هيج يصير وياك انت اقوه من هيج
جهاد جاي على البنات اريد اطلعهن ياريت تحضريههن ويجن للسياره
رحاب حاضر
رجعت ممصدكه طلعت عهد الى فهمت منه هو يريد يطلعها بمناسبه عيد ميلاده
عهد لبست فستان وود خفت عليها حبيبتي صغيره وناعمه بس كلت خاف ما اخلي ياخذها ويزعل عمي لئن كل ل عهد ابوي يريدها
بدلتلها فستان احمر وطوك احمر وحذاء ابيض
جهاد لحضات واجتني عهد ود
عهد ماما رحاب تريد تحجي وياك
رحت يم باب نعم
عهد فدوه ود تخلي ايديها بكل مكان انتبه من الالعاب وهم خلي عينك عليها وحتى لو يرحون للحمامات روح وياهن
جهاد تمام خذيتهن وطلعت
توصيني عليهن وانا بخاطري ادخل افرك حلكها
رحاب
——-
البيت صار هدوء
عبير جايبتلي خياط خيطته وخيطت فرشه الغرفتها
بهل  جم ساعه
ندك باب جيرانه يردون يخيطون كلش فرحت خذيت القياسات وراحن
فرحانه بهل شي الي اسوي بلكي فتره واعتمد على روحي ومحد بعد يطيني مصرف استحي من عمي شنو ذنبه
وابوي ما يريد ينطي
على طاري ابوي دخل
محمد رحاب وينج
رحاب هنا
محمد وين بنات
رحاب راحو وي بيت عمي
محمد هاج هاي جبتلهن كل وحده تراك
كضيت الكيس وانا مصدومه شنو كلت
شبيج كلت جبت الكل وحده تراك تمنيت واحد يكرصني اريد اصدك
صح هو جايب لجواد هواي
شغلات بس جايب للبنات مصدومه كلش مصدومه اول مره يسويها
خذيت ملابس وطرت للغرفه فتحتهن و الله حلوات بيهن لعاب وكلش حلوات
جايب ل ود واحد و العهد
ضميتهن كلت هسا يجن يفرحن بيهن
ساعه 9 ردن
وعهد تحجيلي شنو سوو
والهدايه بأيدها
جهاد مشتريلها فستان يخبل و مشتريلها ملابس مدرسه
حتى ود جايبلها لعابه
وك العاده مصرف بيد ود
وباسل جايبلها تراجي ذهب ناعمه
رحاب تعالن شوفن بابا جابلكم تراكات
عهد صدك
رحاب اي شوفي
عهد حلوات
رحاب روحو بوسو راسه وكلوله شكراً
راحت عهد ود متفهم شي
عهد بست راسه شكراً
الاب بالعافيه وين رحتو
وبديت احجيله شنو سوينا عايدني بعيد ميلادي ورجعت
رحاب نامن البنات من تعب وكساع اباوع للملابس جابهن ابوي مصدومه للحضه تمنيت جايبلي حتى لو شال
مدري ليش هيج حبيت يصير
يلا المهم البنات احس انا لابسه من هنا يصير عدهن ملابس
الفجر صلاة الفجر طلعت توضيت ابوي شفته توضه ونزل يصلي بالصاله
شفته لازم درج
رحاب بقلق بيك شي
الاب لا بس نعسان
رحاب سندت ايده اول مره الزم ايد ابوي
شكد تمنيت يحبني ويمسح على راسي ويكلي بويه لا تخافين انا وياج خيولون المهم انا وياج وما اتركج لحضه قاطع تفكيري ابوي
روحي صلي اذن
رحت اصلي ورجعت نمت
ايام تمر و زباين كثرو من يجوني اطير من الفرح ع الاقل اطلع مصروفنا
بيوم جمعه والدي معنده شغل
قرر يطلع عبير وجواد للمطعم
عهد جا وحنا بنات البطه سوده
الاب غير مره اخذكم
عهد وشنو بيها اذا رحنا وياكم
رحاب ابد ما دخلت اعرفها تاخذ حقها
عبير هل مره احنا المره ثانيه انتو
عهد كل مره انتي واحنا بس نباوع
رحاب هنا نجلطت حرفين ابوي كللها بدلي انتي وود وتعاي  ويانا
