لغز الاسبوع

المدعوه بجنفر

حتي لو اتقال عاليا مجنون انتو لازم تعرفو الي حصل

اخدت جينفير من دار الايتام من تلت شهور و ده لان مراتي معندهاش القدره علي الانجاب

جينفير كانت لطيفه جداً و طبيعيه جداً اي نعم كانت بتروح الحديقه الخلفيه للبيت بشكل ملحوظ بس ممكن عشان مفيش اطفال في سنها في الحي فا بتلعب لوحدها..

في يوم صحيت علي صوت صويت عالي اوي و عشان نومي خفيف قدرت اصحي بسرعه بصيت من الشباك لقيت جرتنا هدومها كلها دم و الجيران حوليها و هي منهاره و بتعيط..لبست هدومي بسرعه عشان انزل اعرف في ايه بس الغريب ان جرتنا كل الي كانت بتقول" جينفر جينفر" مش فاهم حاجه ولا عارف هي بتردد اسمها ليه..

حسيت بحد بيمسكني من ورا و بعد شويه عرفت انها جينفر كانت بتبص لي جريتنا بي عيون خايفه و كأنها متعرفش في ايه

فجاه جريتنا بدائت تصرخ بي اسمها و تقولها انتِ السبب و قربت من جينفر جامد بس جينفر مرجعتش خطوه واحده حتي و فضلت واقفه قدامها و قالت لها" انا معملتش حاجه" الطريقه الي قالت بيها الجمله كانت مخيفه صوتها كان عميق و مرعب بطريقه خوفتني انا شخصياً..النظره الي كانت في عنيها مفظعه صوتها مليان غضب

بعد ما قالت الجمله سبتنا و راحت علي البيت،الحكومه جت و لقت ان زوج جرتنا مقتول بي سبعه و عشرين طعنه بالمقص و جرتنا قالت ان جينفر الي عملت كده بس مفيش حاجه في البيت عليها بصمات حتي الكميرات الليليه الي في البيت مغروشه من بدايه ما باب البيت اتفتح  و ده مخلي مفيش اي دليل يقول ان الطفله صاحبه العشر اعوام هي الي عملت كده بعد يومين كل حاجه بقت كويسه بس انا لسه شاكك فيها انا عارف انها تعتبر بنتي بس حاسس انها تعرف حاجه محدش يعرفها و رغم الهدوء الي بنمر بي بس حصل حاجه خلت الهدوء ده يختفي تماماً

مراتي سفرت لي اهلها عشان ولدتها كانت تعبانه و مكنش في حد في البيت غيري انا و جينفر اليوم عدا عادي جداً و محصلش في اي حاجه حسيت بي شويت ملل عشان كده قررت انام شويه كانت الساعه السابعه مساءً تقريباً..سمعت صوت اقدام بتتحرك ببطء،صوت الخطوات بتقرب مني..عملت نفسي نايم بصراحه مش عارف انا خايف ليه بس مش عايز افتح عيني،فتحت الباب و عرفتها من ريحتها كانت جينفر قربت مني جامد و بعدين خرجت من الاوضه استنيت لحد ما صوت خطواتها يبعد شويه و بعدين خرجت من الاوضه لقتها بتفتح باب البيت و بتخرج للحديقه الخلفيه تاني قولت يمكن عايزه تلعب و انا الي مكبر الموضوع شويه،و بعد نص ساعه تقريبا لقتها راجعه و مبسوطه اوي و لما سألتها مبسوطه اوي ليه كده قالتلي"عملت الحاجه الي بحبها" استغربت شويه و سألتها ايه هي الحاجه ضحكت و قالت" لا ده سر" و دخلت اوضتها مش عارف المفروض اضحك علي لطفاتها ولا اخاف من الحاجه الي بتحبها دي
دخلت نمت بس المرادي صحيت علي صوت ‏سرينا الشرطه
السيده ايفا جارتنا اتقتلت بنفس السبعه و عشرين طعنه بنفس المقص و عشان ايفا جرتنا عايشه لوحده فا مفيش شاهد يقول مين عمل كده بس انا عارف و مستني بس اتاكد..

متخيل انها خلت اكبر سعدتي اكتر حاجه خايف منها؟!هقولك ايه اكبر سعادتي

مراتي رجعت من عند اهلها و هي بتقولي انا حامل المفجاه كانت صعبه تسدقها بس كانت حلوه حلوه اوي

مع الوقت اهتمام مراتي بي جينفر بداء يقل و ده عشان تعبها و ده بداء يدايق جينفر رغم انها كانت تبان لطيفه لكن جواها حاجه شريره لابعد الحدود

طريقتها معانا بقت مرعبه حتي لما بطتلب حاجه بتقولها كأنها هتقتلنا لو معملناش كده،الجمل بتبقا امر مش رجاء..حتي لما كانت بتحط اديها علي بنت مراتي عشان تشعر بالطفل كانت بتضغط علي بطنها لدرجه انها تتوجع
كل ده حصل من تلت شهور بالظبط لحد ما جه يوم جينفر اختفت و ملقنهاش في اي مكان

ملهاش اثر في البلده كلها بس كنت حاسس انها عايشه و هي اكدتلي ده لما بعتت لي رساله بتقولي"انا بس مستنيه الطفل" اربع كلمات ممكن يخلو دمك يتجلط جواك من كتر الرعب  انا عارف انها جايه قريب بس

هل يمكنك حل اللغز و معرفه ماذا تفعل جينفر قبل نفاذ الاسبوع؟!