لغز الاسبوع

اخي

بصراحه مش حابب اقول اسم الريف ايه نقدر نخليها اسطوره مرعبه مش معروفه

رجعت البيت بتاعنا الي في الريف ده و طبيعي اني ارجع لوحدي انا و ركس الكلب بتاعي بعد ما عيلتي كلها ماتت او بصراحه كده هما اتقتلو،لسه لحد دلوقتي من ١٢ سنه محدش عرف عيلتي ماتت ازاي..معدا انا ،لان تقريباً انا الوحيد الي شوفت اخويا بيحطلهم السم في الاكل؛

بعد تقريباً موت عيلتي بي شهر كان في ريحه مش حلوه خالص خارجه من اوضه اخويا ..اترددت كتير قبل ما افتحو انا فعلا كنت خايف منو..و خايف منو اوي؛بعد شويه قررت اني اخبط عليه

خلطت مره و اتنين تلاته لكن مفيش رد!قررت افتح الباب و هنا شفت جثه اخويا

اتصلت بالشرطه بسرعه..خمس دقايق عبال ما جم و عرفت ان اخويا انتحر و اتنقلت الي الدار الايتام الي في المدينه قعدت هناك ١٢ سنه لحد ما خرجت انهارده و رجعت تاني للريف و لنفس البيت الي شهدت في علي موت عيلتي كلها و شكلي هشهد في علي موتي بردو

من بدايا فتحي للبيت و كانت السعقه بنسبالي
البيت كانت مترتب كويس جداً رغم ان المفترض ان مفيش حد دخلو طول الاتناشر سنه الي فاتو مش عرف المفروض افرح ان البيت في اكل و مرتب مش هيتعبني ولا اخاف لان اكيد في حد بيدخلو
حتي لو حد بيدخلو هتردو اكيد ده بيتي؛
بدائت ارتب هدومي و اتفحص البيت كأني بستكشفو من جديد..

اليوم عدا عادي جداً لحد ما جه الليل و عشان الجو ملل في الريف شويه عن المدينه قررت انام..مش عارف نمت قد ايه بس ممكن نقول ساعه؟! و الي صحاني كان نباح ريكس كان بينبح بصوت عالي جداً كأنو عايزه يصحيني و عمال يجري في حديقه البيت بشكل هستيري؛خرجت عشان احاول اهدي و اشوف في ايه بس ملقتش حاجه
محاوله تهادئه ريكس كانت صعبه جداً بس اخيراً هو نام و انا دلوقتي هقدر اطلع الاوضه بتاعتي و انام في هدوء
حاولت انام بس معرفتش فا قومت اشوف الاخبار علي التلفون بعد تقريباً خمس دقايق عيني وقعت علي الشباك كان في حد واقف برا و مركز معايا..شوفت راجل طويل،عريض،بشرته شاحبه و عنيه كلها شر..حاسس انو اعرفو بس هو مش باين من الضالمه

ريحته تسللت لي،انا عارف الريحه دي بس نفضت كل الفكار دي من دماغي مستحيل يكون هو..ممكن يكون ده الراجل الي كان قاعد في بيتي ليه لا..قربت من الشباك بس ملقتش حاجه كأن شئ لم يكن

استنيت لحد الصبح و روحت عشان اشتري كاميرا ليليه بس لما رجعت لقيت ريكس مقتول!!مقتول بس طريقه بشعه انا كنت شايف احشائو خارجه من برا جسمو،ريكس كان صديقي الوحيد الموضوع كان مصدم حقيقي بنسبالي
سعتها تقريباً انا فضلت قاعد في الاوضه يومين كاملين مخرجتش منها من كتر حزني؛

مسكت تلفوني عشان اشوف لو في حد دخل البيت زي الراجل الي شوفتو اول يوم عن طريق الكاميرات
شفت راجل كان بيتجول في الصاله

كان هو نفس الراجل بنفس ضحكته المخيفه،انا عارف ان ده اخويا بس مش مستوعب ازاي..بحاول اقنع نفسي انو مش هو رغم اني متاكد من ملامحو و ريحتو الي شمتها اول يوم  متاكد من كل كلمه بقولها..

كان ماشي و بينقط منو قطرات سوده..بعدين طلع السلم كان متوجه لي اوضتي..شغلت التسجيل علي كاميره اوضتي..شوفت ملامحو بي شكل اقرب كان بيضحك من غير صوت و هو واقف قدامي بعدين نزل مكنتش عارف هو لسه معايا في البيت ولا مشي بس تقريباً هو حب يعرفني
صوت الفاس بتاعو و هو بيضرب الارض و بيحفر حفره قدام البيت عرفني هو فين و الاكيد ان انا الضاحيه الجايه
بس عارف انت ممكن تنقذني لو قدرت تحل اللغز ده و تقولي اهرب ازاي قبل نفاذ الاسبوع!؟