في طور الكتابة 😁
هي بنت بسيطة. عادية .عايشة على امال الغد اكون افضل او هي معارفاش بلي هاذ الغد للي كاتسناه غايخليها تعيش احلى ايامها و اكفسها اكيد او هي لي غالبة ...........
..\\\
هو لي عايش حياتو غي بغرور او شخص قاصح او عصبي ل أقصى حد...
نكملو التعارف 😁 هو انا كيف قلت ليكوم تووووتة واخا تشوفوني غليظة انا بطبوطة او افتخر حيت شحيماتي الله اخليهوملي دايرين خدمتهوم او انا راضية عليهوم حيت تحطو فالمواقع لي خاصهوم اكونو فيها راكوم عارفين 😉😉 الموهيم انا العنقود الاول فاسرتنا المتواضعة لي محااافظة بزاف 😇 عندي 21 عام الله احفضني او صف. الاب تاعي سي مصطفى و من لا يعرفه شخص متشدد جدا او عقليتو تاع شحاااال هاذي ، الموهيم كاينة مدام ماما ملاك تاع الدار سميتها مليكة ، اوا و خواتاتي الجنية تاع سمية لي عندها 19 او احلام 16 عام عااااد ايجي اخر العناقيد لي ما هو جن ما هو شبح مانعرف ليه هو خويا مستر اياد صف سالينا 😇...............
العام لي فات خديت ديبلومي تا سكرستارية او مساعدة ادارية اوا دب تانوض على وعدي او سعدي تانقلب على شي سطاجات نديروهوم نعمرو بيهوم سيڤي.. كيما تاتشوفو الحالة وصيت ختي الزرمومية تفيقني حيت انا الى نعست وخا تنوض الحرب بالبنادق مانوضش ، مني فقت او ستوعبت على ديك تمرميدة لي درت ل سوسوتي عاد تنادم معايا الحال اوا ختكوم تاتنوض حالتها حالة خاصها 3 سنين بحرى ماتقاد واحد شعر شاد ريزو الله استر جاب الله هاديني تاندير الفولار 🙄😂.. اوا يالمشاهدين نط على وعدي و سعدي جمعت فراشي ، عنداااااكم او واااياكوم تمشيو بعيد تقولو هادي عندها بيتها انا راه ماتانكسابوش تانعس ف صالا لي هي تاع ضياف ههههه مابقاتش عندنا . اوا طرفت الدنسة او مشيت درت بحالتي شوية دوشت او حيدت عليا العگز توضيت او صليت صلاتي الله اقبل او دزت بقيت واقفة مسمرة قدام الماريو تانفكر اش انلبس بحرى او بحرى مالقيت حيت كما تاتعرفو واخا الماريو تايكون عامر مني تبغي تلبسي ماتاتلقايش گاع اوا بحرى مالقيت او لبست .👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حيت خاص البسة شوية رسمية مي مستورة اوا او ختكو هادشي لي لقات لبست وجهي مادرتل ليه والو من غير پوماض دالشمس او گلوز غي باش نرطب شوية فمي نشف 😂 مدام انا من النوع لي ماتايفطرش صباح . من عوايدي غي تانشرب كاس دالماء صف تانخرج . سلمت على ماماتي دعات معايا تسامحت مع سوسو او مشيت نزلت من دروج تاع العمارة او يالله انخرج حليت الباب اول خطوة تعكلت 🙄🙄🤦 . فهمت بلي هادو دعوات الاخت الكريمة ههههه باااينة . اوا الحمد لله ماتوعتش گلت بلى مانزيد نتعطل شديت طاكسي جاب الله دازت من حدايا ف زنقتنا يا وصلت حدى الشركة لي انا انسطاجي فيها غير وقفت وانا نتصدم عمرني شفت بحالها حيت هي كانت دايرة كولشي اون لاين يعني ماكاين لاش تمشي تالعندهوم او دفعي سيڤي تاعك اوا و انا اول مرة نزورها من بعد ما خبروني بقبول طلب تدريبي . بقيت حالة فمي او تانتمنضر 👀👀غادة داخلة مدرة او تانظور او نكتاشف بحالا تاع با اليستر حتى تايبانلي سيكيريتي تاع الباب تابعني او تايعيط لي .وقف تا وصل عندي . 🔥انا: نعام اخويا هو : سمحي ليا نتي ماتاتخدميش هنا مايمكنش ليك دخلي بلى مانعرفوك شكون 🔥:بقيت مبلقة فيه هاذا اش تايتصحاب راسو عاملني بحال الى داخة نفرگع راسي تم اوا هاااا گال ليك ،عصبني مي حاولت نكالمي او شرحت ليه ،،،، سمحلي اخويا انا جيت هنا على قبل حيت قبلوني نسطاجي عندهوم ، هاك شوف 📄 هو:😳😳 اه سمحيلي غي انا خاصني ندير خدمتي، الموهيم راه هي الريسيبسيون تكلمي معاها هي اتگول ليك فين تمشي 🔥: واخا شكرا ☺️ كشي الريسيبسيون او لقيت واحد الطعريجة كنت شفتها من. دخلة دالباب مي ماعبرتهاش 🙄. اوا مشيت بقات تاتعوج ليا فالهضرة تما بحرى مافهمت بلي خاصني ناخد لاسونسور او نطلع السماوات (الطابق 8 الله ياربي الله كون ماكان لاسونسور كون نقصت شحوماتي 🤭🤭 ) توجهت ليه دخلت يلاه ايتسد دخل واحد مدرم عاقد 11 ا😡😤و نافخ سدرو بحال الى كان تايجاهد في سبيل الله شوية او انا نشوف وحدة لابسة ميني جوب المعري كثر من المغطي الليستر او تابعاه لصقات فيه تاتقول ليه حبيبي غي سمعني مالك 🙄🙄🙄 او تاتبلق فيه تاتلحون عليه تمسح ليه فمو باديها او تقيس ليه شعرو او الموهيم كملو من عندكوم انا تفقصت 😬😬 هو داير بحال الحيط ماتحركات فيه تا شعرة مادار تا ردة فعل بقيت مقابلاهم تا وصلنا خرجو او خرجت انا تابعاهوم دخلو لواحد البيرو او انا تاجهت العند وحدة كانضن هي ريسيبسيون تاع داك الجناح فهمتها لاش جيت گالت لي نتسنا شوية حيت المسؤول يالله جا بقيت گالسة شي ساعة حتا ترمتي طابت ، اوا و شدني وااااااحد مولاي النعاس كون عطاوني لوطوغيز كون نعست ليهوم تم مانوض تا وكاااان اسالي هاد مديرهوم 😏😒 اوا من بعد هاد المعانات عيكات عليا قالت بلي المدير تايتسناني ، وجهاتني البيرو او فهمت بلي داك القمقوم لي شفت قبيلة هو مسيو لو ديغيكتور 🙄 دقيت تسنيت حتى سمعت اونتخييي او بديت نترعد جاني وااااااحد ستريس ماكنتش متوقعاه واقيلة حيت شفتو معصب قبيلة ، اوا صااف اضرب راسو مع الحيط ، دخلت على وعدي او سعدي او گالي نتفظل گلست ، او بقا ساكت شوية طلب لوراق لي كانو وصاوني نجيبهوم عطيطهوم ليه .....................................
الكمالة مني نحيد عگزي عاود 🤣🤣🤣🤣🤣 هاكوم هاك التخربيق قراوه او سيرو الله اعاونكوم 😂😂😂 تشااااو
