وصيه زواجنا 💜

part 17⁦❤️⁩

استيقظت يارا من نومها وهي تبكي وتنادي مراد
لم يرد أحد
فذهبت إلي غرفته وفتحت الباب بدون أن تطرقه
مراد بكسل: ايه يا جدعان مين فتح الباب
تفاجأه مراد بيارا وهي تبكي
مراد : مالك يا حبيبتي بس مالك
عانقته يارا وهي تبكي وترتعش
يارا ببكاء وتشهق : انت كويس انت مفيش فيك حاجه هتفضل دايما جمبي متسبنيش يا مراد أنا اسفه يا حبيبي اسفه
مراد بتعجب: مالك يا يارا
يارا ببكاء: كابوس وحش اووي اووي
عانقها مراد وجلس يرطب ع شعرها واجلسها ع السرير
مراد: هديتي
هزت راسها بالإجاب
مراد: اومال ايه الدموع دي
يارا: لا مفيش
مراد: ايه ده بقي ده المفروض تحلمي كل يوم كدا عشان اخد الحضن ده ولا ايه
يارا ببكاء: لا هو كان وحش ومعفن وعمره ما هيحصل
مراد: لا متخافيش مش هيحصل مع اني معرفش في ايه
يارا: بص الجو بيمطر
مراد: اهه الواحد لازم ينام بقي دلوقتي
لم يكمل كلامه وجد يارا بالخارج تلعب تحت المطر
خرج مراد ورائها
مراد : يا يارا تعالي هتتعبي يالا نخش
يارا: لا عايزه العب تحت المطر
كانت يارا تدور تحت المطر وفستانها الأبيض الرقيق كان يدور معها وخصلات شعرها القصيره الناعمه كانت تزيد جمالها ذهب مراد إليها ووقف امامها وأمسك يدها ورقصو تحت المطر ونظرات الحب كانت تملئ عيونهم
مراد بحب : يارا أنا بحبك
يارا: وانا بحبك يا مراد
قاطع كلامها بقبله اخذتها إلي عالم اخر
وبعد ذلك دخلو الي الغرفه وبدلو ملابسهم ومراد كان يجفف شعره فأخذت يارا المنشفه وجلست تجفف شعره
مراد: كان فين الدلع ده يا جدعاان أنا نفسي اضرب نفسي ميت جذمه
يارا: تستاهلهم
مراد: واهون عليك يا قمر
يارا بخجل : مش هتتغير
قام مراد ونظر في عينيها
يارا بتوتر: م..مراد
مراد: قلبه
يارا: ينفع تبعد عشان مش عارفه اركز
مراد: لا ليه
يارا: اصلي عينيك بتدوخني
مراد: يعني عينيا حلوين
يارا: اه اوي
مراد: بتعترفي يعني
فاقت يارا
يارا بخجل: يووه بقي
مراد: كنتي بتناديني رجل التلج مش كدا
يارا: اه أصل الصراحه كنت بارد اوي
رفع مراد حاجبه لها
يارا: كنت كنت
مراد: يعني مبقتش
هزت راسها بالسلب
حملها مراد ووضعها ع السرير وعانقها ونامو سويا
________________________________
اليوم التالي
كريمه: مالهم يارا ومراد منزلوش ليه
شيري: تيته مامي مش في الاوضه بتاعتها
هايدي: ايه اومال هتكون راحت فين
ادهم: هروح اسأل مراد
صعد ادهم الي الغرفه وجد مراد ويارا نائمون فخرج دون أن يصدر أي صوت
هايدي: ايه
ادهم: لو قلت انو الميه رجعت لمجريها حد هيتبسط
هايدي: قول والله
ادهم: يارا ومراد جوا نايمين سوا
جمال: ايوه بقي يا ابني
كريمه: ربنا يهديهم ع بعض
_____________________________
استيقظت يارا من النوم فوجدت نفسها في حضن مراد فقامت بسرعه وهي تعدل ملابسها وشعرها وصرخت
مراد: ايه حرامي
يارا: أنا بعمل ايه هنا
مراد: لا اله الا الله ع الصبح هو أنا يا بنتي شقطك من قدام جامعه الدول مهو انتي مراتي عادي
يارا: لا مش عادي انت طلقتني