عبير مو كلت اطلعج واونسج
رد ابوي اي اونسجن كلجن
انا هنا دخلت غيبوبه من صدمه
عهد تحجي وياي انا مضيعه
بدلت عهد تعاي ويانا انتي هم
ذكرت من كال بدلي انتي وود وتعاي ويانا
اذن انا ممعزومه لا حبيبه روحي انتي وتونسي عندي خياط
طلعت هيه وود
رحاب فدوه بويه دير بالك على ود ترا وكحه وحركه
الاب ان شاء الله خذاهم وطلع
كعدت على المكينه اخيط القماش هذا الوقت الي يطلعون بي اخيط وابدع براحتي
ندك الباب منو
باسل انا باسل
رحاب هلا بسول تفضل
جا عمي وين
رحاب خذا البنات وعبير وطلعو
باسل هااا
رحاب هههههه انت هم مصدوم
باسل يا بنات الخذاهم
رحاب خواتي
باسل عمي محمد ؟ لو انتي مصخنه
رحاب لا و الله هو
باسل جا خوش انا اترخص غيره مره اجي طلع وسديت الباب
باسل رجعت وحجيت ابوي تفاجئ
حسين بلكي الله هدا
باسل ان شاء الله
رحاب رجعو وعهد محمله العاب وغراض
جان بالنسبه الي يوم الصدمه العالمي ابددد ما مخلي شي مجايبه العاب وملابس حتى شكالات وجنطه ل ود وكلشي
اكياس هواي ولي اول مره ادور عسا ولعل بيهم شي الي
عهد ع شنو دورين
رحاب نطقتها وانا محاسه  ع روحي مثل طفل
ما جايبيلي شي
عهد كلت البابا كال خلصن فلوسي
رحاب هاا خوش ان شاء الله غير مره
ادري مخلصن فلوسي بس هو ميريد يشتريلي
يلا مو مهم المهم خواتي متونسات
ضل ابوي من يجي من شغل شنو يجيبلهم يقسمه وي البنات
وانا متونسه كلش خواتي ميحتاجن احد وفرحانات
اجه رمضان
ابوي مقصر بالمسواك قسمه بالنص
انا صراحه مستغربه
بليل ندك الباب عمي
بوست راسه دخل وكعد يسولف وي ابوي
وجايب ويا اشكال من الغراض
ونطاني مصرفي
حسين شونكم انتو
رحاب الحمد لله بخير
حسين يكولون اكو ناس كلش مهتمين بيكم
رحاب مرات ردود افعالي احسها مالت اطفال كلت بفرح
قصدك ابو ي اي كلش مخالنا ابدد كلشي يجيب
باوع ابوي الي ورجع نزل راسه
حسين الله يثخن لبنكم
عهد عمو جاي العيد اريد تشتريلي ملابس ول ود ورحاب
العم تدللين
محمد لا خويه انا اشتريلهن
عمي بفرح صدك ما اكول لا مو علمود الفلوس بس اريدك انت شيل مسؤليتهن
بيومها طرت من الفرح ابوي من كال هيج
جنت اطبخ واصعد
بيوم رمضان كال مشتهي دولمه
رحاب انا اسويلك باجر تدلل
محمد خوش
عبير اي والله تخلصيني من دولمه
كعدت صبح وسويتها وحطيت بيها ضلوع فرحانه وانا اسوي بيها احس صار عندي عزوه صح انا ما يتقرب مني او يحجي وياي مرات يحجي
بس انا فرحانه بي
ضاكها وانا اترقب ردة فعله
محمد طيبه الدولمه وكمل اكله
رحاب بالعافيه
قبل العيد بيومين ابوي نزل كال بليل اروح نشتري ملابس العيد
انا فرحت بدلت للبنات وانا لبست احلى عبايه عندي
راح يصير سنه مطالعه من البيت
وكفت وي البنات ننتظرهم من نزل عقج حواجبه
رحاب صاير شي
عبير مو هذ
رحاب شنو
محمد مو فلوسي بس على كد البنات وعبير وجواد
رحاب حسيت شي بداخلي نقهر بس ابد ما بينت اي عادي اكيدد ماماتي روحو وي البابا مو تعبو وشترو ملابس حلوه
