لغز الاسبوع

جاك

جارتنا الي ساكنا في اول الشارع هي اكيد مسمهاش كده بس انا كل ما اعرف اسمها انسي فا اطلقت عليها كده

هي اغرب حد شفتو و هشوفو في حياتي الي قدرت اوصلو انها مش بتنجب و كل شهر او شهرين بتجيب طفل من الملجئ طب و الطفل الي قبلي فين؟محدش يعرف

لحد ما في مره جابت طفل جديد كان في نفس سني اسمه توم ده اكتر طفل طول معاها و قعد معاها ست شهور

انا و توم كنا صحاب جداً كنا بنلعب و هي واقفه بتراقبنا بنظراتها المخيفه
لحد ما مره توم مظهرش استنين يوم اتنين اسبوع لكن هو مش موجود روحت و سالتها"توم كويس؟"

مفيش رد حتي مبصتش ناحيتي رددت سوالي تاني"توم كويس"بردو مفيش رد

استنيت لي تاني يوم بردو مظهرش هنا قررت اني اكون انسان متطفل و ادخل اشوف اذا كان توم جوا او ولا بدائت استعد و خرجت من البيت و انا لابس اسود بالكامل

مكنتش عارف هدخل البيت ازاي،وصلت للبيت قلبي دق و كنت خايف لسبب مش عارفه،
ده كان يوم حظي لان لقيت شباك مفتوح ادخل منه،قدرت اتسلق الشباك،

عمري ما دخلت بيت توم قبل كده و ده من حسن حظي..حاولت اكتم نفسي من بشاعه الريحه الموجوده..و بدائت استكشف المكان لحد ما لقيت اوضه صغيره و اعتقدت انها اوضت توم..المكان كان مظلم اكيد مكنتش شايف اوي بس نور القمر

خلاني اشوف بعض الحاجات زي ان توم مربوط و مرمي في الارض!!
بدائت اصحي بي صوت واطي لانها لو صحيت مش هيحصل لينا كويس نهائي

و بالفعل صحي..مستنتش يقول حاجه و قولتله"قوم نمشي من هنا"
هز راسو بالرفض استغربت و انا بقولو"ليه" بصلي و عنيه فيها دموع و بيقولي"انت مش فاهم..رجلي"

و دي كانت اصعب حاجه شوفتها كفوف رجليه الاتنين مش موجودين مش عارف هتصدقوني ولا لا بس انا عيط معه
فجاه سمعنا صوتها بتقولو"توم حبيبي بتكلم مين"

توم خاف جداً و عيط اكتر و هو بيقولي"اهرب بسرعه"
نطيت من شباك اوضتو للارض المسافه مش كبيره خالص قدرت اوصل للبيت و ده طبعا و انا بجري و بعيط من الخوف

حكيت لي اهلي كل حاجه و لانهم بردو كانو شكين فيها اتصلو بالشرطه و بالفعل الشرطه راحتلها

الي هقولو ده كان متوقع بس كل الطفال الي كانو عندها لقوهم ميتين بس مش موته عاديه هما بصراحه متاكلين

عارف انو غريب بس هي بتجيب الاطفال من الملجئ عشان تربيهم و تاكلهم
انا بردو كنت سعيد اننا تخلصنا منها لحد ما عرفت ان تالت يوم حبسها اختفت و محدش لاقيها بس الي عرفو ان في طفل اتبني من ملجئ مختلف في مكان مختلف تحت اسمها