مراد: ممضتش ع الورقه
يارا: هو لتكون فاكر انو الجواز اللي اتجوزناه ده كان جواز
مراد: عايزه ايه طب
يارا: ولا حاجه
مراد : يارا استني
يارا: لا وابعد عني
مراد: وربي مجنونه
_________________________________
ذهبت يارا الي غرفتها وغيرت ملابسها ونزلت لتأكل
كان مراد بالاسفل
ادهم : تعرفي يا حبيبتي كان في دراما امبارح كتير اوي
هايدي: صح يا حبيبي
ادهم: طب ايه اللي هيحصل بعد كدا
جمال: بصي يا مراد يارا مش هتعرف تقعد هنا من غير ما تتجوزو
يارا: ومين قلك يا عمي اني عايزه اتجوز ابنك
مراد: اصلا هي مراتي يا حاج
جمال: بس الناس متعرفش افترض قالو كلمه كدا ولا كدا
مراد: ما يقولو اللي يقولو يارا دي مراتي ومفيش حد هيفرقنا عن بعض
قامت يارا من الفطور وذهبت إلي غرفتها
وعندما دخلت
يارا بفرحه وهي تغني : أنا نفسي اطيير فرحانه جدا ودايبه وبغير حسه بسعاده وده احساس خطير مجنونه نفسي افضل اصادق واقولك بحبك كتيير
وده مش كلام أنا جايه اغرق عنيك اهتمام وده وعد عليا وقرار والتزام لو كنت أطول كنت امسح حياتي ونبدأ من الليله قوام
وجلست تضحك وهي تحتضن وسادتها
يارا: استني بس شويه يا استاذ مراد هجننك اه مش هنكر بموت فيك بس هدوخك شويه عشان تفكر تاني قبل ما تعمل معايا حركاتك دي تاني
________________________________
مراد: أنا رايح المكتب
يارا: وانا
مراد: افندم ليه بقي
يارا: الدمج
مراد بمشاكسه : يعني وفقتي والنبي
يارا: احترم نفسك قصدي الشركات
مراد: يا عيني ع شبابك اللي بيضيع يا واد يا مراد يا غلبان انت
يارا: يالا
شيري: خلي بالكو من نفسكو
قبلها مراد
مراد: يومين كدا و هنروح المراجيح واشتريلك كل حاجه انتي بتحبيها ماشي يا موناليزا فجهزي نفسك بقي
شيري: اوك يا بابي
يارا: باي يا روحي
شيري: باي
__________________________________
وصلو الي المكتب
مراد: ليليان هاتي ورق الدمج
ليليان: امرك يا فندم
نظرت لها يارا من الاعلي إلي الأسفل ونظرت إلي ملابسها التي كانت قصيره وضيقه جدا
يارا: اووف
مراد: مالك
يارا: هي دي السكرتيره
مراد: اه في حاجه
يارا : لا ابدا
واكيد الغضب في عينيها واضح
بعد الاجتماع
مراد : خلاص يا ليليان روحي خلصنا كدا
ليليان: طيب يا فندم سلام
يارا بغضب: ضحكتلها والله ضحكتلها
مراد: افندم
يارا: والله يا مراد هتزعل
مراد: ايه ده في حاجه ولا ايه
قامت يارا وامسكته من قميصه
يارا بغضب: لو فاكر انك هتعرف تلعب بديلك كدا ولا كدا هموتك يا مراد أنا مجنونه واعملها انت بتاعي انا وبس انت فاهم يعني مفيش حد هيخدك مني
مراد: مسمعتش اخر حته ايه
يارا: هنستعبط
مراد: بحبك غيرتك عليا يا فراولتي بس انا مبحبش ولا هحب حد غير اللي بحبها
يارا: اللي بتحبها
مراد: اه حته بت ايه فورتيكه
يارا والشرار يخرج من عينيها : ايه فورتيكه
مراد: عندها عيون يا لهووي ولا عودها يا نهار ابيض هي دي اللي اتغني ليها بصراحه عود البنات عالي شقلبلي أنا حالي
يارا بغضب: هي وصلت للعود
مراد: ولا..