عهد وليش رحاب ما الها فلوس كل مره تشتريلنه وتخليها
رحاب سكتتها هل مره انا عندي كوومه ملابس ميحتاج اشتري انا ردت اروح اخاف عليجن وهم تعبن ابوي
عبير عود غير مره نشتريلج
رحاب شايفين هاي ضحكه المكسوره هيج عيناً ضحكتي
هنا جان عمري نهاية 21 سنه
ان شاء الله جاوبتها ودخلت نزعت الملابس وما ردت عقلي يفكر بشي سلبي
جهاد ابوي ك العاده جمع البنات وكال اروح للمول نشتري ملابس ونتعشا
امي وشعجب بنات اخوك مو ويانا
حسين بفرح ابوهن راح يشتريلهن
العمه ها هم خوش طلعنا بسيارتي
كلش زدحام
بويه جهاد تعالو نكعد بفد مكان هنوب نتفق شون نمشي
اجينا نكعد كبالنا عمي شفنا
معقول راح اشوفها زين لابسه لبس مو محتشم لو لا الف فكر براسي ابوي كال امشي يمهم بعد سلام
شفت بس عهد وود يمكن بالحمام هيه
حسين ها جايين تشترون ملابس
عهد بفرح اي عمو
العم وين رحاب
عهد بابا كللها معندي فلوس الج فا ما اجت
جهاد ولا مره طلعت من عنده كلمه بيها حظ الها
ذكرت الي جان يسوي بيها
ما ستغربت سوالفه
حسين شسالفه خويه جان كملت جميلك بقت عليها
عبير مو هو ما ماخذ راتب
حسين ترا انا ومحمد بنفس الموقع  وثنينه خذينا راتب
بعد شنو هل كلام
عبير مو زين راح يشتري الهل بنات
حسين سكتت عنها
محمد خصم الكلام انا ما اريد اشتريلها هاي بنات ما اقصر وياهن هيه تريد تشتري روحها بكيفها
حسين هذا هو
جهاد بويه انا ماخذ البنات و باسل ورايحين نشتريلهن وانت اخذ امي
باسل اباوعلها فرحانه
باسل تجين ويانا
العم لا انا اشتريلهن
باسل دير بالك عليها
طلعنا نسوك
رحاب خيطت ثوبين
ورتبت مكان الخياطه وكعدت اباوع ع اليوتيوب
سمعت فتحت الباب اجو دخلو وعهد وود متونسات حيل
وعمي وعائله هم نزلو صبيتلهم جاي
نور تباوعلي بعيونها حجي
وعد سلمت وحضنتني مشتاقتلج
رحاب انا الاشوق
وعد انا حامل
رحاب صدك الف مبروك ربي يجعله من الاولاد الصالحين
وعد امين
عهد شتريت فستان وعمو باسل شترالي بنطرون وبدي
رحاب بفرح بالعافيه
ود تجي تحجيلي عود هم مثل عهد
حسين بويه بقيتي بس انتي معندج ملابس
جهادكاعد ع درج واشوف ردة فعلها
رحاب عمي انا ما اريد انا عندي كومه ملابس واصلاً انا ما اطلع
اجه صوت عهد
لا عمو هيه رادت تجي بس بابا ما كدرت يشتريلها
رحاب مو هذا بابا كال بليل نروح نشتري ملابس عبالي انا هم اروح وياهم
حسين اي من المفروض
رحاب عمي انا مو زغيره حتى ملابس العيد اشتريهم
وعد كلنا شترينا حتى الولد وابوي شترالهم
رحاب مو انا ما اطلع عمو
حسين باجر اخذج اشتريلج
رحاب عمو ابدد ما اقبل انا ما اريد ملابس
بست راسه الله يخليك النا
رحاب احجي بس بالي يمه كاعد ع درج ورجلي فاتحهن وحاط ايدي عليهن
بس طلعت رحت كعدت بنفس المكان هم يشتاقلي لو لا زين يذكرني لا يكول جانت بيناتنا ايام حلوه
ضليت يمه 4 اعياد وبكل عيد انا اول وحده تشتري ملابس جان مدللني ومحتويني الله يهديج يا نور