قاطعت كلامه
يارا: اه يا سافل ولا ايه يا مراد هي لسه فيها حاجه
مراد: اسمها لوحدوا بيخليني كدا مش مظبوط
يارا: مين دي يا مراد
مراد: هي واحده متعرفهاش
نظرت له يارا بحزن وخرجت من المكتب
ومراد كان كاتم ضحكته وعندما خرجت جلس يضحك
مراد بضحك: اه وربي ما اقدر ههههههههههه ههههههههه صدقت والله صدقت هههههه
ادهم: روح صالحها بقي يالا نروح أنا تعبان
مراد: طيب هروح اشتري حاجه واجي
__________________________________
بعد مرور بعض الوقت
كانت يارا في المكتب ترسم بعض التصاميم وهي تبكي وتمسح دموعها فدخل عليها مراد وهو يمسك بوكيه من الورد الاحمر والوردات البيضاء ع شكل حرف الy وفي المنتصف علبه بها خاتم زواج
مراد: يارا
نظرت له يارا بحزن وكانت ستخرج من المكتب ولكن امسك يدها
مراد: عايز اعرفك ع حبيبتي
أحضرها مراد عند المرأءه
مراد: بصي هي دي حبيبتي اللي عمري ما هحب غيرها
نظرت يارا للمرءاه وضحكت بخجل
مراد: يعني كنتي شاكه فيا مش كدا
يارا : أنا اسفه بس والله كنت هقتل السكرتيره
دي
مراد: سيبك منها
احضر بوكيه الورد
مراد بحب: ايه رايك
بكت يارا من جمال البوكيه وفتحت العلبه ووجدت خاتم به ماسه بسيطه كما تحبه يارا
يارا : يجنن
امسكه مراد وجلس ع ركبته
مراد: يارا تتجوزيني للمره التانيه والمره دي اوعدك هفضل جمبك طول العمر ومش هسيبك مهما حصل
يارا ببكاء: اه موافقه طبعا
البسه لها مراد وعانقته ودار بها
واخبرو الجميع وفرح الجميع بهذا الخبر
________________________________
يوم الحنه
قررت يارا أن تغني لمراد اغنيه بصوتها الجميل وغنت حبيبي ع نياتو
مع الفتيات في الداخل
يارا : حبيبي داب ع ايدي وداب دخلني قلبه وقفل الباب
والكل يردد وراءها
خرجت يارا من الغرفه لتشرب
مراد: كل مره كدا بتخرجي وبمسكك برضو
يارا: مراد انت بتعمل ايه هنا
مراد: احنا معملناش غير الحنا مش عارف ليه والفرح بكرا فكنت بقول لو قضينا شويه وقت سوا
يارا: بكرا
مراد: لا دلوقتي
يارا: بكرا والا همشي والله
مراد: طب اشوف الحنه اسمي عليها صح
يارا: بكرا برضو
وذهبت
مراد : مصبر القاتل ع المقتول صبرني يا رب
_____________________________
اليوم التالي كانت التجهيزات تملأ القصر والجميع مشغول ويارا عند الكوافير لأنها أصرت أن تذهب لكوافير خارج القصر هي وهايدي
ذهبت هايدي الي بيتها ويارا مازالت في الكوافير تنتظر مراد
خرجت لتتصل به
يارا: انت فين يا مراد
مراد: جاي يا حبيبتي جاي اهو
يارا: طب بسرعه متتأخرش
مراد: ده انا ع نار أتأخر ايه
بعد أن أغلقت معه
شخص: انتي مدام يارا
يارا: ايوا انا
________________
وصل مراد إلي الكوافير وظل ينتظر يارا حتي تخرج ولكنها لم تخرج وسأل الكوافير قال إن هناك من جاء وأخذها ومراد لا يفهم منه شئ
ورساله جاءت
مش قلتلك مش هسيبك في حالك يا بيبي
_________________________________
وصيه زواجنا⁦❤️
يا رب البارت يعجبكو
بقلم: 나다💜😋