مرات اضعف ويجي على بالي اكله نور هيج سوت
بس اكول حرام علي خاف يموتها ويجوز ميصدك يكول تهمين اختي فاا ارد اسكت
بيوم العيد عمي حسين تصل على ابوي وعزمهم
محمد عمج يريدج خذيت تليفون وحاجيته
كل عام وانت بخير حجي
حسين وانتي بخير الله يسمع منج واصير حجي
رحاب احلى حجي باوعت ابوي يباوعلي
ان شاء الله انت وابوي ترحون تحجون
حسين ههههه امين بويه رحاب انتضركم ع الغدا ماشي
رحاب عمي اتمنا تعذرني من هل عزومه
حسني ليش بويه
رحاب لي اسباب امنيه ههههه
حسين ما اضغط عليج على راحتج
رحاب سديت الخط وبست راس ابوي كل عام وانت بخير يارب نشوفك حجي
محمد امين
اجن البنات عايدنه
محمد وانتن بالف خير بوسهن
عهد عيديتنا
الاب ههههه تفضلي انطاها 10
وود 5
اجت عهد تحجي خزرتها سكتت
جابو كيمر وكاهي وراحو البيت عمي
طلعو كاعده انا وصينيه الكليجه كل ما اضوج اخذ منها
ندك الباب ستغربت عبالي الجيران منو
جهاد
——
ستغليت فرصه كلهم اجو اريد احجي وياها
طلعت الهم دكيت باب اجاني صوته ورديت عليها
رحاب جهاد محد بالبيت
رحاب لحضات وحسيته بحوش البيت من الحايط
جهاد وشنو انتي تخافين اذا محد بالبيت
رحاب بخوفف  ادخل
دخل وانا ارجف والله هسا يذبحني محد يدري
جهاد اريد كليجه وعصير
رحاب قدمتله
جهاد حلوه العيشه هنا
رحاب الحمد لله
جهاد جنتي اميره بيتي
رحاب قدر الله وما شاء فعل
جهاد نذب مصايبنا على الله
رحاب .....
جهاد الي سويتي شنو فادج
رحاب اذا كتلك مو انا صدك
جهاد طبعاً لا
رحاب اذن ما يحتاج احجي
جهاد بعصبيه شنو ميحتاج تحجين لج انتي ساقطه مثل امج لج تليفون لكيته بكنتورج
رحاب انت ضابط تحقيقات بس وياي عميت عيونك
يا هل تره التليفون الي بي دمار حياتي احطه كبال عينك حتى شوفه ؟
لو احطه تحت الارض انت حبيت تعمي عيونك عن الحقيقه ونجحت بهل شي
جهاد ....
شوف جهاد انا حبيتك من كل كلبي وجنت اتمنا بكل لحضه الله يرزقني طفل وافرحك بي
بس انا متأكده الله مرزقني لسبب ما يريدني اتعذب
جهاد هههههه بريئه مو
رحاب مو مهم انت شنو تكول المهم رب العالمين يعرف شنو انا
جهاد قلبج عامر بالايمان
رحاب ....
جهاد عبالج عمي ما يحبج عبث حقه من يكول اكرها
يعرف طينتج مثل امج
رحاب نقهرت من هيج مال بس جاوبته المحبه من الله
الي يحبني نعم الله والي ميحبني خو ما اجبره يحبني
جهاد يجي يوم يزوجن البنات تصفين خدامه ل عبير
رحاب عبالي جاي تحجي شي جديد
تعودت من وعيت وانا خدامه لفلان وعلان
من امي وهسا اهلي بس مع هذا هذولي اهلي حتى لو اصيرر خدامه راضيه
جهاد تدرين شنو اتمنا
اتمنا يصير بيج شي اتمنا تموتين اتمنا
تنكص رجلج او ايدج
اريد اشوف شون يذلون بيج صدك ساعتها
اشمت بيج
رحاب ...... كلامه يجرحني حيل بس  معندي غير سكوت

البارت 2000 كلمه
نتبهت ع البارت 9 كلش قليل فااا حبيت اعوضكم
لئن انتو تستاهلون يلا انطلقو بتعليقاتكم الحلوه وانطوني رائيكم وشنو توقعاتكم للبارت جاي